《巴克禮普世版聖經（試讀本）》

 | | | 轉寄

巴克禮普世版（試讀本） 希伯來書第十一章

作者 巴克禮普世版小組 2016.07.24

Lūn Sìnsim
1 Sìnsim sī tùi só͘ ǹgbāng ê tāichì ū páak, tùi só͘ khòaⁿ bē tio̍h ê tāichì ū khaksìn. 2 Kó͘chálâng inūi ū chitê sìnsim chiah tit tio̍h SiōngChú ê chiapla̍p. 3 Lán ū chitê sìnsim chiah liáukái útiū sī tùi SiōngChú ê ōe chhòngchō ê, ánnekong2 khílâi, lán só͘ khòaⁿ ē tio̍h ê sī tùi khòaⁿ bē tio̍h.ê lâi chōchiâⁿ. 4 Apek inūi ū sìnsim chiah hōnghiàn pí Kaiún khah hó ê chèmi̍h hō͘ SiōngChú, i chiū'ánne tit tio̍h SiōngChú ê chiapla̍p, koh jīntēng i chò gīlâng, i suijiân íkeng kòesin, iáu teh kóngōe. 5 Ílo̍k inūi ū sìnsim chiah bô síkhì, i siū thêseng khìkàu SiōngChú hia, só͘í bôlâng chhōe ē tio̍h i.( chù: CSK 5:24) I siū chhiansóa chìnchêng to̍h hō͘ SiōngChú hoaⁿhí chiapla̍p. 6 Lâng nā bô sìnsim chiū bē tàng hō͘ SiōngChú hoaⁿhí chiapla̍p. Beh chhinkīn SiōngChú ê lâng ittēng tio̍h siongsìn SiōngChú ê chûnchāi, koh siongsìn I ē pòsiúⁿ hiahê chhōekiû I ê lâng. 7 Náa inūi ū sìnsim, tùi iáubōe khòaⁿ tio̍h ê tāichì íkeng thiaⁿ tio̍h SiōngChú ê be̍ksī, chûn kèngùi ê sim chúnpī chi̍ttâi tōachûn thang kiù i ê choânke. I chiū ánne lâi tēng sèkanlâng ê chōe, jîchhiáⁿ tùi SiōngChú niásiū inūi chitê sìnsim lâi kiòchò gī ê lâng. 8 Apekla̍hhán siū tiàu khì sêngchiap chò i sángia̍p ê tē ê sî, suijiân m̄ chai beh khì tóūi, inūi ū sìnsim chiū sūnchiông bēnglēng chhutkhì. 9 I óakhò sìnsim tòa tī èngín ê tē, ná chhinchhiūⁿ tòa tī gōakok, kah sêngchiap kāngkhoán èngín ê Ísat, Ngákok chòhóe tòa tī pò͘pêⁿ. 10 Inūi Apekla̍hhán teh kîthāi SiōngChú só͘ siatkè lâi khíchō hitê ū tē ki ê siâⁿ. 11 Apekla̍hhán suijiân nîlāu, Satla̍h mā chhiaukòe sengsán ê nîhòe, iáukoh ē tàng chò lāupē, inūi i khaksìn SiōngChú ē siú I ê èngín. 12 Si̍tchèsiōng, Apekla̍hhán ná chi̍tê tehbeh sí ê lâng, ū sⁿthòaⁿ kiáⁿsun chhinchhiūⁿ thiⁿténg ê chheⁿ hiahni̍h chōe, chhinchhiūⁿ háipiⁿ ê soa sǹg bē liáu. 13 Chiahê lâng kàu sí ûichí lóng ū sìnsim, suijiân bô tit tio̍h só͘ èngín ê, m̄ koh tùi hn̄ghn̄g teh khòaⁿ, hoaⁿhí lâi tánthāi gêngchiap chiahê tāichì, koh sêngjīn kakī tī tē chiūⁿ chíputkò sī lâi chò lângkheh ê chhutgōalâng. 14 Ánne kóng ê lâng piáubêng in teh chhōe chi̍tê kahiong. 15 In pēng bô teh siàuliām līkhui hn̄ghn̄g ê kahiong, nā ū chá to̍h ū thang tńgkhì ê kihōe. 16 M̄ koh in himbō͘ hitê thiⁿténg kohkhah hó ê só͘chāi, só͘í SiōngChú bô inūi in chheng I chò SiōngChú lâi kámkak kiànsiàu, inūi I íkeng ūi in chúnpī chi̍tê siâⁿ thang khāikhí. 17 Apekla̍hhán siū SiōngChú khógiām ê sî inūi ū sìnsim chiah chiong i ê kiáⁿ Ísat chò chèmi̍h. Chiūsī kóng sêngsiū èngín ê Apekla̍hhán iáukoh goānì chiong i ê to̍kkiáⁿ chò chèmi̍h hiàn hō͘ SiōngChú. 18 SiōngChú bat tùi i kóng, "Tùi Ísat seⁿ ê chiah thang sǹgchò lí ê kiáⁿsun."( chù: CSK 21:12) 19 Apekla̍hhán siūⁿkóng SiōngChú ē tàng hō͘ Ísat tùi sílâng tiong kohoa̍h, só͘í thang phìjū kóng Ísat sī síliáu koh tò tńglâi. 20 Ísat inūi ū sìnsim chiah ūi tio̍h chionglâi ê tāichì tùi Ngákok kah Ísò chiokhok. 21 Ngákok inūi ū sìnsim, behsí ê sî chiah kā Ioksek nn̄gê kiáⁿ chiokhok. I hōaⁿtòa koái'áthâu kèngpài SiōngChú.( chù: CSK 47:31 LXX) 22 Ioksek inūi ū sìnsim, beh sí ê sî chiah kóngkhí Íseklia̍tlâng chhut Aiki̍p ê tāichì, koh ū hoanhù chhùlí i ê kuthâi ê tāichì. 23 Mô͘se chhutsì ê sî, i ê pē bú inūi ū sìnsim, khòaⁿ tio̍h kiáⁿ chhengsiù, kiaⁿ ông ê bēnglēng to̍h kā eⁿ'á únchông saⁿ goe̍hji̍t kú. 24 Mô͘se tióngtōa liáuāu, inūi ū sìnsim chiah kīchoa̍t lâng kā i kiòchò Aiki̍p kongchú ê kiáⁿ, 25 khah ài kah SiōngChú ê chúbîn chòhóe siū khó͘lān, bô ài tī chōeoktiong hióngsiū chiāmsî ê khoàilo̍k. 26 I khòaⁿ ūi tio̍h Kitok siū lêngjio̍k pí Aiki̍p ê châipó khah kùikhì, inūi i gióngbōng chionglâi ê pòsiúⁿ. 27 Mô͘se inūi ū sìnsim chiah bô kiaⁿ ông ê siūkhì līkhui Aiki̍p, i ná chhinchhiūⁿ ū khòaⁿ tio̍h lâng só͘ khòaⁿ bē tio̍h ê SiōngChú, kianchhî kàuté, m̄ khéng tò tńgkhì. 28 I ū sìnsim chiah lâi siatli̍p Pôaⁿkòecheh, hoanhù keke hō͘hō͘ tio̍h hiù hoeh tòa mn̂gni̍h, biántit hō͘ châubia̍tchiá thâisí Íseklia̍tlâng ê tōakiáⁿ. 29 Íseklia̍tlâng ū sìnsim chiah ē tàng kòe Ânghái ná chhinchhiūⁿ teh kiâⁿ tatē. Aiki̍plâng mā siūⁿbeh kiâⁿkòe soah hō͘ chúi imsí. 30 Íseklia̍tlâng se̍h Iâlīkosiâⁿ chhit ji̍t kú, inūi ū sìnsim, siâⁿchhiûⁿ chiū tó lo̍hkhì. 31 Kilí Latha̍p inūi ū sìnsim chiah hó khoánthāi bi̍tthàm, só͘í bô kah hiahê bô sūnho̍k SiōngChú ê lâng chòhóe bia̍tbông. 32 Góa kám tio̍h koh kóng? Góa bô sîkan thang thêkhí Kitiân, Pala̍k, Chhamsun, Iâhuttha, Tāipi̍t, Satbóní kah chèng sianti ê tāichì. 33 Chiahê lâng khò sìnsim thâiiâⁿ lia̍tkok. In chò konggī ê tāichì lâi niásiū SiōngChú ê èngín. In kā sai ê chhùi hongba̍t, 34 phahhoa lia̍thóe, siámphiah lāito ê sathāi, jio̍ksè chiâⁿchò kiôngsè, tī chiàntiûⁿ ióngbéng, kongphòa gōakok ê kuntūi. 35 Ūkóa hūjînlâng óakhò sìnsim chiap in hiahê tùi sí kohoa̍h ê chhinlâng, mā ūkóa lâng ūi tio̍h khah hó ê kohoa̍h soah m̄ goān siū sio̍khôe, kamgoān siū khokhêng lâi sí. 36 Koh ūkóa lâng siū hìlāng, piⁿphah, mā ūlâng siū khúnpa̍k koaiⁿkaⁿ. 37 Koh ūlâng hō͘ lâng ēng chio̍hthâu tìm, ēng kì'á kì, ēng to thâisí. In chhēng mîiûⁿ á sī soaⁿiûⁿ ê phôe, sìkè phunpho, jímsiū sànchhiah, hoānlān kah ge̍kthāi. 38 Chiahê lâng khòaⁿphòa sèkan, tī khòngiá, soaⁿniá, chio̍htōng á sī tē hia̍t sìkè liûlōng. 39 Chiahê lâng óakhò in ê sìnsim ū tit tio̍h SiōngChú ê jīntēng, m̄ koh bô niásiū SiōngChú só͘ èngín.ê. 40 Inūi SiōngChú kā lán anpâi kohkhah hó ê kèōe. SiōngChú ê chíì chiūsī chiahê lâng tio̍h kah lán chòhóe chiah ē tàng oânchoân si̍thiān.