《巴克禮普世版聖經（試讀本）》

 | | | 轉寄

巴克禮普世版（試讀本） 加拉太書第六章

作者 巴克禮普世版小組 2015.08.30

Huntam Pa̍tlâng ê Tāngtàⁿ
1 Hiaⁿtī chímōe ah, nā ūlâng bô tiuⁿtî hāmlo̍h kòesit, lín sio̍klêng ê lâng tio̍h ēng unjiû ê sim kā i kiùchèng, kakī mā tio̍h siósim, chiah bē siū íniú. 2 Lín tio̍h hō͘siōng huntam tāngtàⁿ, ánne chò chiah sī teh si̍thiān Kitok ê kàsī. 3 Bô siáⁿ châilêng koh siūⁿkóng kakī chin gâu ê lâng sī teh khiphiàn kakī. 4 Ta̍klâng lóng tio̍h séngchhat kakī ê hêngûi, nā ū hó hêngûi, kantaⁿ thang tùi kakī khoakháu, bô suiàu kah pa̍tlâng píphēng. 5 Inūi ta̍klâng ê tàⁿ tio̍h kakī taⁿ. 6 Ha̍ksi̍p tōlí ê lâng tio̍h chiong ta̍khāng hómi̍h kah kàsī i ê lâng chòhóe hunhióng. 7 M̄ thang khiphiàn kakī, SiōngChú sī bē tàng bújio̍k.ê. Lâng beh chiàu só͘ iāchéng ê lâi siusêng. 8 Ūi tio̍h boánchiok kakī ê jio̍kthé lâi iāchéng ê lâng, i ê siusêng chiūsī jio̍kthé ê pāihoāi. Ūi tio̍h hō͘ SèngSîn hoaⁿhí lâi iāchéng ê lâng, chiū ē tùi SèngSîn lâi siusêng éngoán ê oa̍hmiā. 9 Chò hósū m̄ thang sitchì, inūi nā bô tiongkan tn̄gchām, sî kàu chiū ē ū siusêng. 10 Só͘í lán tio̍h páak kihōe lâi tùi chènglâng chò hósū, iûkîsī tùi sìn chiâⁿchò chi̍tke ê lâng, kohkhah tio̍h tìì.

Chòeāu ê Chhéngan
11 Lín khòaⁿ, góa chhinpit ēng chiah tōa ê jī siá phoe hō͘ lín! 12 Hiahê tī gōapiáu chng thébīn ê lâng, in siūⁿbeh biánkióng lín chiapsiū katlé, in ánne chò kantaⁿ bô ài ūi tio̍h Kitok ê si̍pjīkè lâi siū pekhāi. 13 Kîsi̍t liân hiahê siū katlé ê lâng mā bô lóng siú lu̍thoat. In ài lín chiapsiū katlé, chiah ē tàng khoakháu kóng lín ū chunsiú gōapiáu ê légî. 14 Nāsī góa, góa ittēng kantaⁿ beh khoakháu lán ê Chú Iâso͘ Kitok ê si̍pjīkè, inūi si̍pjīkè tùi góa lâi kóng, sèkan íkeng tèngsí si̍pjīkè; tùi sèkan lâi kóng, góa mā tèngsí tī si̍pjīkè. 15 Ū siū katlé kah bô siū katlé lóng bô iàukín, iàukín ê sī lán tio̍h chiâⁿchò sin chhòngchō ê lâng. 16 Chiàu chitê chúnchek lâi sengoa̍h ê lâng chiūsī SiōngChú Íseklia̍t ê chúbîn, goān pêngan íki̍p liânbín kah lín tôngchāi! 17 Tùi taⁿ íāu, bôlūn símmi̍hlâng lóng m̄ thang kā góa kiáujiáu, inūi góa ê sengkhu ū tài Iâso͘ ê siongjiah, chèngbêng góa sī I ê lô͘po̍k. 18 Hiaⁿtī chímōe ah, goān lán ê Chú Iâso͘ Kitok ê untián kah lín tôngchāi! Amen.