《巴克禮普世版聖經（試讀本）》

 | | | 轉寄

巴克禮普世版（試讀本） 提摩太前書第六章

作者 巴克禮普世版小組 2016.03.13

1 Tī lâng ê koánhat ē bīn teh chò lô͘po̍k ê lâng, tio̍h khòaⁿ kakī ê chúlâng sī khamtit siū oânchoân chunkèng ê, SiōngChú ê miâ kah tōlí chiah bián siū siatto̍k. 2 Chúlâng nāsī sìn tōlí ê, chiū m̄ thang inūi i sī hiaⁿtī lâi kā i khòaⁿkhin, tiantò tio̍h kohkhah kā i ho̍ksāi, inūi teh siū līek.ê sī sìntô͘, māsī só͘ kèngài ê hiaⁿtī.

Chin ê Kàusu Kah Ké ê Kàusu
Lí tio̍h ēng chiahê kàsī lâi kā in khó͘khǹg. 3 Nā ūlâng thoân pa̍tkhoán bô sūnho̍k lán ê Chú Iâso͘ Kitok toanchèng ê tōlí, koh bô chiàu kèngkhiân ê kàugī, 4 chiūsī phònghong chūkhoa, m̄ chai pòaⁿhāng koh hò͘ⁿ piānlūn kah siochèⁿ ê mô͘pēⁿ. 5 Chiū ánne ínkhí oàntò͘, siocheⁿ, húipòng, pháiⁿ liāmthâu, simchì pāihoāi koh sòngsit chinlí. In siūⁿkóng sìnkàu ē tàng tit tio̍h līek. 6 Sìnkàu si̍tchāi ē hō͘ tichiok ê lâng tit tio̍h tōa līek. 7 Inūi lán chhutsì bô tòa símmi̍h lâi, kèsin mā bē tàng tòa símmi̍h khì. 8 Ū thang chia̍h ūthang chhēng, chiū tio̍h ài tichiok. 9 Hiahê siūⁿbeh hoatchâi ê lâng ē hāmlo̍h bêhe̍k kah lôbāng íki̍p chinchē gûgōng iúhāi ê suio̍k, hō͘ lâng tîmlûn tìsú pāihoāi kah bia̍tbông. 10 Inūi thamchâi sī bānok ê kingoân. Ūlâng loânbō͘ chîⁿchâi chiū siū bêhe̍k lâi līkhui tōlí hō͘ kakī siū chinchē kankhó͘.

Tùi Thêmô͘thài ê Chísī
11 M̄ koh lí chitê sio̍k SiōngChú ê lâng tio̍h siámphiah chiahê tāichì, lâi tuikiû chènggī, kèngkhiân, sìnsim, thiàⁿsim, jímnāi kah unjiû. 12 Tio̍h chīnla̍t khì piàⁿ sìngióng ê chengchiàn, tio̍h khakpó éngoán ê oa̍hmiā. Lí ūi tio̍h chitê oa̍hmiā siū kéngtiàu, lí mā bat tī chinchē kiànchèngjîn ê bīnchêng kongkhai sêngjīn bíhó ê sìngióng. 13 Tī siúⁿsù oa̍hmiā hō͘ bānbu̍t ê SiōngChú kah tùi Púntiu Pília̍pto chò bíhó kiànchèng ê Kitok Iâso͘ bīnchêng, 14 góa hoanhù lí, tio̍h chunsiú chitê bēnglēng, bô khoattiám, bô thang hiâm, ti̍tkàu lán ê Chú Iâso͘ Kitok chàilîm. 15 Hitūi tōa hokkhì koh sī to̍kit ū koânlêng, bān ông ê Ông, bān chú ê Chú, ē tī I tiāⁿ tio̍h ê ji̍tchí hō͘ Kitok chàilîm. 16 SiōngChú sī to̍kit bē sí, tiàmtī lâng bē tàng chiapkīn ê kngbêng tiong. Bôlâng bat khòaⁿkòe I, mā bôlâng ē tàng khòaⁿ tio̍h I. Goān chunkùi kah éngoán ê chúkoân kui tī I. Amen! 17 Tùi hiahê kimsè hógia̍h ê lâng, lí tio̍h hoanhù in m̄ thang kiaungō͘, m̄ thang kā in ê ǹgbāng hē tī bô tiāⁿ tio̍h ê chîⁿchâi, tio̍h óakhò chiong bānbu̍t honghong hùhù hō͘ lán hióngsiū ê SiōngChú. 18 Koh tio̍h hoanhù in chò siānsū, ke chò kóa hósū lâi hō͘ simlêng kohkhah hùjū, khóngkhài chínchè ū suiàu ê lâng, kamgoān kah lâng hunhióng. 19 Ánne chò ē tàng ūi kakī khíchō hó ê tē ki, mā ē tàng khakpó chinchiàⁿ ê oa̍hmiā. 20 Thêmô͘thài ah, lí tio̍h chhîsiú SiōngChú kauthok lí ê chitchek. Tio̍h siámphiah hiahê ūmiâ bôsi̍t ê ké tìsek chenglūn. 21 Ūlâng chūchheng ū chitchióng ê tìsek soah tī sìngióngsiōng phianlī chinlí. Goān SiōngChú ê untián kah lín tôngchāi!