《巴克禮普世版聖經（試讀本）》

 | | | 轉寄

巴克禮普世版（試讀本） 希伯來書第四章

作者 巴克禮普世版小組 2016.06.05

1 Kìjiân SiōngChú hō͘ lán chìnji̍p I ê anhioh ê èngín iáu tīteh, lán tio̍h ū kèngùi ê sim, chiah biántit lín tiongkan kiámchhái ūlâng siūⁿkóng tit bē tio̍h chitê èngín. 2 Hokim pêⁿpêⁿ ū thoân hō͘ in, mā ū thoân hō͘ lán, m̄ koh in só͘ thiaⁿ ê sìnsit tùi in bô līek, inūi thiaⁿ ê lâng bô ēng sìnsim lâi niásiū. 3 Lán chiahê sìn ê lâng ē tàng chìnji̍p SiōngChú só͘ siúⁿsù ê anhioh. Chiàu I só͘ kóng: Góa chiū tī siūkhì tiong chiùchōa kóng: In choa̍ttùi bē tàng chìnji̍p Góa ê anhioh.( chù: SPh 95:11) Kîsi̍t SiōngChú tī chhòngchō útiū ê sî, I ê kangchok íkeng oânsêng. 4 Sèngkeng ū chi̍tê só͘chāi lūnkàu "tē chhit ji̍t" ū ánne kóng, "SiōngChú tī tē chhit ji̍t soah I itchhè ê kangchok lâi anhioh."( chù: CSK 2:2) 5 Kāng chithāng tāichì ū koh kóng, "In choa̍ttùi bē tàng chìnji̍p Góa ê anhioh."( chù: SPh 95:11) 6 Hiahê tāiseng tit tio̍h hokim ê lâng inūi m̄ sūnho̍k soah bē tàng chìnji̍p anhioh, SiōngChú chiū ūi kîtha ê lâng póliû chitê anhioh. 7 Kúinānî āu, tī Tāipi̍t ê chheh ū kìchài: SiōngChú koh lēnggōa tēng chi̍t ji̍t, kiòchò "Kin'áji̍t", chhinchhiūⁿ téngbīn só͘ kóng: Kin'áji̍t lín nā thiaⁿ tio̍h SiōngChú ê siaⁿ, M̄ thang ngē lín ê sim.( chù: SPh 95:78) 8 Ioksua nā ū tòaniá jînbîn chìnji̍p anhioh, āulâi SiōngChú ittēng bē koh kóngkhí pa̍tji̍t. 9 Ánne khòaⁿ khílâi, SiōngChú iáu ūi tio̍h I ê chúbîn póliû chi̍tê Anhiohji̍t. 10 Inūi chìnji̍p SiōngChú só͘ sù anhioh ê lâng, chhinchhiūⁿ SiōngChú soah I ê kangchok, mā soah in itchhè ê kangchok lâi anhioh. 11 Só͘í lán tio̍h chīnla̍t lâi chìnji̍p chitê anhioh, chiah biántit ūlâng chhinchhiūⁿ hiahê m̄ sìn ê lâng poa̍htó sitpāi. 12 SiōngChú ê ōe sī oa̍h ê, koh sī ū konghāu ê, pí itchhè siangbīnlāi ê kiàm khah lāi, ē tàng chhahji̍p, sīmchì phòakhui lâng ê lêng kah hûn íki̍p kutchat kah kutchhóe, koh ē tàng phòaⁿtoàn lâng simlāi ê io̍kbōng kah simsu ìliām. 13 Só͘ū ê pīchōbu̍t bô chi̍thāng ē tàng tùi SiōngChú únba̍t, chiūsī bānbu̍t lóng po̍klō͘ tī I ê ba̍kchiu chêng. Lán ê kiâⁿta̍h lóng tio̍h tùi I kautài chhengchhó.

Chèsitiúⁿ Iâso͘
14 Lán kìjiân ū chi̍tūi úitāi ê chèsitiúⁿ, chiūsī SiōngChú ê Kiáⁿ Iâso͘. I íkeng chiūⁿthiⁿ tī SiōngChú ê bīnchêng, lán tio̍h chhîsiú lán só͘ kongkhai sêngjīn ê sìngióng. 15 Lán chitūi chèsitiúⁿ m̄ sī bē théthiap lán ê loánjio̍k. I tī ta̍khāng tāichì lóng kah lán kāngkhoán ū siū chhìthàm, m̄ koh bô hoānchōe. 16 Só͘í lán tio̍h hótáⁿ lâi chiūkīn SiōngChú untián ê póchō, thang niásiū liânbín, mā thang tit tio̍h untián, chò lán ki̍psî ê pangchō͘.