《巴克禮普世版聖經（試讀本）》

 | | | 轉寄

巴克禮普世版（試讀本） 雅各書第一章

作者 巴克禮普世版小組 2016.08.14

1 Góa, Ngákok sī SiōngChú kah Chú Iâso͘ Kitok ê lô͘po̍k, beh kā só͘ū sìsòaⁿ tòa tī ta̍k só͘chāi SiōngChú ê chúbîn chhéngan.

Sìngióng Kah Tìhūi
2 Hiaⁿtī chímōe ah, lín tú tio̍h chióngchióng ê chhìthàm, lóng tio̍h kā i siūⁿchò sī thang hoaⁿhí ê tāichì, 3 inūi góa chai lín ê sìngióng kengkòe khógiām ē sánseng jímnāi. 4 Tio̍h jímnāi kàuté chiah ē tàng hō͘ lín ta̍tkàu si̍pchoân si̍pbí, bô símmi̍h khiàmkhoeh. 5 Lín tiongkan nā ūlâng khiàmkhoeh tìhūi, tio̍h tùi SiōngChú kîkiû, inūi SiōngChú chin khóngkhài koh chûpi siúⁿsù chènglâng. 6 M̄ koh tio̍h khò sìnsim lâi kiû, m̄ thang giâugî, inūi giâugî ê lâng ná chhinchhiūⁿ háiéng hō͘ hong sàu kah khíkhílo̍hlo̍h. 7 Chitkhoán lâng bián siūⁿkóng tùi Chú ū thang tit tio̍h símmi̍h, 8 inūi samsimlióngì ê lâng bôlūn chò símmi̍h lóng bô tēngchún.

Sànchhiah Kah Hùkùi
9 Pibî ê hiaⁿtī nā tit tio̍h SiōngChú kā i thêseng sinhūn, engkai tio̍h inūi ánne lâi khoakháu. 10 Hógia̍h ê lâng nā hō͘ SiōngChú kàngkē sinhūn mā tio̍h ánne, inūi lâng ê hùkùi ē chhinchhiūⁿ chháu'á ê hoe siākhì. 11 Ji̍tthâu chi̍tē chhut, siohong chi̍tē chhoe, chháu'á chiū takhì, hoe mā siākhì, i ê súi chiū siausit. Hógia̍hlâng bôêng phunpho mā ē ánne siausit khì.

Chhìliān Kah Iúhe̍k
12 Jímsiū chhìliān ê lâng ū hokkhì, inūi kengkòe chhìliān chiū ē tit tio̍h oa̍hmiā, che sī SiōngChú èngín beh hō͘ thiàⁿ I ê lâng ê biánliû. 13 Tú tio̍h chhìliān ê lâng m̄ thang kóng, "Góa hō͘ SiōngChú iúhe̍k", inūi SiōngChú bē siū siâok iúhe̍k, I kakī mā bē iúhe̍k lâng. 14 Lâng lóng sī hō͘ kakī ê suio̍k iúhe̍k. 15 Suio̍k hoâiīn chiū seⁿchhut chōeok, chōeok tióngsêng liáuāu chiū seⁿchhut síbông. 16 Chhinài ê hiaⁿtī chímōe, m̄ thang hō͘ lâng khiphiàn. 17 Itchhè bíhó ê siúⁿsù kah oânchoân ê unsù lóng sī tùi thiⁿténg kngbêng ê ThiⁿPē siúⁿsù. I éngoán bē káipiàn, mā bô tńgse̍h ê iáⁿjiah. 18 SiōngChú chiàu kakī ê chíì ēng chinlí ê tō lâi chō lán, hō͘ lán tī I só͘ chhòngchō ê bānbu̍t tiongkan ū siōng tiōngiàu ê tē ūi.

Thiaⁿ Tōlí Kah Kiâⁿ Tōlí
19 Chhinài ê hiaⁿtī chímōe, lín tio̍h ē kìtit. Ta̍klâng tio̍h thiaⁿ lâng ê ìkiàn, kóngōe tio̍h kínsīn, m̄ thang khoài siūkhì. 20 Inūi lâng ê siūkhì bē tàng si̍thiān SiōngChú ê konggī. 21 Só͘í lín tio̍h tûkhì itchhè ê pháiⁿ si̍pkoàn kah chōeok koànboán ê hêngûi, ēng unjiû ê sim lâi chiapla̍p hitê chèng tī simlāi ē kiù lín lênghûn ê tōlí. 22 Tio̍h si̍thiān tōlí, m̄ sī khiphiàn kakī kóng kantaⁿ thiaⁿ tōlí to̍h hó. 23 Kantaⁿ thiaⁿ tōlí bô khì si̍thiān ê lâng tú chhinchhiūⁿ lâng tī kiàⁿni̍h siôngsè khòaⁿ i kakī ê bīn, 24 Siôngsè khòaⁿ liáuāu chiū chò i khì, sûisî bē kìtit i seⁿchò símmi̍h khoán. 25 M̄ koh chùsîn chakhó hitê hō͘ lâng tit tio̍h chūiû ê lu̍thoat koh kèsio̍k chunhêng ê lâng, ittēng ē tit tio̍h SiōngChú ê chiokhok, inūi i ū si̍tchāi khì si̍thiān, m̄ sī thiaⁿliáu chiū bē kìtit. 26 Nā ūlâng siūⁿkóng kakī chin kèngkhiân, m̄ koh bô ioksok kakī ê chhùichi̍h, he sī teh khiphiàn kakī, chitchióng lâng ê kèngkhiân lóng bô chháikang. 27 Khòaⁿkò͘ khó͘lāntiong ê ko͘jî kóaⁿhū koh pósiú kakī bô hō͘ sèsio̍k ê húpāi ùjiám, tùi ThiⁿPē SiōngChú khòaⁿ khílâi, che chiahsī chhengkhì bô lahsap ê kèngkhiân.