《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第十四章

作者 巴克禮普世版小組 2011.07.03

1, Hit tongsî, hunhong ê jînkun Hilu̍t thiaⁿ tio̍h Iâso͘ ê miâsiaⁿ;
2, chiū kā i ê chheēng kóng, Chitê chiūsī siséchiá Iokhān, i sī tùi sílâng tiong kohoa̍h; só͘í ū chiahê koânlêng tùi i hiánchhut.
3, Inūi chêng Hilu̍t ūi tio̍h i ê hiaⁿtī Huile̍k ê bó͘ Hilôtí ê iânkò͘, ū lia̍h Iokhān pa̍k i, koaiⁿ lo̍h kaⁿ.
4, Inūi Iokhān bat kā i kóng, Lí chiapla̍p chitê hūjînlâng sī puthoat.
5, Hilu̍t ài thâi i, chíū kiaⁿ jînbîn; inūi in lia̍h Iokhān chò sianti.
6, Tú tio̍h Hilu̍t chò siⁿji̍t, Hilôtí ê chabó͘kiáⁿ thiàubú tī in tiongkan, lâi hō͘ Hilu̍t hoaⁿhí.
7, Tùi ánne chiùchōa, ún boeh chiàu i só͘ ài kiû ê lóng hō͘ i.
8, I hō͘ in lāubú sáisō, chiū kóng, Chiong kiâⁿ sélé Iokhān ê thâukhak té tī pôaⁿni̍h, chiū chia hō͘ góa.
9, Ông chin iubūn; tānsī ūi tio̍h só͘ chiù ê chōa, koh ū tâng toh ê lâng tīteh, chiū bēnglēng hō͘ i;
10, chhe lâng khì kaⁿni̍h thâi Iokhān.
11, Chiong i ê thâukhak té tī pôaⁿni̍h, lâi hō͘ chabó͘ gínná; i chiū phângkhì hō͘ i ê lāubú.
12, I ê bûntô͘ lâi siu i ê sinsi, khì bâichòng; chiū khì kā Iâso͘ kóng.
13, Iâso͘ thiaⁿ tio̍h chiū chiūⁿ chûn, tùi hia thèkhì khòngiá, kakī tòa; chèng lâng thiaⁿ tio̍h, chiū tùi chiahê siâⁿ pō͘kiâⁿ tè I.
14, I chhutkhì, khòaⁿ tio̍h kui tōa tīn ê lâng, chiū lînbín in, ihó in tiongkan ū pēⁿ ê.
15, Ji̍t mńgpo͘, bûntô͘ chiū kūn I kóng, Chia sī khòngiá, koh sî íkeng kè; tio̍h hō͘ chèng lâng sìsòaⁿ, thang khì hiuⁿsiā bóe chia̍h.
16, Iâso͘ kā in kóng, In m̄ bián khì, lín hō͘ in chia̍h.
17, In kā I kóng, Goán tī chia chí ū gō͘ ê piáⁿ, nn̄g bé hî.
18, I kóng, The̍h lâi hō͘ góa.
19, Chiū hoanhù chèng lâng chē tī chháupo͘, chiū the̍h hit gō͘ ê piáⁿ, nn̄g bé hî, ǹg thiⁿ lâi chioksiā, peh piáⁿ hō͘ bûntô͘, bûntô͘ hō͘ chèng lâng.
20, Lóng chia̍h kàu pá; khioh só͘ chhun ê sut'á, móa cha̍pjī kheng.
21, Chia̍h ê lâng, hūjînlâng gínná ígōa, ioklio̍k gō͘ chheng.
22, I sûisî pek bûntô͘ chiūⁿ chûn, tāiseng kèkhì hit pêng, thènghāu I sìsòaⁿ chèng lâng.
23, Sìsòaⁿ chèng lâng liáuāu, chiū kakī chiūⁿ soaⁿ kîtó; íkeng àm, chí ū I kakī tī hia.
24, Hit sî chûn tī háitiong, hō͘ éng iôchoah; inūi sī tùithâu hong.
25, Mîsî sì kiⁿ, Iâso͘ tùi háibīn kiâⁿ, chiūkūn in.
26, Bûntô͘ khòaⁿ tio̍h I kiâⁿ tī háibīn, chiū chhiⁿkiaⁿ, kóng, Sī koài mi̍h; inūi kiaⁿ chiū âukiò.
27, Iâso͘ liâmpiⁿ kap in kóng ōe, kóng, An lín ê sim; sī góa; m̄ bián kiaⁿ.
28, Pítek ìn I kóng, Chú ah, kójiân sī lí, chiū bēnglēng góa kiâⁿ chúibīn chiūkūn lí.
29, I kóng, Lâi. Pítek chiū tùi chûnni̍h lo̍hkhì, kiâⁿ chúibīn, boeh chiūkūn Iâso͘.
30, Tānsī khòaⁿ tio̍h hong, chiū kiaⁿ; tehboeh tîmlo̍hkhì, chiū âukiò kóng, Chú ah, kiù góa.
31, Iâso͘ sûisî chhun chhiú khan i, kóng, Siósìn ê lâng, siáⁿsū giâugî?
32, In chiūⁿ chûn, hong chiū tiāⁿ.
33, Chûnni̍h ê lâng pài I kóng, Lí chinchiàⁿ sī Siōngchú ê Kiáⁿ.
34, Íkeng kèkhì, chiū kàu Keknîsatle̍k tē.
35, Hit ūi ê lâng bat I, chhe lâng khì sìhng, chhōa itchhè ū pēⁿ ê lâi chiūkūn I;
36, kiû I nā sái hō͘ in bong I ê saⁿ'áku ê chhiu; kìⁿnā bong ê lâng chiâuchn̂g hó.