《巴克禮普世版聖經（試讀本）》

 | | | 轉寄

巴克禮普世版（試讀本） 哥林多後書第六章

作者 巴克禮普世版小組 2015.05.31

1 Goán kah Chú tângkang mā kā lín khó͘khǹg, m̄ thang hō͘ lín tùi SiōngChú niásiū ê untián liáujiân khì. 2 SiōngChú kóng: Góa hoaⁿhí chiapla̍p ê sî ū thiaⁿ lí ê kîkiû, Tī chínkiù ê ji̍t góa ū pangchō͘ lí.( chù: ISA 49:8) Lín tio̍h thiaⁿ, chit chūn sī siū chiapla̍p ê sî, kin'áji̍t sī chínkiù ê ji̍t. 3 Goán bô ài lâng húipòng goán ê sūhōng kangchok, goán lóng bô chò chó͘gāi lâng ê tāichì. 4 Tiantò ēng chòetōa ê jímnāi, itchhè lóng thongkòe hoānlān, kanlân kah khùnkhó͘, lâi chèngbêng goán sī SiōngChú ê lô͘po̍k. 5 Goán hông phah, hông koaiⁿ lo̍hkaⁿ, hō͘ pōbîn jiáuloān, lôkhó͘, bô khùn, bô chia̍h. 6 Goán ēng sûnkiat, tìsek, khoaniông, jînchû, óakhò SèngSîn, ēng chinsêng ê thiàⁿsim, 7 chinlí ê sìnsit kah SiōngChú ê koânlêng, lâi piáubêng goán sī SiōngChú ê lô͘po̍k. Goán ēng chènggī chò búkhì kongkek tùite̍k, póhō͘ kakī. 8 Goán siū chuntiōng mā siū bújio̍k, tit tio̍h pháiⁿ miâsiaⁿ mā tit tio̍h hó miâsiaⁿ. Goán hō͘ lâng khòaⁿchò ná piánsian'á, kîsi̍t goán lóng kóng sêngsi̍tōe. 9 Kahná bôlâng bat goán, kîsi̍t lânglâng lóng bat. Hō͘ lâng khòaⁿchò kahná síkhì, kîsi̍t goán iáu oa̍hteh. Goán suijiân siū hênghoa̍t, m̄ koh bô hō͘ lâng thâisí. 10 Suijiân ū hoânló, kîsi̍t siôngsiông ū hílo̍k. Suijiân sànchhiah, m̄ koh hō͘ chinchē lâng hógia̍h. Kahná bô pòaⁿhāng, kîsi̍t ta̍khāng lóng ū. 11 Kolîmto ê pêngiú ah, goán ê simheng íkeng phahkhui, khuichhùi teh tùi lín kóngōe. 12 Goán m̄ bat tùi lín bô tō͘liōng, sī lín kakī bô tō͘liōng. 13 Góa kā lín tòngchò kakī ê kiáⁿ teh tùi lín kóng, tio̍h o̍h goán ê khoánsit, kā lín ê simheng pàng khah khuikhoah.

Tio̍h Thêhông Īⁿkàu ê Énghióng
14 M̄ thang kah bô sìn ê lâng chòphōaⁿ kauchhap. Gī kah putgī kám ē tàng chòhóe? Kngbêng kah o͘àm kám ē tàng hō͘siōng lâióng? 15 Kitok kah Mô͘kúi ná ē tàng hôha̍p? Sìn kah bô sìn ê lâng ū símmi̍h koanhē? 16 SiōngChú ê tiān kah ngó͘siōng ná ē tàng pâi chòhóe? Lán sī éngoa̍h SiōngChú ê tiān. Chiàu SiōngChú só͘ kóng: Góa beh kah Góa ê chúbîn chòhóe khiākhí, tī in tiongkan kiâⁿta̍h. Góa beh chò in ê SiōngChú, in mā beh chò Góa ê chúbîn.( chù: LBK 26:1112) 17 Só͘í Chú kóng: Lín tio̍h tùi in tiongkan chhutkhì, kah in hunlī, M̄ thang bong bô chhengkhì ê mi̍h, Góa chiū ē kā lín chiapla̍p.( chù: ISA 52:11; ISK 20:34, 41) 18 Góa beh chò lín ê ThiⁿPē, Lín beh chò Góa ê kiáⁿjî. Che sī choânlêng ê Chú kóng.ê.( chù: SBN 7:14)