《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第十三章

作者 巴克禮普世版小組 2013.03.10

Iâso͘ Īgiân sèngtiān Siū Húihoāi (Mt 24:12; Lk 21:56)
Iâso͘ tùi sèngtiān chhutlâi ê sî. ū chi̍tê bûntô͘ kā I kóng, " Lāusu, Lí khòaⁿ leh, chio̍hthâu hiahni̍h tōatè, kiàntio̍kbu̍t hiahni̍h tônghông!" 13:2 Iâso͘ kā i kóng, " Lí khòaⁿ chiahê tōa kiàntio̍kbu̍t ò͘? Chionglâi tī chia bô chi̍ttè chio̍h ē siotha̍h, lóng ē hō͘ lâng thiah kah pêⁿpêⁿpêⁿ."

Chailān kah Pekhāi (Mt 24:314;10:1722;Lk 21:719)
13:3 Iâso͘ tī Kannásoaⁿ ǹg sèngtiān teh chē ê sî, Pítek, Ngákok, Iokhān kah Anteklia̍t thauthau'á mn̄g Iâso͘ kóng, 13:4 " Chhiáⁿ kā goán kóng, tangsî ē hoatseng chitê tāichì? Á chiahê tāichì beh hoatseng chìnchêng, kám ū siáⁿmi̍h tiāuthâu?" 13:5 Iâso͘ ìn kóng, " Lín tio̍h kínsīn, m̄ thang hō͘ lâng kā lín bêhe̍k. 13:6 Ū chinchē lâng ē līiōng góa ê miâ, kóng, 'Góa sī Kitok', lâi bêhe̍k chinchē lâng. 13:7 Lín thiaⁿ tio̍h chiàncheng kah chiàncheng ê hongsiaⁿ ê sî, m̄ bián kiaⁿ, inūi chiahê tāichì ittēng ē hoatseng, m̄ koh boa̍tji̍t iáubōe kàu. 13:8 Inūi bîncho̍k ē khílâi kongkek bîncho̍k, kokka mā ē kongkek kokka. Ta̍k só͘chāi ē ū tē tāng, koh ū kihng. Chiahê tāichì chiūsī thòngkhó͘ ê khaisí. 13:9 " Lín kakī tio̍h kínsīn, inūi lâng ē kā lín kau hō͘ gīhōe, lín ē tī hōetn̂gni̍h siū piⁿphah. Lín mā ē ūi tio̍h Góa ê iânkò͘ khiā tī koaⁿhú kah kunông ê bīnchêng, lâi tùi in ūi Góa chò kiànchèng. 13:10 M̄ koh Hokim ittēng tio̍h tāiseng thoân hō͘ bānbîn. 13:11 Lâng kā lín lia̍h khì kau hō͘ hoattêng ê sî, m̄ bián seng hoânló beh ánchóaⁿ kóng. Hit sî lín tio̍h chiàu lín só͘ tit tio̍h SèngSîn ê chísī lâi kóng, inūi m̄ sī lín kakī teh kóng, sī SèngSîn teh kóng. 13:12 Hiaⁿtī ē chhutbē hiaⁿtī hō͘ i sí. Lāupē mā ē ánne khoánthāi kiáⁿjî. Kiáⁿjî ē khílâi kongkek pē bú, kā in hāisí. 13:13 Lín koh ē inūi Góa ê miâ lâi hō͘ chènglâng oànhūn, m̄ koh jímnāi kàu lō͘bóe ê lâng, ē tit tio̍h chínkiù."

Tōa Chailān (Mt 24:1528;Lk 21:2024)
13:14 " Tng lín khòaⁿ tio̍h hitê ' khóò͘ⁿ ê Húibia̍tchiá', khiā tī bô engkai khiā ê só͘chāi (tha̍k ê lâng tio̍h bêngpe̍k), hit sî tī Iûthài tē khu ê lâng lóng tio̍h cháukhì soaⁿni̍h bih. 13:15 Tī chhùténg ê lâng, m̄ thang ji̍pkhì chhùlāi the̍h mi̍hkiāⁿ. 13:16 Tī hn̂gni̍h ê lâng, m̄ thang tńglâi hiaⁿh gōasaⁿ. 13:17 Tī hiahê ji̍tchí, ū sinīn kah hō͘ eⁿ'á chia̍hleng ê hūjînlâng, si̍tchāi chin puthēng! 13:18 Lín tio̍h kîtó, kiû SiōngChú mài tī tangthiⁿsî hoatseng chiahê tāichì. 13:19 Inūi hiahê ji̍tchí tehbeh ū tōa chailān, sī tùi SiōngChú chhòngchō sèkan ílâi m̄ bat ū ánne, chionglâi mā bē koh ū. 13:20 Nā m̄ sī SiōngChú kiámchió hiahê ji̍tchí, bôlâng ē titkiù, m̄ koh ūi tio̍h I só͘ kéngsoán ê chúbîn, I íkeng ū kiámchió hiahê ji̍tchí. 13:21 " Hit sî nā ūlâng kā lín kóng, ' Kitok tī chia', á sī kóng, ' Tī hia', m̄ thang siongsìn. 13:22 Inūi beh ū ké Kitok kah késianti ē chhuthiān, kiâⁿ sînjiah kah kîsū, chīnliōng beh lâi bêhe̍k SiōngChú ê soánbîn. 13:23 Lín tio̍h kínsīn. Góa íkeng lóng sūsian kā lín kóng à."

Jînchú ê Kànglîm (Mt 24:2931;Lk 21:2528)
13:24 Tng hiahê chailān kòeliáu ê ji̍tchí, ji̍t ē piàn o͘àm, goe̍h bē hoatkng, 13:25 Chheⁿ ē tùi thiⁿténg lak lo̍hlâi, thiⁿténg ê bānsiōng ē iôtāng. 13:26 Hit sî, lâng ē khòaⁿ tio̍h Jînchú chhiongmóa tōa koânlêng kah êngkng, chē hûn kànglîm. 13:27 Hit sî, SiōngChú ē chhe thiⁿsài tùi sìhng, tùi tē ke̍k kàu thiⁿpiⁿ, chūchi̍p I ê soánbîn."

Bûhoakóchhiū ê Kàsī (Mt 24:3235;Lk 21:2933)
13:28 " Lín tio̍h tùi bûhoakóchhiū chitê phìjū lâi ha̍ksi̍p. Tng chhiūki puhíⁿ hoathio̍h ê sî, lín to̍h chai hē thiⁿ tehbeh kàu à. 13:29 Ánne lín khòaⁿ tio̍h chiahê tiāuthâu, to̍h chai Jînchú íkeng tehbeh chàilîm à, lâikàu mn̂gkháu à. 13:30 Góa si̍tchāi kā lín kóng, " Chit sètāi iáubōe kòekhì, chiahê só͘ū ê tāichì lóng ē hoatseng. 13:31 Thiⁿ kah tē ē siausit, m̄ koh Góa ê ōe bē siausit."

Bôlâng Chai Hitê Ji̍t, Hitê Sî (Mt 24:3644)
13:32 " Koanhē hitê ji̍t kah hitê sî, bôlâng chai, tī thiⁿténg ê thiⁿsài mā m̄ chai, kiáⁿ mā m̄ chai, kantaⁿ ThiⁿPē chai. 13:33 Tio̍h kínsīn, tio̍h kéngséng lâi kîtó, inūi lín m̄ chai hitê sîkhek tangsî ē kàu. 13:34 Che tú chhinchhiūⁿ chi̍tê lâng chhutgōa, kā koân kautài i ê lô͘po̍k, ū hunphòe kangchok hō͘ ta̍klâng chò, koh hoanhù kò͘mn̂g ê tio̍h tiuⁿtî. 13:35 Só͘í lín tio̍h tiuⁿtî, inūi lín m̄ chai lín ê chúlâng tangsî ē tńglâi, he̍ksī behàm'á, he̍ksī pòaⁿmê, he̍ksī koe thî ê sî, he̍ksī thiⁿkng ji̍t chhut ê sî. 13:36 khióngkiaⁿ chúlâng hutjiân tńglâi, khòaⁿ tio̍h lín teh khùn. 13:37 Góa só͘ kā lín kóng ê, mā ū kā kûnchiòng kóng: Tio̍h tiuⁿtî."