《巴克禮普世版聖經（試讀本）》

 | | | 轉寄

巴克禮普世版（試讀本） 以弗所書第三章

作者 巴克禮普世版小組 2013.03.21

Pólô Tùi Gōapanglâng Thoân Hokim
1 Inūi ánne, góa Pólô, ūi tio̍h lín Gōapanglâng chò Kitok Iâso͘ ê siûhoān, thè lín tùi SiōngChú kîkiû. 2 Lín ittēng ū thiaⁿ tio̍h, SiōngChú ūi tio̍h lín ê iânkò͘, siúⁿsù untián hō͘ góa chitê chitbū. 3 SiōngChú tùi góa khésī, hō͘ góa chai I ê òbiāu. Góa íkeng ū kánlio̍k siá chitê tāichì. 4 Lín tha̍k liáu chiū ē bêngpe̍k góa tùi Kitok òbiāu ê liáukái. 5 Tī kòekhì ê sètāi, bôlâng chai chitê òbiāu, chitmá SiōngChú íkeng thongkòe SèngSîn tùi sînsèng ê sùtô͘ kah sianti khésī. 6 Chiūsī Gōapanglâng thongkòe Kitok Iâso͘ ê hokim, ē tàng kah Iûthàilâng kāngkhoán hióngsiū SiōngChú ê chiokhok, ha̍pchò chi̍tthé, chòhóe sêngsiū SiōngChú ê èngín. 7 SiōngChú siúⁿsù góa te̍kpia̍t ê untián, thongkòe I ê tōa koânlêng, hō͘ góa chiâⁿchò thoân hokim ê lô͘po̍k. 8 Góa sī chèng sìntô͘ tiongkan siōng bîsè ê, kèngjiân tit tio̍h chitê untián, thang chiong Kitok sǹg bē liáu ê hongsēng hokim thoân hō͘ Gōapanglâng. 9 Ánne thang hō͘ chènglâng bêngpe̍k SiōngChú ánchóaⁿ si̍thiān I ê òbiāu. Chhòngchō útiū ê SiōngChú tī kòekhì ê sètāi ū chiong chitê òbiāu únba̍t khílâi. 10 Taⁿ beh tī hiānkim ê sètāi thongkòe kàuhōe, hō͘ thiankài ê chipchèngchiá kah chiángkoânchiá, lóng chai SiōngChú ta̍khāng ê tìhūi. 11 SiōngChú chiàu I éngoán ê chíì, íkeng thongkòe lán ê Chú Kitok Iâso͘ lâi si̍thiān. 12 Lán kah Kitok kiatliân, sìnkhò I chiū thang chhiongmóa sìnsim lâi kah SiōngChú chhinkīn. 13 Só͘í kiû lín m̄ thang ūi tio̍h góa ūi tio̍h lín só͘ siūkhó͘ lâi kankhó͘sim. Kîsi̍t che sī lín ê êngkng.

Kitok ê Thiàⁿ
14 Inūi ánne góa kūilo̍h tī ThiⁿPē ê bīnchêng, 15 I sī thiⁿténg tē chiūⁿ múi chi̍tê kacho̍k ê khígoân. 16 Góa tùi SiōngChú kîkiû, chiàu I hongsēng ê êngkng, thongkòe SèngSîn sù lín khùila̍t, hō͘ lín simlāi ê oa̍hmiā ióngchòng khílâi. 17 Góa mā kiû Kitok tùi lín ê sìn lâi tòa tī lín ê simlāi, hō͘ lín ê thiàⁿsim ē tàng tèngkin lâi lo̍ksi̍t, 18 hō͘ lín ē tàng tit tio̍h khùila̍t lâi kah SiōngChú só͘ū ê chúbîn lóng bêngpe̍k Kitok ê thiàⁿ sī jōani̍h tn̂g, khoah, koân, chhim. 19 Goān lín ē tàng thégiām Kitok hitchióng chhiauoa̍t tìsek ē tàng líkái ê thiàⁿ, hō͘ SiōngChú ê oânsiān kā lín oânchoân chhiongmóa. 20 SiōngChú ē tàng tī lán tiongkan ūnhêng I ê tōa koânlêng, tōatōa chhiaukòe lán só͘ kiû kah só͘ siūⁿ ê, lâi sêngchiū itchhè. 21 Goān êngiāu tī kàuhōe tiong, thongkòe Kitok Iâso͘ kui hō͘ SiōngChú, ti̍tkàu bānsètāi, tāitāi bûchīn. Amen.