《巴克禮普世版聖經（試讀本）》

 | | | 轉寄

巴克禮普世版（試讀本） 加拉太書第一章

作者 巴克禮普世版小組 2015.07.26

1 Góa sī sùtô͘ Pólô, góa chò sùtô͘ m̄ sī thongkòe lâng, mā m̄ sī tùi lâng, sī tùi Iâso͘ Kitok kah hō͘ I tùi sílâng tiong kohoa̍h ê ThiⁿPē SiōngChú ê ho͘tiàu. 2 Góa kah tī chia ê hiaⁿtī chímōe siá phoe hō͘ Kalia̍pthài ê chèng kàuhōe. 3 Goān lán ê ThiⁿPē SiōngChú kah Chú Iâso͘ Kitok sù lín untián kah pêngan. 4 Ūi tio̍h beh chínkiù lán thoatlī hiānkim siâok ê sètāi, Kitok ū chiàu lán ê ThiⁿPē SiōngChú ê chíì lâi hiàn I púnsin. 5 Goān êngkng kui hō͘ SiōngChú ti̍tkàu éngéng oánoán. Amen.

Îit ê Hokim
6 Góa chin tio̍hkiaⁿ. Lín kèngjiân hiahkín to̍h khìsak Hitūi thongkòe Kitok ê untiàu lâi ho͘tiàu lín ê SiōngChú, khì sìn pa̍tkhoán ê hokim. 7 Kîsi̍t bô pa̍tkhoán ê hokim. Góa ánne kóng sī inūi ūlâng kā lín kiáujiáu, siūⁿbeh khiokkái Kitok ê hokim. 8 M̄ koh bôlūn sī goán á sī tùi thiⁿténg lâi ê thiⁿsài só͘ thoân ê hokim nā kah goán íchêng só͘ thoân hō͘ lín ê hokim bô kāngkhoán. Hitê lâng tio̍h siū chiùchó͘. 9 Góa chêng bat kóngkòe, taⁿ góa koh kóng chi̍tpái, nā ūlâng thoân hō͘ lín ê hokim kah lín íkeng chiapsiū ê bô kāngkhoán. Hitê lâng tio̍h siū chiùchó͘. 10 Góa ánne kóng, kám sī siūⁿ beh tit lâng ê oló? M̄ sī, sī beh tit SiōngChú ê oló. Góa kám teh kiû hō͘ lâng hoaⁿhí? Góa nā iáukoh ài hō͘ lâng hoaⁿhí, góa chiū m̄ sī Kitok ê lô͘po̍k.

Pólô Chiâⁿchò Sùtô͘
11 Hiaⁿtī chímōe ah, góa ài lín chai, góa só͘ thoân ê hokim m̄ sī chiàu lâng ê ìsù. 12 Chitê hokim m̄ sī tùi lâng niásiū, mā bô siū lâng kàsī, sī tùi Iâso͘ Kitok lâi ê khésī. 13 Lín bat thiaⁿ tio̍h góa chêng chò Iûthàikàutô͘ ê hêngûi, chiūsī pekhāi SiōngChú ê kàuhōe chin thiám, siūⁿbeh thiatté kā i phòhoāi. 14 Góa pí kāngchi̍tpòe ê Iûthàilâng kohkhah chunsiú kàukui, kohkhah jia̍tsim chunsiú chó͘sian ê thoânthóng. 15 M̄ koh tùi SiōngChú ê untián, góa iáubōe chhutsì I chiū kéngsoán góa, 16 tùi góa khésī I ê Kiáⁿ, hō͘ góa thang tùi Gōapanglâng soaniông I ê Kiáⁿ ê hokim. Hit sî, góa lóng bô khì chhéngkàu jīmhô lâng, 17 mā bô chiūⁿ Iâlō͘satléng khì kìⁿ hiahê pí góa khah tāiseng chò sùtô͘ ê lâng. Chíū sûisî khì Alahpek, jiânāu koh tńglâi Tāimásek. 18 Saⁿ nî āu, góa chiah khì Iâlō͘satléng pàihóng Pítek, kah i tòa cha̍pgō͘ ji̍t. 19 Chú ê hiaⁿtī Ngákok ígōa, góa lóng bô kìⁿkòe kîtha ê sùtô͘. 20 Góa só͘ siá ê lóng sī sūsi̍t, tī SiōngChú ê bīnchêng góa bô kóng pe̍hchha̍t. 21 Āulâi góa khì Sūlīa kah Kilīka ê ta̍k só͘chāi. 22 Hit sî, sio̍k Iûthài tē khu chèng kàuhōe ê sìntô͘ lóng m̄ bat góa. 23 In kantaⁿ thiaⁿ lâng kóng, "Chêng pekhāi lán ê lâng, taⁿ teh thoân i kòekhì siūⁿbeh húibia̍t ê sìngióng!" 24 In chiū inūi góa ê iânkò͘ kui êngkng hō͘ SiōngChú.