《巴克禮普世版聖經（試讀本）》

 | | | 轉寄

巴克禮普世版（試讀本） 彼得前書第一章

作者 巴克禮普世版小組 2016.09.18

1 Góa, Pítek, sī Iâso͘ Kitok ê sùtô͘, siá chittiuⁿ phoe kià hō͘ sìsòaⁿ pīlān tī Púnto͘, Kalia̍pthài, Kaphàⁿtoka, Asea, Píchhuinî khiākhí ê SiōngChú soánbîn. 2 Lín siū kéngsoán sī chiàu ThiⁿPē SiōngChú ītēng ê chíì, óakhò SèngSîn lâi chiâⁿchò sèngkiat, thang sūnho̍k Iâso͘ Kitok koh tùi I ê hoeh tit tio̍h kiatchēng. Goān SiōngChú ê untián kah pêngan chhiongmóa lín tāike!

Sin Oa̍hmiā ê Ǹgbāng
3 Goān lán ê Chú Iâso͘ Kitok ê ThiⁿPē SiōngChú, tit tio̍h oló! Chiàu I bûhān ê chûpi thongkòe Iâso͘ Kitok tùi sílâng tiong kohoa̍h, hō͘ lán têngthâuseⁿ thang tit tio̍h sin oa̍hmiā ê ǹgbāng, 4 lâi sêngsiū hitê ūi tio̍h lín póchûn tī thiⁿténg, bē pāihoāi, bē lahsap, bē soethè ê hokkhì. 5 Che sī beh hō͘ lín chiahê thongkòe sìn siū SiōngChú ê tōakoânlêng pósiú, thang tit tio̍h chúnpī tī boa̍tji̍t tehbeh si̍thiān ê chínkiù. 6 Lín chitmá suijiân iáuteh siū chióngchióng ê chhìliān, chiāmsî sim kankhó͘, lín mā tio̍h ūi tio̍h ánne lâi hoaⁿhí. 7 Che sī beh chèngbêng lín ê sìnsim khamtit khógiām, pí hiahê kengkòe hóe thoànliān iûgoân ē pāihoāi ê kim kohkhah pókùi, thang tī Iâso͘ Kitok chàilîm ê sî tit tio̍h oló, êngkng kah chunkùi. 8 Lín suijiân m̄ bat khòaⁿ tio̍h Iâso͘ mā teh thiàⁿ I. Chitmá bô khòaⁿkìⁿ I iáukoh teh sìn I. Lín ū ēng giângí bôhoattō͘ piáuta̍t ê hílo̍k. 9 Inūi lín tit tio̍h sìngióng ê kiatkó, chiūsī lênghûn ê titkiù. 10 Koanhē chitê chínkiù, īgiân lín ē tit tio̍h untián hiahê sianti íkeng ū giánkiù koh siôngsè chakhó. 11 Chèng sianti ê simlāi ū Kitok ê SèngSîn tùi in chísī, lâi chakhó Kitok ê siūkhó͘ kah āulâi tit tio̍h êngkng ê īgiân, ē tī símmi̍h sîkî ánchóaⁿ si̍thiān. 12 SiōngChú ū khésī hiahê sianti hō͘ in chai, in ê sūhōng m̄ sī ūi tio̍h kakī, khioksī ūi tio̍h lín. Chiahê sìnsit chitmá íkeng óakhò tùi thiⁿ chhelâi ê SèngSîn, thongkòe hokim ê sùchiá thoân hō͘ lín. Chiahê tāichì liân Thiⁿsài mā pekchhiat teh thènghāu àibeh chai. 13 Sèngkiat ê Sengoa̍h Só͘í lín ê sim tio̍h chúnpī piān, tio̍h kínsīn, choansim ǹgbāng tī Iâso͘ Kitok chàilîm ê sî só͘ beh siúⁿsù lín ê untián. 14 Tio̍h chò sūnho̍k ê kiáⁿjî, m̄ thang chhinchhiūⁿ cháchêng lín m̄ bat SiōngChú ê sî hòngchhiòng suio̍k. 15 Ho͘tiàu lín ê sī sèngkiat ê SiōngChú, lín púnsin mā tio̍h tī itchhè ê hêngûi sèngkiat. 16 Sèngkeng ū kìchài: Lín tio̍h sèngkiat, inūi Góa sī sèngkiat.( chù: LBK 19:2) 17 Lín kîtó ê sî kiûkiò bô phiansim chiàu ta̍klâng ê hêngûi lâi símphòaⁿ ê Hitūi chò Thiⁿpē, chiū tio̍h ēng kèngùi ê sim tī lín kiàkha ê sèkan sengoa̍h. 18 Inūi lín chai, lín siū sio̍khôe thoatlī tùi chó͘sian liûthoân hō͘ lín bôlō͘ēng ê thoânthóng, m̄ sī ēng ē pāihoāi ê kimgîn, 19 sī ēng Kitok ê póhoeh, chhinchhiūⁿ bô khoattiám koh bô ùtiám ê iûⁿko ê hoeh. 20 Kitok tī chhòngchō útiū íchêng to̍h hō͘ SiōngChú kéngsoán, tī chitê boa̍tsè chiah ūi tio̍h lín hiánhiān chhutlâi. 21 Lín thongkòe Kitok lâi sìn SiōngChú, chiūsī hō͘ Kitok tùi sílâng tiong kohoa̍h koh hō͘ I êngkng ê Hitūi, só͘í lín ê sìnsim kah ǹgbāng lóng chāitī SiōngChú. 22 Lín íkeng tùi sūnho̍k chinlí lâi kiatchēng kakī,koh kah kîtha ê sìntô͘ ū sûnchin ê chhiúchiokchichêng, tio̍h tùi simté jia̍tchhiat siothiàⁿ. 23 Lín íkeng têngthâuseⁿ, m̄ sī tùi ē pāihoāi ê chéngchí, sī tùi bē pāihoāi ê chéngchí. Chiūsī thongkòe SiōngChú ê tōlí, sī oa̍hoa̍h ê, sī éngoán chûnchāi ê chinlí. 24 Inūi Sèngkeng kìchài: Jio̍kthé lóng chhinchhiūⁿ chháu, I ê êngkng lóng chhinchhiūⁿ chháu ê hoe, Chháu ē ta, hoe ē siā. 25 Chóngsī Chú ê tōlí éngoán chûnchāi.( chù: ISA 40:68) Chitê sìnsit chiūsī thoân hō͘ lín ê hokim.