《巴克禮普世版聖經（試讀本）》

 | | | 轉寄

巴克禮普世版（試讀本） 腓立比書第二章

作者 巴克禮普世版小組 2015.10.25

Kitok Chò Lán ê Bô͘hoān
1 Lín kah Kitok kiatliân ū tit tio̍h símmi̍h keklē? Kám ū tùi I ê thiàⁿsim tit tio̍h anùi? Kah SèngSîn kám ū símmi̍h kauthong? Kám ū thégiām tio̍h SiōngChú ê chûpi kah liânbín? 2 Lín tio̍h ū kāngkhoán ê simchì, kāngkhoán ê thiàⁿsim, simlêng hôha̍p, siūⁿhoat ittì, thang hō͘ góa chhiongmóa hoaⁿhí. 3 M̄ thang chūsu chūlī, tuikiû hiêng, tiantò tio̍h ēng khiamsùn ê sim khòaⁿ pa̍tlâng pí kakī khah gâu. 4 M̄ thang kantaⁿ kò͘ kakī ê tāichì, mā tio̍h kò͘ pa̍tlâng ê tāichì. 5 Lín tio̍h ū Kitok Iâso͘ ê simchì: 6 Kitok goânpún ū SiōngChú ê sinhūn, khiok bô siūⁿkóng tio̍hài kianchhî kah SiōngChú pêngténg ê tē ūi. 7 I tiantò piàⁿkhang kakī, chhú lô͘po̍k ê sinhūn chhutsì chò lâng, chiâⁿchò lâng ê hêngthé chhuthiān. 8 I chūgoān khiampi, sūnho̍k kàu sí, sīmchì sí tī si̍pjīkèténg. 9 Só͘í SiōngChú kā I thêseng kàu siōng koân ê tē ūi, siúⁿsù I chhiauoa̍t bānmiâ ê miâ. 10 Inūi ánne, ūi tio̍h kèngtiōng Iâso͘ ê miâ, thiⁿténg, tē chiūⁿ kah tē hā só͘ū ê khathâuu lóng tio̍h kā I kūipài. 11 Só͘ū ê chhùi lóng ē soanpò͘ sêngjīn "Iâso͘ Kitok sī Chú", lâi kui êngkng hō͘ ThiⁿPē SiōngChú.

Chhinchhiūⁿ Kng Teh Chiò Sèkan
12 Só͘í, chhinài ê hiaⁿtī chímōe ah, góa tī lín hia ê sî lín lóng ū sūnho̍k góa, chitmá góa bô kah lín chòhóe, kohkhah tio̍h sūnho̍k. Lín tio̍h kèsio̍k kiaⁿhiâⁿ phi̍hphi̍hchhoah, phahpiàⁿ lâi oânsêng lín kakī ê titkiù. 13 Inūi SiōngChú putsî to tī lín tiongkan teh chòkang, hō͘ lín ū ìgoān koh ū khùila̍t lâi si̍thiān I ê hó chíì. 14 Bôlūn símmi̍h tāichì lóng m̄ thang bâioàn, m̄ thang chenglūn. 15 Ánne lín chiū ē chhengpe̍k sûnkiat, tī chitê siâok koh húpāi ê sètāi, chò chi̍tê bô khoattiám koh chinsi̍t bô ké ê lâng, chiâⁿchò SiōngChú ê kiáⁿjî. Tio̍h tī lín tiongkan hoatkng, chhinchhiūⁿ kng teh chiò sèkan, lâi kiansiú sù oa̍hmiā ê sìnsit. 16 Ánne chiah ē tàng hō͘ góa tī Kitok chàilîm ê ji̍t ū thang khoakháu, inūi góa m̄ sī khangkhang pháucháu, góa só͘ū ê lôkhó͘ lóng bô ónghùi. 17 Kású góa tio̍hài lâuhoeh lâi phoah tòa lín ēng sìnsim só͘ hiàn ê chèmi̍h téngbīn, góa mā hoaⁿhí, mā beh kah lín tāike chòhóe hoaⁿhí. 18 Lín mā tio̍h ánne lâi hoaⁿhí, kah góa chòhóe hoaⁿhí.

Thêmô͘thài Kah Ípahutthê
19 Góa ǹgbāng Chú Iâso͘ ē tàng hō͘ góa kóaⁿkín chhephài Thêmô͘thài khì lín hia, thang hō͘ góa thiaⁿ tio̍h lín ê siausit lâi an góa ê sim. 20 Chíū i chi̍t lâng ū kah góa tângsim, koh chinchiàⁿ koansim lín ê tāichì. 21 Chènglâng lóng sī koansim kakī ê tāichì, m̄ sī koansim Iâso͘ Kitok ê tāichì. 22 M̄ koh Thêmô͘thài ê chòlâng lín lóng chai, i chhinchhiūⁿ kiáⁿ tùi lāupē kah góa chòhóe lôkhó͘ lâi hengkhí hokim. 23 Só͘í góa khòaⁿ góa ê to͘ha̍p ánchóaⁿ, ǹgbāng ē tàng kóaⁿkín chhe i khì lín hia. 24 Góa khaksìn Chú ē hō͘ góa púnsin mā chinkín ē tàng khì kìⁿ lín. 25 M̄ koh góa siūⁿkóng iàukín tio̍h chhe Ípahutthê tńgkhì lín hia, i sī góa ê hiaⁿtī, tângkang kah chiàniú. Tī góa suiàu ê sî lâi chioân pangchō͘ góa. 26 I chin siàuliām lín tāike, mā ū thiaⁿ tio̍h lín chai i phòapēⁿ ê tāichì sim chin kankhó͘. 27 I khaksi̍t ū phòapēⁿ kah hiámhiám síkhì, m̄ koh SiōngChú liânbín i, mā ū liânbín góa, hō͘ góa m̄ bián koh kethiⁿ iusiong. 28 Só͘í góa kohkhah tìì beh chhe i tńgkhì lín hia, hō͘ lín koh khòaⁿ tio̍h i lâi hoaⁿhí, mā thang kiámchió góa ê iusiong. 29 Só͘í lín tio̍h hoaⁿhoaⁿ híhí lâi chiapla̍p chitūi Chú lāi ê hiaⁿtī, mā tio̍h chuntiōng chitkhoán ê lâng. 30 Inūi i ūi tio̍h chò Kitok ê kang hiámhiám síkhì, kakī piàⁿmiā chòkang siūⁿ beh pó͘ lín ho̍ksāi góa bô kàugia̍h ê só͘chāi.