《巴克禮普世版聖經（試讀本）》

 | | | 轉寄

巴克禮普世版（試讀本） 哥林多後書第一章

作者 巴克禮普世版小組 2015.04.26

1 Góa sī Pólô, hōng SiōngChú ê chíì chò Kitok Iâso͘ ê sùtô͘. Góa kah hiaⁿtī Thêmô͘thài siá phoe hō͘ tī Kolîmto SiōngChú ê kàuhōe kah choân Akaia só͘ū ê sìntô͘. 2 Goān lán ê ThiⁿPē SiōngChú kah Chú Iâso͘ Kitok siúⁿsù lín untián kah pêngan!

Pólô Kámsiā SiōngChú
3 Lán tio̍h oló Chú Iâso͘ Kitok ê Pē SiōngChú, I sī jînchû ê ThiⁿPē, siúⁿsù ta̍kkhoán anùi ê SiōngChú. 4 Tī lán itchhè ê hoānlān tiong, I anùi lán, hō͘ lán ē tàng ēng SiōngChú tùi lán ê anùi lâi anùi hiahê tú tio̍h hoānlān ê lâng. 5 Tú chhinchhiūⁿ lán kah Kitok chòhóe siū chióngchióng ê khó͘lān, lán mā thongkòe Kitok siū tio̍h hiahni̍h chē ê anùi. 6 Goán nā tú tio̍h hoānlān, mā sī beh hō͘ lín tit tio̍h anùi kah chínkiù; goán nā tit tio̍h anùi, mā sī beh hō͘ lín tit tio̍h anùi, ū khùila̍t thang jímsiū kah goán kāngkhoán ê khó͘lān. 7 Goán tùi lín ê ǹgbāng bē iôtāng, inūi goán chai lín kah goán chòhóe siūkhó͘, lín mā ē kah goán kāngkhoán siū anùi. 8 Hiaⁿtī chímōe ah, goán ài lín chai, goán tī Aseaséng tú tio̍h ê hoānlān, goán só͘ taⁿ ê tàⁿ huisiông tāng, tāng kah taⁿ bē khí, soah kiôngbeh oa̍h bē lo̍hkhì. 9 Goán kámkak íkeng hō͘ lâng phòaⁿ síhêng. Chithāng tāichì sī beh hō͘ goán bô óakhò kakī, chíū óakhò hō͘ sílâng kohoa̍h ê SiōngChú. 10 SiōngChú ū kiù goán thoatlī síbông, chionglâi mā ē koh kiù goán. Goán khaksìn I chionglâi mā ē kohchài kiù goán. 11 Lín mā tio̍h thè goán kîtó lâi pangchō͘ goán, ánne chinchē lâng ūi goán kîtó hō͘ goán bôngun, mā ū chinchē lâng ūi tio̍h goán tit tio̍h chiokhok lâi kámsiā SiōngChú.

Pólô Káipiàn Kèōe
12 Goán só͘ khoakháu ê chiūsī: goán ê liôngsim chèngbêng, goán tī sèkan teh sengoa̍h lóng ū chiàu SiōngChú ê sèngkiat kah sêngsi̍t, m̄ sī óakhò lâng ê tìhūi, sī óakhò SiōngChú ê untián. Goán tùithāi lín kohkhah sī ánne. 13 Goán siá hō͘ lín ê lóng sī lín tha̍k liáu ē liáukái.ê. Góa ǹgbāng lín kàu bóe lóng ē thiatté liáukái. 14 Ánne tī lán ê Chú Iâso͘ chàilîm ê ji̍t, lín ē chò goán ê khoakháu, goán mā ē chò lín ê khoakháu. 15 Inūi ū chitê khaksìn, góa chiah koattēng seng lâi hóngbūn lín, hō͘ lín thang têngsin kohchài tit tio̍h chiokhok. 16 Góa kèōe khì Mákîtùn ê sî kengkòe lín hia, tńglâi ê sî mā ùi lín hia kengkòe, thang hō͘ lín sàng góa chhuthoat khì Iûthàiséng. 17 Góa chitê kèōe kám chhinchhái chò.ê? Kám sī chiàu kakī chūsu ê tōngki? Liâmpiⁿ kóng, "Sī", koh liâmpiⁿ kóng, "M̄ sī."? 18 SiōngChú sī sìnsi̍t ê, goán tùi lín tapèng ê ōe mā m̄ sī liâmpiⁿ "Sī" koh liâmpiⁿ "M̄ sī". 19 Inūi Selah, Thêmô͘thài kah góa thoân hō͘ lín Hitūi SiōngChú ê Kiáⁿ Iâso͘ Kitok pēng m̄ sī liâmpiⁿ "Sī" koh liâmpiⁿ "M̄ sī".ê. Chāitī Iâso͘ Kitok chí ū "Sī" niāniā. 20 SiōngChú itchhè ê èngín chāitī Iâso͘ Kitok lóng chiâⁿchò "Sī", só͘í lán thongkòe I kóng, "Amen" lâi êngkng SiōngChú. 21 Hō͘ goán kah lín lâi kah Kitok kiatliân ê sī SiōngChú, koh sī SiōngChú púnsin kéngsoán lán chiâⁿchò I ê chúbîn. 22 I mā kā lán khapìn chò kìhō, koh siúⁿsù SèngSîn tī lán ê simlāi chò tampó. 23 Góa ēng kakī ê sèⁿmiā kîkiû SiōngChú chò kiànchèng. Góa sī ūi tio̍h lín siatsióng chiah bô khì Kolîmto. 24 Goán m̄ sī teh kiôngchè lín tio̍h sìn símmi̍h, tiantò sī teh chò lín ê tângkang thang hō͘ lín hoaⁿhí, inūi lín ê sìngióng ū khiāchāi.