《巴克禮普世版聖經（試讀本）》

 | | | 轉寄

巴克禮普世版（試讀本） 希伯來書第六章

作者 巴克禮普世版小組 2016.06.19

1 Só͘í lán m̄ thang thêngliû tī Kitok ê chho͘pō͘ tōlí, bô kohchài tī thoatlī sí ê hêngûi lâi sìn SiōngChú, sélé, 2 íki̍p hōaⁿchhiú, sí lâng kohoa̍h, kah éngoán ê símphòaⁿ, chiahê kàsī téngténg. 3 Lán tio̍h hiòngchêng kiû chìnpō͘. SiōngChú nā ínchún, goán chiū beh ánne chò. 4 Hiahê pōekàu ê lâng bat tit tio̍h SiōngChú ê kng chiò, bat tam tio̍h sio̍kthiⁿ ê unsù, mā ū hunhióng tio̍h SèngSîn, 5 koh bat thégiām SiōngChú ê ōe ê hóchhù, mā bat kámsiū tehbeh lâi ê sèkài ê koânlêng. 6 Ánne in iáukoh pōekàu! Chitkhoán lâng bē tàng hō͘ in hóekái kiâⁿ tò tńglâi, inūi in koh kā SiōngChú ê Kiáⁿ tèng si̍pjīkè, kongjiân kā I bújio̍k. 7 Thó͘tē putsî teh khipsiu tùi thiⁿ lo̍hlâi ê hō͘chúi lâi sengsán chhàise, tùi chohsitlâng ū lō͘ēng. Che chiūsī SiōngChú ê chiokhok. 8 M̄ koh thó͘tē nā seⁿ chháuchhì'á kah cha̍pchháu chiū bô lō͘ēng, ē sûisî hō͘ lâng chiùchó͘, chòeāu chiūsī pàng hóe sio. 9 Só͘ thiàⁿ ê hiaⁿtī chímōe ah! goán suijiân ánne kóng, m̄ koh goán khaksìn lín ê chênghêng pí goán só͘ kóng ê khahhó, ē tàng titkiù. 10 SiōngChú m̄ sī bô kongtō, ittēng ē kìtit lín só͘ chò ê kangchok, chiūsī lín ūi tio̍h I ê miâ kèsio̍k teh ho̍kbū sìntô͘ só͘ piáuhiān ê thiàⁿsim. 11 Góa ài lín ta̍klâng tùithâu kàubóe póchhî jia̍tsim, hō͘ lín só͘ ǹgbāng ê itchhè lóng oânchoân si̍thiān. 12 M̄ thang pîntōaⁿ, tio̍h o̍h hiahê tùi sìn kah thunlún lâi sêngchiap SiōngChú èngín ê lâng.

SiōngChú Khaksi̍t ê Èngún
13 SiōngChú èngín Apekla̍hhán ê sî, kìjiân bô pí I khah tōa ê thang kí lâi chiùchōa, chiū kí kakī púnsin lâi chiùchōa kóng, 14 " Góa ittēng beh sùhok lí, beh kethiⁿ kiáⁿsun hō͘ lí."( chù: CSK 22:17) 15 Apekla̍hhán gâu thunlún, só͘í ū tit tio̍h SiōngChú só͘ èngín.ê. 16 Inūi lâng sī kí pí kakī khah tōa ê lâi chiùchōa, mā ēng chiùchōa chò tampó lâi káikoat lâng kah lâng tiongkan ê chengchip. 17 SiōngChú ài hiahê sêngchiap èngín ê lâng khaksi̍t chai I ê kèōe bē káipiàn, chiah ēng chiùchōa lâi chò póchèng. 18 SiōngChú ê èngín kah chiùchōa chit nn̄ghāng tāichì lóng bē káipiàn, inūi I bē kóng pe̍hchha̍t, hō͘ lán chiahê tôphiah lâi kiû póhō͘ ê lâng tit tio̍h chintōa ê kó͘lē lâi chhîsiú lán thâuchêng ê ǹgbāng. 19 Lán ūi chitê ǹgbāng, chhinchhiūⁿ sèⁿmiā ê tiàⁿ pha tī sèngsó͘ ê tiùⁿlî lāi, anchoân koh khókhò. 20 Iâso͘ chò lán ê sianhong, íkeng ūi tio̍h lán ji̍pkhì hia, chiàu Be̍kkisétek ê pâipan sūnsī chiâⁿchò éngoán ê Chèsitiúⁿ.