《巴克禮普世版聖經（試讀本）》

 | | | 轉寄

巴克禮普世版（試讀本） 彼得後書第二章

作者 巴克禮普世版小組 2016.10.29

Ké ê Kàusu
1 Íchêng ū késianti tī bînkan chhuthiān. Kāngkhoán, chitmá mā ū ké kàusu tī lín ê tiongkan chhuthiān. In àmtiong ínchìn húibia̍tsèng ê īⁿtoan ji̍plâi, sīmchí m̄ sêngjīn kā in sio̍khôe ê Chúcháiⁿ, kakī chinkín chiū bia̍tbông. 2 M̄ koh iáuū chinchē lâng o̍h in ê îmloān sengoa̍h, chinlí ê tōlō͘ soah ūi tio̍h in lâi siū húipòng. 3 Chiahê ké kàusu inūi thamsim, ē liapchō kò͘sū lâi pián lín ê chîⁿchâi. SiōngChú tùi in ê símphòaⁿ chá to̍h koattēng ā, in liâmpiⁿ chiū bia̍tbông. 4 SiōngChú pēng bô iôngún hoānchōe ê thiⁿsài, kā in hiat lo̍hkhì imhú, kā in koaiⁿ tī o͘àm ê chhimkheⁿ, thènghāu símphòaⁿ. 5 SiōngChú mā bô iôngún kó͘chá ê sèkài, ēng tōachúi imbia̍t hiahê bô kèngùi SiōngChú ê sèkanlâng, kantaⁿ chínkiù soaniông konggī ê Náa hit peh lâng. 6 SiōngChú chhùhoa̍t Só͘tomá kah Ngô͘mô͘la̍h ê siâⁿchhī, ēng hóe kā in húibia̍t, hō͘ āulâi bô kèngùi SiōngChú ê lâng chò kéngkài. 7 SiōngChú ū chínkiù gīlâng Lôtek, inūi i siôngsiông ūi tio̍h siâok îmloān ê lâng lâi chhimchhim iubūn. 8 Chitê gīlâng Lôtek tòa tī in tiongkan, ta̍kji̍t khòaⁿ tio̍h mā thiaⁿ tio̍h hiahê siâok ê tāichì, simlāi huisiông thòngkhó͘. 9 SiōngChú chai tio̍h chóaⁿiūⁿ chínkiù kèngkhiân ê lâng thoatlī chhìliān, mā chai kā putgī ê lâng lâukàu símphòaⁿ ê ji̍t khì siū hênghoa̍t. 10 Te̍kpia̍t sī hiahê hòngchhiòng jio̍kthé chêngio̍k koh biáusī SiōngChú koânui ê lâng. Chiahê ké kàusu tōatáⁿ koh kiaungō͘, sīmchí siatto̍k chunkùi ê thiⁿsài. 11 Suijiân thiⁿsài ê khùila̍t kah koânlêng pí hiahê ké kàusu khah tōa, mā bô tī SiōngChú ê bīnchêng ēng húipòng ê ōe kā in khòngkò. 12 M̄ koh chiahê lâng chhinchhiūⁿ bô lêngsèng ê tōngbu̍t, seⁿsêng tio̍h hō͘ lâng lia̍h khì thâi. In húipòng kakī m̄ chai ê tāichì. In ē kah tōngbu̍t kāngkhoán siū húibia̍t, siū tio̍h kakī putgī hêngûi ê pòèng. 13 Tùi in lâi kóng, hiónglo̍k chiūsī tī ji̍tsî chiū tîmlûn tī chêngio̍k ê boánchiok lâi hoaⁿhí. Kah lín chòhóe chia̍htoh ê sî, in m̄ chai thang kiànsiàu koh bô kò͘ thébiān, hòngchhiòng iànlo̍k. 14 In ê ba̍kchiu kantaⁿ ài khòaⁿ siâîm, hoānchōe bô soah, bêhe̍k sim bô kiankò͘ ê lâng, in ê sim koàiⁿsì thamchâi, engkai tio̍h siū SiōngChú ê chiùchó͘. 15 In līkhui chiàⁿlō͘ lâi kiâⁿ bêlō͘, kiâⁿ Pìní ê kiáⁿ Palân só͘ kiâⁿ ê lō͘. Palân thamài putgī ê chîⁿchâi, 16 m̄ koh ūi tio̍h kakī ê hoānhoat lâi siū chekpī. Chi̍tchiah bē kóngōe ê lî'á, kèngjiân ēng lâng ê siaⁿ lâi chó͘chí sianti Palân ê hongkông. 17 Chiahê lâng chhiunchhiūⁿ bô chúi ê chôaⁿ, chhinchhiūⁿ hō͘ kônghong sàukòe ê hûnbū. SiōngChú íkeng tī o͘àm ê chhimian kā in lâu chi̍tê só͘chāi teh thènghāu in. 18 In kóng khoakháu ê gōngōe, tī jio̍kthé ê chêngio̍k kah siâîm lâi iúhe̍k hiahê tútú thoatlī sitbê sengoa̍h ê lâng. 19 In èngín hō͘ lâng chūiû, m̄ koh kakī chò húpāi sengoa̍h ê lô͘lē, inūi lâng siū símmi̍h khòngchè chiū chò hithāng ê lô͘lē. 20 Lâng jīnbat KiùChú Iâso͘ Kitok lâi thoatlī sèkan hiahê ùòe íāu, nā kohchài hō͘ hiahê húpāi ê sèle̍k tîⁿsin koh siū apchè, chitchióng lâng ê kiatkio̍k ē pí íchêng kohkhah chhám. 21 In kìjiân jīnbat konggī ê tōlō͘, kèngjiân kohlâi ûipōe só͘ thoân hō͘ in ê sînsèng kàibēng, ánne lêngkhó tùi khíthâu to̍h lóng m̄ bat khah hó. 22 Hitchióng lâng ê chênghêng tú chhinchhiūⁿ sio̍kgí só͘ kóng, "Káu'á tòtńgkhì chia̍h kakī só͘ thò͘ ê mi̍h, ti'á sé chhengkhì sûisî koh khì nòa tī thô͘môe ê tiongng."