《巴克禮普世版聖經（試讀本）》

 | | | 轉寄

巴克禮普世版（試讀本） 歌羅西書第四章

作者 巴克禮普世版小組 2015.12.06

1 Chò chúlâng ê, tio̍h ēng chènggī kah kongpêng tùithāi lín ê lô͘po̍k, tio̍h ē kìtit lín tī thiⁿténg mā ū chi̍tê Chú.

Khoànbián
2 Tio̍h puttoān choansim kîtó, kîtó ê sî tio̍h kéngséng, tio̍h kámsiā SiōngChú. 3 Mā tio̍h ūi goán kîtó, kîkiû SiōngChú koh hō͘ goán ū thoân tōlí ê kihōe, thang soaniông Kitok ê òbiāu. Góa ūi tio̍h chitê tāichì chiah teh chē kaⁿ. 4 Chhiáⁿ ūi góa kîtó, hō͘ góa ē tàng chiong engkai kóng ê òbiāu lóng kóng chhengchhó. 5 Tio̍h páak kihōe, tùithāi bīsìnchiá tio̍h ū tìhūi. 6 Kóngōe tio̍h unhô, chhinchhiūⁿ ēng iâm tiâubī, tio̍h liáukái ánchóaⁿ lâi ìntap múi chi̍tê lâng.

Chòeāu ê Chhéngan
7 Góa tī chia ê tāichì, góa só͘ thiàⁿ ê hiaⁿtī Chhuikikó͘ ē kā lín kóng, i kah góa tī Chú ê kangchok chòhóe tiongsi̍t kangchok, lóng sī Chú ê lô͘po̍k. 8 Inūi ánne, góa thiaukang chhephài i khì lín hia, hō͘ lín chai goán tī chia ê chênghêng, thang hō͘ lín ê sim tit tio̍h kó͘lē. 9 Onîsebó͘ ē kah i chòhóe khì, i sī tiongsi̍t thang thiàⁿ ê hiaⁿtī, mā sī lín hia ê lâng. In ē chiong góa tī chia ê tāichì lóng kā lín pòkò. 10 Kah góa chòhóe chē kaⁿ ê Alíta̍tkó͘ kah Panápa ê piáusiótī Mákhó, beh kā lín chhéngan. Koanhē Mákhó, góa íkeng kā lín hoanhù kòe. I nā lâikàu lín hia, chhiáⁿ lín tio̍h kā i chiapla̍p. 11 Hitê kiòchò Iûsuto͘ ê Iâso͘ mā kā lín chhéngan. Tī Iûthàilâng ê sìntô͘ tiongkan, kantaⁿ téngbīn chit saⁿūi ūi tio̍h SiōngChú ê Koktō͘ kah góa tângkang, in hō͘ góa tit tio̍h chintōa ê anùi. 12 Tùi lín hia lâi, Kitok Iâso͘ ê lô͘po̍k Ípahut beh kā lín chhéngan, i siôngsiông ūi lín pekchhiat kîtó, kiû SiōngChú hō͘ lín khiāchāi, chhiongmóa khaksìn, oânchoân sūnho̍k SiōngChú ê chíì. 13 Góa thang chèngbêng, i khaksi̍t ūi tio̍h lín kah tī Lótíka íki̍p Hilahpholi̍p ê lâng lôkhó͘ chòkang. 14 Góa chhinài ê Lō͘ka iseng kah Tímá beh kā lín chhéngan. 15 Chhiáⁿ thè góa kā tī Lótíka hiahê hiaⁿtī chímōe kah Lênghoat, íki̍p tī in tau teh chūhōe ê sìntô͘ chhéngan. 16 Chitê phoe tha̍kliáu, tio̍h siathoat choán hō͘ Lótíkalâng ê kàuhōe tha̍k. Lín mā tio̍h tha̍k tùi Lótíka choánlâi ê phoe. 17 Tio̍h kā Akipò͘ kóng, "Tio̍h kínsīn lâi chīn lí tùi Chú só͘ niásiū ê chithūn." 18 Góa Pólô chhinpit siáphoe kā lín chhéngan. Lín tio̍h siàuliām góa chitmá teh chē kaⁿ. Goān SiōngChú ê untián kah lín tôngchāi!