《巴克禮普世版聖經（試讀本）》

 | | | 轉寄

巴克禮普世版（試讀本） 希伯來書第五章

作者 巴克禮普世版小組 2016.06.12

1 Múi chi̍tê chèsitiúⁿ lóng sī tùi lâng ê tiongkan kéngsoán chhutlâi, siū siatli̍p lâi thè lâng ho̍ksāi SiōngChú, thang ūi tio̍h in ê chōe hiàn lémi̍h kah chèphín. 2 Chèsitiúⁿ kìjiân chai kakī ū chinchē loánjio̍k ê só͘chāi, só͘í ē tàng théliōng bûti kah sitbê ê lâng. 3 Só͘í i engkai ūi tio̍h púnsin chhinchhiūⁿ ūi tio̍h jînbîn ê chōe lâi hiànchè. 4 Bôlâng ē tàng kakī chhútit chitê chunkùi ê chithūn, chí ū chhinchhiūⁿ Alûn ánne hō͘ SiōngChú soántiàu. 5 Siângkhoán, Kitok mā m̄ sī kakī chengchhú chò chèsitiúⁿ ê êngiāu, hoántńg sī SiōngChú tùi I kóng, "Lí chiūsī góa ê Kiáⁿ, Góa kin'áji̍t seⁿ Lí.( chù: SPh 2:7) 6 Tī pa̍tūi SiōngChú mā kóng: Lí chiàu Be̍kkisétek ê pâipan sūnsī éngoán chò chèsi.( chù: SPh 110:4) 7 Iâso͘ chāisè ê sîji̍t bat tōasiaⁿ hoah koh lâu ba̍ksái, ǹg hitê ē kiù I thoatlī síbông ê SiōngChú khúnkiû. SiōngChú ū thiaⁿ I ê kèngkhiân kîtó. 8 Iâso͘ suijiân sī SiōngChú ê Kiáⁿ, iáukoh ū tùi só͘ siū ê khó͘lān lâi ha̍ksi̍p sūnho̍k. 9 SiōngChú íkeng hō͘ Kitok ta̍tkàu oânchoân ê kéngkài, I chiū chiâⁿchò só͘ū sūnho̍k I ê lâng éngoán chínkiù ê kingoân, 10 hō͘ SiōngChú chítēng chiàu Be̍kkisétek ê pâipan sūnsī chò chèsitiúⁿ.

Kéngkài Pōekàu ê Lâng
11 Koanhē Kitok chò chèsitiúⁿ ê tāichì, goán ū chinchē ōe ài kóng, m̄ koh ohtit soatbêng, inūi lín hīⁿkhang tūn bē líkái. 12 Chiàukóng lín chá to̍h chò lāusu, m̄ koh lín iáu suiàu lâng kā lín kà SiōngChú sìnsit ê kichhó͘, lín suiàu chia̍hleng, iáu bē tàng chia̍hpn̄g. 13 Eⁿ'á chiah teh chia̍hleng, iáu bē hiáu líkái sīhui ê tōlí. 14 Tōalâng teh chia̍h pn̄g, in sio̍klêng ê simkhiàu ū siūkòe si̍tchè ê chhauliān chiah ē hiáu hunpia̍t hópháiⁿ.