《巴克禮普世版聖經（試讀本）》

 | | | 轉寄

巴克禮普世版（試讀本） 約翰三書第一章

作者 巴克禮普世版小組 2016.12.26

1 Góa chò tiúⁿló, siá phoe kià hō͘ chhinài ê Kaiû, lí sī góa tī Chúlāi só͘ thiàⁿ.ê. 2 Chhinài ê hiaⁿtī, góa chiok lí bānsū hengthong sinthé ióngkiāⁿ, chhinchhiūⁿ lí ê simsîn hiahni̍h kiānchoân. 3 Ū hiaⁿtī lâi chia kā góa chèngsi̍t lí tùi chinlí tiongsi̍t. Kîsi̍t lí itti̍t ū chiàu chinlí teh sengoa̍h, góa chin hoaⁿhí. 4 Góa thiaⁿ tio̍h góa ê kiáⁿjî ū chiàu chinlí teh sengoa̍h, bô pí che kohkhah hō͘ góa hoaⁿhí ê tāichì.

Chhengchàn Kaiiû
5 Chhinài ê hiaⁿtī, lí tiongsi̍t khoánthāi hiaⁿtī á sī chímōe, sīmchí tùi chhutgōalâng mā ánne. 6 In bat tī chia ê hōechiòng bīnchêng kiànchèng lí ê thiàⁿsim. Chhiáⁿ lí chiàu SiōngChú só͘ hoaⁿhí ê pangchō͘ in kèsio̍k in ê líthêng. 7 Inūi in ūi tio̍h Kitok ê miâ chhutgōa thoân hokim, lóng bô tùi bīsìnchiá chiapsiū símmi̍h. 8 Só͘í lán engkai chiapthāi chitkhoán lâng, ánne thang kah in ūi tio̍h chinlí lâichò tângkang.

Tiute̍khui Kah Tíbítiu
9 Góa bat siá chi̍ttiuⁿ kántan ê phoe hō͘ kàuhōe, m̄ koh àibeh chò thâulâng ê Tiute̍khui bô beh chiapla̍p góa ê ōe. 10 Só͘í góa nā khì lín hia, beh thêkhí i ēng pháiⁿōe kongkek goán ê tāichì. M̄ nā ánne, i púnsin m̄ chiapthāi sìntô͘, sīmchì chó͘tòng hiahê àibeh chiapthāi ê lâng, sòa kā in kóaⁿchhut kàuhōe. 11 Chhinài ê hiaⁿtī, m̄ thang o̍h pháiⁿ, tio̍h o̍h hó. Chòhó ê lâng sio̍k SiōngChú, chòpháiⁿ ê lâng m̄ bat khòaⁿ tio̍h SiōngChú. 12 Chènglâng lóng oló Tíbítiu, chinlí púnsin mā ūi i chòchèng. Goán mā ūi i chò kiànchèng, lí chai goán ê kiànchèng sī chinsi̍t. 13 Chòeāu ê Chhéngan Góa iáuū chinchē tāichì àibeh kā lí kóng, m̄ koh bô ài ēng pit kèsio̍k siá. 14 Góa ǹgbāng bôkú ē tàng khì lí hia, lán chiah lâi tngbīn kóng. 15 Goān lí pêngan! Lí tī chia ê pêngiú lóng kā lí chhéngan. Chhiáⁿ thè góa kā múichi̍tê pêngiú chhéngan.