《巴克禮普世版聖經（試讀本）》

 | | | 轉寄

巴克禮普世版（試讀本） 約翰一書第三章

作者 巴克禮普世版小組 2016.11.28

SiōngChú ê Kiáⁿjî
1 Lín siūⁿkhòaⁿ ThiⁿPē jōani̍h thiàⁿ lán, hō͘ lán thang kiòchò SiōngChú ê kiáⁿjî. Sūsi̍tsiōng lán sī I ê kiáⁿjî, só͘í sèkanlâng m̄ bat lán, sī inūi in m̄ bat SiōngChú. 2 Chhinài ê hiaⁿtī chímōe, chitmá lán chò SiōngChú ê kiáⁿjî, chionglâi ē piàn ánchóaⁿ iáubōe hiánbêng. Lán chai I nā chàilîm, lán chiū ē chhinchhiūⁿ I, inūi lán ē khòaⁿ tio̍h I ê chinsiōng. 3 Kitok sī sûnkiat, só͘í tùi Kitok ū chitchióng ǹgbāng ê lâng ē kakī póchhî sûnkiat. 4 Lâng nā hoānchōe chiūsī ûipōe SiōngChú ê lu̍thoat, inūi chōe chiūsī ûipōe lu̍thoat. 5 Lín chai Kitok hiánhiān sī beh tûkhì lâng ê chōe, m̄ koh I púnsin bô chōe. 6 Kah Kitok kiatliân ê lâng bē kèsio̍k hoānchōe. Kèsio̍k hoānchōe ê lâng m̄ bat khòaⁿ tio̍h Kitok, mā lóng m̄ bat I. 7 Sèkiáⁿ, m̄ thang hō͘ lâng kā lín bêhe̍k. Chunhêng konggī chiah sī gīlâng, tú chhinchhiūⁿ Kitok sī gīlâng. 8 Kèsio̍k hoānchōe ê lâng sī sio̍k Mô͘kúi, inūi Mô͘kúi tùi khíthâu to̍h hoānchōe. SiōngChú ê Kiáⁿ hiánhiān ê bo̍ktek sī beh húihoāi Mô͘kúi ê kangchok. 9 SiōngChú ê kiáⁿjî bē kèsio̍k hoānchōe, inūi ū SiōngChú ê oa̍hmiā tī in lāibīn. Kìjiân SiōngChú sī in ê ThiⁿPē, in bē kèsio̍k hoānchōe. 10 SiōngChú ê kiáⁿjî kah Mô͘kúi ê kiáⁿjî khupia̍t kah chin chhengchhó. Bô chunhêng konggī kah bô thiàⁿ hiaⁿtī chímōe ê lâng to̍h m̄ sī SiōngChú ê kiáⁿjî.

Tio̍h Siothiàⁿ
11 Lán tio̍h siothiàⁿ, che sī lín tùi khíthâu to̍h thiaⁿ tio̍h ê sìnsit. 12 Lán m̄ thang chhinchhiūⁿ Kaiún, i sio̍k siâok, thâisí kakī ê siótī. I Símmi̍h iânkò͘ thâisí kakī ê siótī? Inūi i ê hêngûi siâok, m̄ koh siótī ê hêngûi chèngti̍t. 13 Hiaⁿtī chímōe, sèkanlâng nā oànhūn lín, m̄ thang kámkak kîkoài. 14 Lán chai lán íkeng chhutsí ji̍poa̍h, inūi lán ū thiàⁿ hiaⁿtī chímōe. Bô thiàⁿsim ê lâng iáu tī síbông ê koánhat. 15 Oànhūn hiaⁿtī á sī chímōe ê lâng chiūsī satjînhoān. lín mā chai satjînhoān bô éngoán ê oa̍hmiā tī i ê simlāi. 16 Kitok ūi lán hiseng sèⁿmiā, lán chiū ánne chai símmi̍h sī thiàⁿsim. Lán mā engkai ūi tio̍h hiaⁿtī á sī chímōe hiseng sèⁿmiā. 17 Nā ū hógia̍hlâng khòaⁿ tio̍h i ê hiaⁿtī á sī chímōe ū khiàmkhoeh bô tôngchêng liânbín ê sim, ná ē tàng kóng i thiàⁿ SiōngChú? 18 Sèkiáⁿ, siothiàⁿ m̄ thang kantaⁿ ēng ōe á sī ēng chhùi kóng, tio̍h ēng hêngtōng lâi chèngbêng.

Tī SiōngChú Bīnchêng Ū Chūsìn
19 Chiū ánne, lán chai lán sī sio̍k chinlí ê lâng. Lán nā siū liôngsim chekpī, tī SiōngChú ê bīnchêng lán ē tàng anún chūchāi. 20 Inūi SiōngChú pí lán ê sim khah tōa, mā ta̍khāng lóng chai. 21 Chhinài ê hiaⁿtī chímōe, lán ê liôngsim nā bô kā lán chekpī, lán tī SiōngChú ê bīnchêng chiū thang anjiân chūchāi. 22 Lán bôlūn tùi SiōngChú kiû símmi̍h lóng ē tit tio̍h, inūi lán ū chunsiú I ê bēnglēng, tī I ê bīnchêng chò I só͘ hoaⁿhí ê tāichì. 23 I ê kàibēng sī ánne, lán tio̍h sìn I ê Kiáⁿ Iâso͘ Kitok ê miâ, mā tio̍h chiàu I hō͘ lán ê bēnglēng siothiàⁿ. 24 Chunsiú SiōngChú ê kàibēng ê lâng chiūsī kah I kiatliân. Tùi SiōngChú siúⁿsù hō͘ lán ê SèngSîn, lán chai SiōngChú ū kah lán kiatliân.