《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第22章

作者 巴克禮普世版小組 2011.08.28

1, Iâso͘ ìn i, koh ēng phìjū kā in kóng,
2, Thiankok píphēng jînkun, kā i ê kiáⁿ chúnpī hunin ê iânsia̍h.
3, Chhe i ê lô͘po̍k tiàu só͘ chhiáⁿ ê lâi hù iânsia̍h; tānsī in m̄ lâi.
4, Koh chhe pa̍t ê lô͘po̍k kóng, Khì kā só͘ chhiáⁿ ê kóng, Góa ê toh íkeng chúnpī piān, góa ê gû kap pûi ê chengsiⁿ íkeng thâi, pahhāng mi̍h lóng piān, tio̍h lâi hù iânsia̍h.
5, In bô iàukín, chò in khì; chi̍t ê khì i ê chhânhn̂g, chi̍t ê khì i ê senglí tiûⁿ;
6, kîû ê lia̍h i ê lô͘po̍k, lêngjio̍k in, thâi in.
7, Jînkun siūkhì, chhe i ê kunpeng châubia̍t hiahê hionghoān, sòa sio in ê siâⁿ.
8, Chiū kā i ê lô͘po̍k kóng, Hunin ê iânsia̍h íkeng piān, tānsī só͘ chhiáⁿ ê bē khamtit.
9, Só͘í lín khì tōa lō͘thâu, kìⁿnā só͘ tú tio̍h ê lóng chhiáⁿ i lâi hù iânsia̍h.
10, Hiahê lô͘po̍k chhutkhì lō͘ni̍h, chūchi̍p hoān só͘ tú tio̍h ê, bô lūn hó pháiⁿ; hunin ê khehthiaⁿ lângkheh chiū móa.
11, Jînkun ji̍pkhì khòaⁿ lângkheh, khòaⁿ tio̍h tī hia chi̍t lâng bô chhēng lého̍k;
12, kā i kóng, Pêngiú ah, lí bô chhēng hunin ê lého̍k, cháiⁿiūⁿ ji̍plâi chia? I chiū chēngchēng.
13, Hit sî jînkun kā chiahê chheēng kóng, Pa̍k i ê khachhiú, chiong i hiat tī gōabīn o͘àm ê só͘chāi; tī hia boeh ū thîkhàu kāgê chhiatkhí.
14, Inūi siū tiàu ê chōe, siū kéng ê chió.
15, Hit sî Hoatlīsàiphài ê lâng khì chhamsiông, khòaⁿ thang cháiⁿiūⁿ chiū I ê ē lâi tauh I.
16, Chiū chhe in ê bûntô͘ kap Hilu̍t tóng chiūkūn I kóng, Siansiⁿ ah, goán chai lí sī chinsi̍t, koh ēng chinsi̍t chiong Siōngchú ê lō͘ kàsī lâng; lí iā bô lia̍h símmi̍h lâng chò iàukín, inūi lí bô khòaⁿ lâng ê gōamāu.
17, La̍p sè hō͘ Kaisat ha̍pgî á bô? Lí phahsǹg cháiⁿiūⁿ? chhiáⁿ kā goán kóng.
18, Iâso͘ chai in ê pháiⁿ, chiū kóng, Kéhó ê lâng ah, siáⁿsū chhì góa.
19, Ēng la̍p sè ê gûn'á hō͘ góa khòaⁿ. In chiū the̍h chi̍t ê gûn'á hō͘ I.
20, Iâso͘ kā in kóng, Chitê siōng kap hō sī siáⁿlâng?
21, Kā I kóng, Kaisat. I chiū kā in kóng, Ánne, lín tio̍h chiong Kaisat ê mi̍h la̍p hō͘ Kaisat, chiong Siōngchú ê mi̍h la̍p hō͘ Siōngchú.
22, In thiaⁿ tio̍h chiū kîkoài, līkhui I khì.
23, Hit ji̍t ū Satthó͘kaiphài ê lâng, chiūsī kóng lâng bô kohoa̍h ê, chiūkūn I, mn̄g kóng,
24, Siansiⁿ ah, Mô͘se kóng, Lâng sí iā bô kiáⁿ, i ê siótī tio̍h chhōa i ê bó͘; seⁿ kiáⁿ lâi sòachiap i ê hiaⁿ.
25, Taⁿ goán tiongkan ū hiaⁿtī chhit lâng; tōaê chhōa, chiū síkhì, bô kiáⁿ; lâu i ê bó͘ hō͘ siótī.
26, Tē jī ê, tē saⁿ ê, kàu tē chhit ê iā lóng sī ánne.
27, Kàu bé, hit ê hūjînlâng iā sí.
28, Ánne tī kohoa̍h ê sî, chhit lâng tiong hūjînlâng boeh chò siáⁿlâng ê bó͘? inūi lóng ū chhōa i.
29, Iâso͘ ìn i kóng, Lín chhò à, inūi lín m̄ bat sèngkeng kap Siōngchú ê koânlêng.
30, Inūi kohoa̍h ê sî, bô kòe bô chhōa; sī chhinchhiūⁿ thiⁿsài tī thiⁿténg.
31, Lūnkàu sílâng kohoa̍h, kiám bē tha̍k tio̍h Siōngchú só͘ kā lín kóng ê kóng,
32, Góa chiūsī Apekla̍hhán ê Siōngchú, Ísat ê Siōngchú, Ngákok ê Siōngchú? I m̄ sī sílâng ê Siōngchú, sī oa̍hlâng ê Siōngchú.
33, Chèng lâng thiaⁿ tio̍h, kîkoài I ê kàsī.
34, Hoatlīsàiphài ê lâng thiaⁿ tio̍h I íkeng thatba̍t Satthó͘kaiphài ê lâng ê chhùi, chiū saⁿkap chūchi̍p.
35, Kîtiong chi̍t lâng chò kàuhoatsu ê chhì I, mn̄g kóng,
36, Siansiⁿ ah, lu̍thoat tiong, símmi̍h kài chò tōa?
37, I kā i kóng, Lí tio̍h chīn sim, chīn sèng, chīn ì thiàⁿ Chú lí ê Siōngchú.
38, Chitê kài sī tōa ê, iā sī thâu chi̍t ê.
39, Tē jī ê iā saⁿ chhinchhiūⁿ, sī kóng, Lí tio̍h thiàⁿ chhùpiⁿ chhinchhiūⁿ kakī.
40, Chit nn̄g tiâu kài sī choân lu̍thoat kap sianti ê chóngkunthâu.
41, Hoatlīsàiphài ê lâng chūchi̍p ê sî Iâso͘ mn̄g in kóng,
42, Lūn Kitok lín phahsǹg cháiⁿiūⁿ? I sī siáⁿlâng ê kiáⁿsun? In kā I kóng, Sī Tāipi̍t ê.
43, I kā in kóng, Ánne, chiū Tāipi̍t hō͘ Sèng Lêng kámtōng, cháiⁿiūⁿ chheng I chò Chú ah, kóng,
44, Chú kā góa ê Chú kóng, Chē góa ê tōa pêng, Thènghāu góa chiong lí chiahê tùite̍k hē tī lí ê khaē?
45, Tāipi̍t kìjiân chheng I chò Chú, chiū Kitok cháiⁿiūⁿ chò I ê kiáⁿsun ah?
46, Bô lâng ē ìn I chi̍t kù; tùi hit ji̍t iā bô lâng káⁿ koh mn̄g I.