《巴克禮普世版聖經（試讀本）》

 | | | 轉寄

巴克禮普世版（試讀本） 希伯來書第九章

作者 巴克禮普世版小組 2016.07.10

Tē chiūⁿ kah Thiⁿténg ê Kèngpài
1 Thâu chi̍tê bêngiok mā ū lépài ê kuitēng kah sio̍k sèkan ê sèngtiān. 2 Ū tah hósè ê tiùⁿbō͘, thâuchêngkeng kiòchò Sèngsó͘. Hit lāibīn ū tengtâi, kítoh kah pâilia̍t ê piáⁿ. 3 Tē jīê tiùⁿlî āubīn koh ū hōebō͘, kiòchò Chìsèngsó͘. 4 Hit lāibīn ū kim hiuⁿtôaⁿ kah choânpō͘ paukim ê iokkūi, kūilāi ū khǹg máná ê kimô͘, Alûn puhgê ê koái'á kah nn̄gtè bêngiok ê chio̍hpán. 5 Kūiténg ū êngkng ê kilō͘peng, in ê siangsi̍t jiakhàm siunsó͘. Koanhē chiahê tāichì góa chitmá bē tàng siôngsè kóng. 6 Chiahê mi̍hkiāⁿ ánne anpâi hósè, chèsi ta̍kji̍t ji̍pkhì thâuchêngkeng ê Sèngsó͘ kíhêng lépài ê gîsek. 7 Āubīn hitkeng ê Chìsèngsó͘ chí ū chèsitiúⁿ ta̍k nî chi̍t pái kakī ji̍pkhì, ta̍kpái tio̍h tòa hoeh ji̍pkhì, ūi tio̍h púnsin kah jînbîn bôìtiong hoānchōe lâi hiànchè. 8 SèngSîn ánne anpâi lâi chíbêng, tiùⁿbō͘ thâuchêngkeng nā iáu chûnchāi, ji̍pkhì Chìsèngsó͘ ê mn̂g chiū iáubōe khui. 9 Tiùⁿbō͘ ê thâuchêngkeng sī teh phìjū hiānsè. Chiàu ánne teh hiàn lémi̍h kah chèsū bē tàng hō͘ lépài ê lâng liôngsim chhengpe̍k. 10 Chiahê légî kantaⁿ koanhē limchia̍h kah ta̍kchióng ê kiatchēnglé, sī sio̍k gōapiáu ê kuilē. Che kantaⁿ sekiōng kàu SiōngChú oânsêng itchhè ê káikek ûichí. 11 M̄ koh Kitok íkeng kàu à, chò Chèsitiúⁿ koh ū oânsêng hiahê hó tāichì. I kengkòe khah tōa koh khah oânchoân ê hōebō͘, m̄ sī lâng ê chhiú só͘ khíchō sio̍k tī chit sèkan ê hōebō͘. 12 I chíū chi̍tpái chìnji̍p Chìsèngsó͘, m̄ sī ēng iûⁿ kah gû'á ê hoeh, sī ēng kakī ê hoeh, chi̍t pái chiū ūi tio̍h lán jînlūi oânsêng éngoán ê kiùsio̍k. 13 Nā chiong gû á sī iûⁿ ê hoeh kah gûbú'á ê kuthu hiù tī bô chhengkhì ê lâng ê sinchiūⁿ to ē hō͘ in sènghòa chhengkhì, 14 hôhòng Kitok thongkòe éngoán ê SèngSîn hiàn I kakī bô khoattiám ê púnsin hō͘ SiōngChú. I ê hoeh kám bô kohkhah hō͘ lán ê liôngsim chhengkhì, thang thoatlī síbông ê hêngûi lâi ho̍ksāi éngoán oa̍hmiā ê SiōngChú? 15 Inūi ánne, Kitok chò sin bêngiok ê tiongpó, ēng kakī ê sí lâi sio̍khôe tī íchêng ê bêngiok kîkan só͘ hoān ê chōe, thang hō͘ hiahê siū SiōngChú ho͘tiàu ê lâng niásiū I só͘ èngín éngoán ê sángia̍p. 16 Koanhē ûichiok, ittēng tio̍h seng chèngsi̍t li̍p ûichiok ê lâng íkeng kòesin. 17 Inūi ûichiok tio̍h li̍p ûichiok ê lâng íkeng kòesin chiah ū hāu. Li̍p ûichiok ê lâng nā iáu oa̍hteh, hitê ûichiok chiū bô hāule̍k. 18 Só͘í liân thâuchi̍tê bêngiok mā tio̍h ēng hoeh lâi siatli̍p. 19 Mô͘se chiàu lu̍thoat chiong só͘ū ê kàibēng thoân hō͘ jînbîn liáuāu chiū phâng gû'á kah iûⁿ ê hoeh íki̍p chúi chham chuângsek ê mî kah gûchhekchháu, lâi hiù hit pún lu̍thoat ê chheh koh tùi chènglâng, kóng, 20 " Che sī bêngiok ê hoeh. SiōngChú só͘ bēnglēng lín tio̍h chunsiú." ( chù: CAK 24:8) 21 Koh chiàu ánne, ēng hoeh hiù tòa hōebō͘ kah lépài súiōng ê khìkū téngbīn. 22 Chiàu lu̍thoat lâi kóng, ta̍khāng mi̍h chhaputto lóng sī ēng hoeh hō͘ i chhengkhì, nā bô lâuhoeh, chiū bô siàchōe.

Kitok ê Hiseng Chhatsiau Jînlūi ê Chōe
23 Chiàu thiⁿténg ê khoánsit só͘ hóngchō ê mi̍h ittēng tio̍h ánne lâi hō͘ i chhengkhì, m̄ koh tī thiⁿténg ê goânmi̍h, tio̍h ēng pí che kohkhah hó ê chèmi̍h lâi hō͘ i chhengkhì. 24 Inūi Kitok m̄ sī ji̍pkhì lâng ê chhiú bô͘hóng chin sèngsó͘ só͘ chō ê sèngsó͘. I sī ji̍pkhì thiⁿténg ê chin Sèngsó͘, taⁿ ūi tio̍h lán chhuthiān tī SiōngChú ê bīnchêng. 25 Iûthàilâng hiahê chèsitiúⁿ, ta̍k nî tio̍h ēng gû kah iûⁿ ê hoeh ji̍pkhì Chìsèngsó͘, m̄ koh Kitok m̄ bián chi̍tpiàn koh chi̍tpiàn hiàn kakī púnsin. 26 Nā tio̍h chi̍tpiàn koh chi̍tpiàn hiàn, Kitok tùi chhòngchō sèkan ílâi, tio̍h chi̍tpiàn koh chi̍tpiàn siūkhó͘, m̄ koh chitmá tī chit sètāi ê lō͘bóe, Kitok kantaⁿ chhuthiān chi̍t pái, chiong púnsin hiàn chò chè, lâi siautû jînlūi ê chōe. 27 Chiàu só͘ chùtiāⁿ, lâng lóng tio̍h sí chi̍t pái, síāu ū SiōngChú ê símphòaⁿ. 28 Chhinchhiūⁿ ánne, Kitok íkeng ū chi̍t pái hiàn kakī ê sèⁿmiā lâi tamtng chènglâng ê chōe. I ē tē jī pái chhuthiān, m̄ sī beh tùihù chōe, sī beh chínkiù hiahê pekchhiat teh thènghāu I chàilîm ê lâng.