《巴克禮普世版聖經（試讀本）》

 | | | 轉寄

巴克禮普世版（試讀本） 彼得前書第三章

作者 巴克禮普世版小組 2016.10.01

Hūjînlâng Kah Tiōnghu
1 Lín chò hūjînlâng ê mā tio̍h sūnho̍k kakī ê tiōnghu. Nāsī tiōnghu bô sìn tōlí, ē hō͘ hūjînlâng ê hó phínhēng kámhòa lâi sìn, lín lóng bián kóng pòaⁿkù ōe, 2 inūi in ē khòaⁿ tio̍h lín sûnkiat ê phínhēng kah kèngkhiân. 3 Lín m̄ thang khò gōapiáu ê chhēngchhah, chhiūⁿ piⁿthâumn̂g, kòa kimkhì, á sī chhēng súisaⁿ. 4 Tio̍h khò lāichāi ê súi, ēng unjiû koh thiâmchēng ê simlêng chò bē pāihoāi ê chongsek. Che tī SiōngChú ê gántiong chiah sī chinchiàⁿ pópòe. 5 Inūi kó͘chá hiahê gióngbōng SiōngChú sèngkiat ê hūjînlâng mā sī ánne chongsek, sūnho̍k kakī ê tiōnghu. 6 Chhinchhiūⁿ Satla̍h sūnho̍k Apekla̍hhán, chhengho͘ i chò " chúlâng". Lín nā chò hósū, bô tahhiaⁿh lâi kiaⁿhiâⁿ, chiūsī Satla̍h ê chabó͘kiáⁿ. 7 Lín chò tiōnghu ê mā tio̍h kah kakī ê hūjînlâng tòa chòhóe, théthiap in jio̍kthésiōng khah nńgchiáⁿ. Tio̍h kā in chuntiōng, inūi in mā pêⁿpêⁿ kah lín chòhóe sêngchiap SiōngChú siúⁿsù oa̍hmiā ê untián, ánne lín ê kîtó chiah bē tú tio̍h chó͘tòng.

Ūi tio̍h Gī Siūkhó͘
8 Chóngkóng chi̍tkù, lín tio̍h tângsim, hō͘siōng théthiap, chhinchhiūⁿ hiaⁿtī siothiàⁿ, ēng jînchû kah khiampi hō͘siōng tùithāi. 9 M̄ thang ēng pháiⁿ pò pháiⁿ, á sī mē lâi mē khì, tiantò tio̍h ēng chiokhok lâi hôepò, inūi SiōngChú ho͘tiàu lín ê sî ū èngín beh hō͘ lín sêngchiap chiokhok. 10 Inūi Sèngkeng ū kìchài kóng, "Lâng nā àibeh pósioh oa̍hmiā, koh àibeh kòe hēnghok ê ji̍tchí, tio̍h kìmchí chhùichi̍h kóng pháiⁿōe, m̄ thang kóng pe̍hchha̍t. 11 Tio̍h līkhui pháiⁿ lâi chò hósū, choansim tuikiû hôpêng. 12 Inūi Chú khòaⁿkò͘ gīlâng, I ū teh thiaⁿ in ê kîtó, m̄ koh Chú ê bīn ū teh kàmchhat chò pháiⁿ ê lâng.( chù: SPh 34:1216) 13 Lín nā jia̍tsim chò hósū, siáⁿlâng ē hāi lín? 14 M̄ koh lín nā ūi tio̍h gī lâi siūkhó͘, chiū ū hokkhì. M̄ bián kiaⁿ pòaⁿlâng, mā m̄ bián gêngsim. 15 Tio̍h kèngùi Kitok chò Chú. Nā ūlâng mn̄g lín simlāi ê ǹgbāng, tio̍h putsî piānpiān ēng unjiû kah kèngùi ê sim lâi piānkái. 16 Tio̍h ū chhengpe̍k ê liôngsim, thang tī lín siū húipòng ê sî, hō͘ hiahê bújio̍k lín ê lâng khòaⁿ tio̍h lín óakhò Kitok só͘ piáuhiān ê hó phínhēng lâi kakī kámkak kiànsiàu. 17 Siūkhó͘ ná sī SiōngChú ê chíì, chò hó lâi siūkhó͘ pí chò pháiⁿ lâi siūkhó͘ khah hó. 18 Inūi Kitok mā bat ūi tio̍h lán ê chōe lâi siūkhó͘, chi̍tpái to̍h oânsêng. Gīlâng thè putgī ê lâng siūkhó͘ sī beh chhōa lín lâikàu SiōngChú ê bīnchêng. I ê jio̍kthé síbông, m̄ koh chiàu lêngsèng lâi kóng, SiōngChú hō͘ I koh oa̍h khílâi. 19 Thongkòe I ê lêng, I mā bat khì thoân tōlí hō͘ siūkoaiⁿ tī imhú ê lênghûn. 20 Hiahê lênghûn chiūsī Náa teh chúnpī tōachûn ê kîkan, SiōngChú ū nāisim thènghāu hiahê m̄ sūnho̍k ê lâng. Tongsî chìnji̍p tōachûn ê lâng chinchió, kantaⁿ pehê, in ū tùi chúi lâi titkiù. 21 Chitê chúi teh īgiân piáusī sélé. Taⁿ chitê sélé ū kā lín chínkiù, m̄ sī sétû lín jio̍kthé ê lahsap, sī hō͘ lín ū chhengpe̍k ê liôngsim thang tùi SiōngChú kîkiû. Chitê sélé thongkòe Iâso͘ Kitok ê kohoa̍h íkeng hō͘ lín tit tio̍h chínkiù. 22 Iâso͘ íkeng chiūⁿthiⁿ, taⁿ tī SiōngChú ê chiàⁿpêng teh chiángkoán chèng thiⁿsài íki̍p lêngkài ê chipchèngchiá kah chiángkoânchiá.