《巴克禮普世版聖經（試讀本）》

 | | | 轉寄

巴克禮普世版（試讀本） 歌羅西書第三章

作者 巴克禮普世版小組 2015.11.29

1 Kìjiân lín íkeng kah Kitok tângchê kohoa̍h, chiū tio̍h kiû tī thiⁿténg ê sū. Kitok tī hia, chē tī SiōngChú ê tōapêng. 2 Lín tio̍h tìì thiⁿténg ê tāichì, m̄ thang tìì tē chiūⁿ ê tāichì. 3 Inūi lín íkeng sí, lín ê oa̍hmiā kah Kitok chòhóe únchông tī SiōngChú lāibīn. 4 Kitok sī lán ê oa̍hmiā. I hiánhiān ê sî, lín mā ē kah I chòhóe hiánhiān lâi hunhióng I ê êngiāu.

Kūê Kah Sinê Oa̍hmiā
5 Só͘í lín tio̍h húibia̍t lín tī tē chiūⁿ ê io̍kbōng, chiūsī kanîm, ùòe, siâok, pháiⁿ ê suio̍k kah thamsim. Thamsim sī chi̍tchióng ê ngó͘siōng chôngpài. 6 Inūi tùi chiahê tāichì, SiōngChú ē tùi pōege̍k I ê lâng tōa siūkhì. 7 Lín íchêng tī chiahê io̍kbōng tiong teh sengoa̍h ê sî, kiâⁿta̍h mā siū hiahê io̍kbōng chiphòe. 8 M̄ koh chitmá lín tio̍h thiatté khìsak oànhūn, siūkhì, okto̍k, húipòng kah kóng lahsapōe. 9 M̄ thang kóng pe̍hchha̍t siophiàn, inūi lín íkeng hòngkhì kūê chòlâng kah hêngûi, 10 chiâⁿchò chi̍tê sinê lâng. Chhòngchōchú chiàu kakī ê hêngsiōng kèsio̍k teh kā chitê sinê lâng ōaⁿsin, lâi hō͘ i ē tàng thiatté jīnbat SiōngChú. 11 Ánne chiū bô koh hunpia̍t Hilia̍plâng á sī Iûthàilâng, siū katlé á sī bô siū katlé, iábân ê lâng, bīkhaihòa ê lâng, chò lô͘po̍k ê á sī chūiû ê, m̄ koh Kitok sī itchhè, mā tī itchhè ê lāibīn. 12 Lín kìjiân sī SiōngChú só͘ kéngsoán ê chúbîn, sī sèngkiat koh tit tio̍h I ê thiàⁿ ê lâng, tio̍h ēng liânbín, jînchû, khiampi, unjiû kah nāisim chò saⁿ lâi chhēng. 13 Lín tiongkan nā ū kiùhun, tio̍h hō͘siōng khoaniông, hō͘siōng siàbián, chhinchhiūⁿ Chú ū siàbián lín, lín mā tio̍h ánne hō͘siōng siàbián. 14 Pí chiahê kohkhah iàukín ê, tio̍h àiū thiàⁿsim, inūi thiàⁿsim ē kiatliân itchhè, hō͘ lâng oânchoân hôhó. 15 Tio̍h hō͘ Kitok só͘ siúⁿsù ê hôpêng tī lín ê simlāi chò chú. Ūi tio̍h beh hō͘ lín ū chitê hôpêng, SiōngChú soántiàu lín lâi chiâⁿchò chi̍tthé. Lín tio̍h kámsiā SiōngChú. 16 Tio̍h hō͘ Kitok ê tōlí chhiongmóa tī lín ê simlāi. Tio̍h ēng ta̍kchióng ê tìhūi hō͘siōng kàsī, hō͘siōng khoànbián. Tio̍h chhiùⁿ siphian, sèngsi kah lêngkoa, tùi simté chhut oló ê siaⁿ lâi kámsiā SiōngChú. 17 Lín bôlūn kóng símmi̍h á sī chò símmi̍h, lóng tio̍h chiàu Chú Iâso͘ ê chíì lâi chò, thongkòe I lâi kámsiā ThiⁿPē SiōngChú.

Sin Sèⁿmiā Tiong ê Jînchè Koanhē
18 Chò lâng ê bó͘ tio̍h sūnho̍k i ê tiōnghu. Che sī Kitoktô͘ ê púnhūn. 19 Chò tiōnghu ê tio̍h thiàⁿ lí ê bó͘, m̄ thang kā i pháiⁿ khoánthāi. 20 Chò kiáⁿjî ê tio̍h ta̍khāng tāichì sūnho̍k pē bú, inūi che sī Chú só͘ hoaⁿhí.ê. 21 Chò lāupē ê lâng m̄ thang kek kiáⁿjî siūkhì, chiah bē hō͘ in hoesim sitchì. 22 Chòe lô͘po̍k ê lâng tio̍h ta̍khāng tāichì sūnho̍k hiahê sèchiūⁿ ê chúlâng. M̄ sī ūi tio̍h beh hō͘ in hoaⁿhí phahpiàⁿ chò, inūi lín sī kèngùi SiōngChú ê lâng, tio̍h sêngsim sêngì lâi chò. 23 Lín bôlūn chò símmi̍h, tio̍h chīnsim lâi chò, ná chhinchhiūⁿ teh ho̍ksāi Chú, m̄ sī teh ho̍ksāi lâng. 24 Lín tio̍h ē kìtit, Chú ē kā lín pòsiúⁿ, hō͘ lín tùi I tit tio̍h sángia̍p. Lín sī teh ho̍ksāi Chú Kitok. 25 Chò putgī ê lâng ē siū putgī ê pòèng, inūi SiōngChú ēng kāng chi̍tê phiauchún tùithāi múi chi̍tê lâng.