《巴克禮普世版聖經（試讀本）》

 | | | 轉寄

巴克禮普世版（試讀本） 歌羅西書第二章

作者 巴克禮普世版小組 2015.11.22

1 Góa ài lín chai, góa ūi tio̍h lín kah Lótíkalâng íki̍p hiahê m̄ bat kìⁿkòe góa ê bīn ê lâng, góa sī jōani̍h'á teh phahpiàⁿ. 2 Góa ê bo̍ktek sī beh hō͘ in ê sim tit tio̍h kó͘lē, ēng thiàⁿsim lâi hō͘siōng kiatliân, ēng honghù ê líkáile̍k sánseng kàugia̍h ê sìnsim, lâi khaksi̍t jīnbat SiōngChú ê òbiāu, chiūsī Kitok púnsin. 3 Tī Kitok ê lāibīn ū únchông tìhūi kah tìsek itchhè ê pópòe. 4 Góa ánne kóng sī ūi tio̍h beh hō͘ lín bián siū hoagiân khágí ê bêhe̍k. 5 Suijiân góa bô tī lín hia, simsîn khiok kah lín chòhóe. Góa khòaⁿkìⁿ lín ê sengoa̍h kuikui kíkí, koh kiankò͘ sìnkhò Kitok, kámkak huisiông hoaⁿhí.

Kah Kitok Kiatliân Lâi Tit tio̍h Oânchéng ê Oa̍hmiā
6 Lín kìjiân chiapla̍p Chú Kitok Iâso͘, chiū tio̍h kah I kiatliân lâi kiâⁿta̍h. 7 Chiàu lín só͘ siū ê kàsī, tèng kun tī Kitok ê lāibīn, puttoān sengtióng, hō͘ sìnsim ē ná kiankò͘, móasim kámsiā. 8 Tio̍h kínsīn chiah bē hō͘ lâng ēng khanghi ê tiatha̍k kā lín bêhe̍k, inūi hiahê lūnsoat sī chiàu lâng ê thoânsoat kah útiū khòngchè lâng ê siâlêng, m̄ sī chiàu Kitok. 9 Inūi SiōngChú oânchéng ê sînsèng lóng kūthé tiàmtī Kitok lāibīn. 10 Lín kah I kiatliân chiū tit tio̍h hongsēng ê oa̍hmiā. I sī chóngthâu, chhiauoa̍t lêngkài ê chipchèngchiá kah chiángkoânchiá. 11 Lín mā íkeng chiapsiū kah Kitok kiatliân ê katlé, m̄ sī ēng lâng ê chhiú lâi kiâⁿ ê katlé, sī thongkòe Kitok ê katlé hō͘ lín thoatlī jio̍kthé ê chōesèng. 12 Inūi lin2nia2siū sélé ê sî, lín ū kah Kitok tângchê bâichòng, koh tùi sélé, thongkòe lín sìn SiōngChú hō͘ Kitok tùi sílâng tiong kohoa̍h ê tōa koânlêng, hō͘ lín mā kah Kitok tângchê oa̍h khílâi. 13 Chêng inūi hoānchōe kah jio̍kthé bô siū katlé hitê lín íkeng síkhì, taⁿ SiōngChú hō͘ lín kah Kitok chòhóe kohoa̍h. SiōngChú íkeng siàbián lán lóngchóng ê chōekòa, 14 chhatsiau tùi lán putlī koh tī lu̍thoa̍t siōng sokpa̍k lán ê chōechè kìlo̍k, kā i tèng tī si̍pjīkèténg, lâi kā i hùitû tiāu. 15 Tī si̍pjīkèténg, Kitok chhinchū káitû hiahê lêngkài ê chipchèngchiá kah chiángkoânchiá, tī Kitok kháisoân ê hânglia̍t tiong, hō͘ in chò chiànhoān lâi kongkhai sīchiòng. 16 Só͘í, m̄ thang tī limchia̍h, siú chehkî, chheit, á sī Anhiohji̍t ê būntê hō͘ lâng phoephêng. 17 Chiahê lóng sī chionglâi ê tāichì ê iáⁿ, si̍tthé sī Kitok. 18 M̄ thang siū hiahê thiaukang khiampi lâi kèngpài thiⁿsài ê lâng énghióng soah hō͘ lín sitkhì engkai tit tio̍h ê pòsiúⁿ. Hiahê lâng óakhò hoànsióng, chiàu in jio̍kthé ê simsu, kantaⁿ teh phònghong, 19 bô kèsio̍k kah chòthâu ê Kitok kiatliân. Choân sengkhu tùi chitê Thâu tit tio̍h êngióng, chiahê chat kah kin kiatliân khílâi, chiàu SiōngChú ê chíì lâi tióngsêng.

Kah Kitok Tângsí Tângoa̍h
20 Lín kìjiân kah Kitok tângchê sí, thoatlī chiphòe útiū ê siâlêng, náē iáukoh chhinchhiūⁿ sio̍k chit sèkan ê lâng teh sengoa̍h? Lín náē teh siú chiahê kuilē? 21 chhinchhiūⁿ kóng, "M̄ thang the̍h chitê", "M̄ thang chia̍h hitê", "M̄ thang bong hitê". 22 Chiahê chíputkò sī lâng chō chhutlâi ê kàukui kah kàsī, ēngliáu chiū bô lō͘ēng. 23 Piáubīn khòaⁿ khílâi, pài thiⁿsài, ké khiampi, ge̍kthāi kakī ê sengkhu, kahná sī ū tìhūi, kîsi̍t tùi khòngchè jio̍kthé ê chêngio̍k lóng bô lō͘ēng.