《巴克禮普世版聖經（試讀本）》

 | | | 轉寄

巴克禮普世版（試讀本） 啟示錄第二章

作者 巴克禮普世版小組 2017.01.16

Siá Hō͘ Íhutsó͘ Kàuhōe ê Phoe
1 " Lí tio̍h siá phoe hō͘ Íhutsó͘ kàuhōe ê sùchiá kā in kóng, chiàⁿchhiú tháⁿ chhitlia̍p chheⁿ, tī chhitki kimtengtâi tiongng teh kiâⁿ hitūi ánne kóng: 2 Góa chai lí ê só͘chò kah lí ê lôkhó͘ íki̍p thunlún, lí mā bē iôngín hiahê chòpháiⁿ ê lâng, lí mā ū khógiām hiahê kakī kóng sī sùtô͘ kîsi̍t m̄ sī ê lâng, khòaⁿchhut in sī teh kóng pe̍hchha̍t. 3 Lí ū thunlún, bat ūi tio̍h Góa ê miâ jímsiū khó͘lān lóng bô iàsiān. 4 M̄ koh ū chi̍thāng tāichì Góa tio̍h kā lí chekpī, chiūsī lí íkeng khìsak tongchho͘ tùi Góa ê thiàⁿ. 5 Só͘í lí tio̍h ē kìtit lí tùi tóūi poa̍htó, tio̍h hóekái, hôeho̍k lí khíthâu thiàⁿ ê kiâⁿta̍h. Nā bô, Góa ē khì lí hia, chiong lí ê tengtâi sóacháu. 6 M̄ koh lí iáuū chi̍thāng khóchhú ê tāichì, chiūsī lí mā kah Góa kāngkhoán oànhūn kintòe Nîkolia̍p hittīn lâng chò ê tāichì. 7 Ū hīⁿkhang ê lâng tio̍h thiaⁿ SèngSîn kā chiahê kàuhōe só͘ kóng ê ōe: "Góa beh hō͘ teksèng ê lâng chia̍h SiōngChú ê lo̍khn̂gtiong hitchâng oa̍hmiāchhiū ê kóechí."

Siá Hō͘ Sūmúiná Kàuhōe ê Phoe
8 " Lí tio̍h siáphoe hō͘ Sūmúiná kàuhōe ê sùchiá kā in kóng, khíthâuê kah kiatbóeê, tùi sílângtiong kohoa̍h ê Hitūi ánne kóng: 9 Góa chai lí ê khó͘lān kah sànchhiah, kîsi̍t lí sī hógia̍h. Góa mā chai lí ū siū chūchheng Iûthàilâng hiahê lâng húipòng. Kîsi̍t in m̄ sī Iûthàilâng, in sio̍k Sattàn ê chi̍pthoân. 10 M̄ bián kiaⁿ lí tehbeh siū ê khó͘lān. Lí khòaⁿ, Mô͘kúi beh chiong lín tiongkan kúinā lâng koaiⁿ lo̍hkaⁿ, kā lín khógiām, lín ē siū khó͘lān cha̍pji̍t kú. Lí tio̍h chīntiong kàu sí, Góa ē siúⁿsù lí oa̍hmiā ê êngkoan. 11 Ū hīⁿkhang ê lâng lóng tio̍h thiaⁿ SèngSîn kā chiahê kàuhōe só͘ kóng ê ōe: "Teksèng ê lâng ittēng bē siū tio̍h tē jī pái síbông ê chaihāi."

Siá Hō͘ Pia̍tkamô͘ Kàuhōe ê Phoe
12 " Lí tio̍h siáphoe hō͘ Pia̍tkamô͘ kàuhōe ê sùchiá kā in kóng, ū siangbīnlāi ê kiàm Hitūi ánne kóng: 13 Góa chai lí só͘ tòa ê só͘chāi chiūsī Sattàn ê chōūi hia, lí chhîsiú Góa ê miâ, sīmchì Góa tiongsi̍t ê kiànchèngjîn Anthêphàⁿ tī Mô͘kúi ê tē pôaⁿ hō͘ lâng sathāi, lí mā bē hòngkhì tùi Góa ê sìnsim. 14 M̄ koh Góa ū kúinā hāng tāichì beh kā lí chekpī, inūi tī lí hia ūlâng chhîsiú Palân ê kàsī. Chitê Palân bat kàsī Pale̍k khì bêhe̍k Íseklia̍t ê kiáⁿsun, hō͘ in chia̍h chè ngó͘siōng ê mi̍h, koh kiâⁿ kanîm. 15 Chhinchhiūⁿ ánne, lí hia mā ūlâng chhîsiú Nîkoliap8e5 kàsī. 16 Só͘í tio̍h hóekái, nā bô Góa liâmpiⁿ ē kàu lí hia, ēng Góa chhùilāi ê kiàm kah in kauchiàn. 17 "Ū hīⁿkhang ê lâng lóng tio̍h thiaⁿ SèngSîn kā chiahê kàuhōe só͘ kóng ê ōe: Teksèng ê lâng, Góa beh chiong póchûn khílâi ê máná hō͘ i. Góa mā beh hō͘ i chi̍ttè pe̍hchio̍h, chio̍h ê téngbīn khek sin ê miâ. Niásiū ê lâng ígōa bôlâng bat chitê miâ."

Siá Hō͘ Chhuingáchhuilat Kàuhōe ê Phoe
18 " Lí tio̍h siáphoe hō͘ Chhuingáchhuilat kàuhōe ê sùchiá kā in kóng, SiōngChú ê Kiáⁿ, chiūsī ba̍kchiu chhinchhiūⁿ hóeiām, kha chhinchhiūⁿ kimsiaksiak ê tâng Hitūi ánne kóng: 19 Góa chai lí ê kiâⁿta̍h, lí ê thiàⁿ, sìnsim, ho̍ksāi kah thunlún. Góa mā chai lí chòekīn teh chò ê tāichì pí khíthâu ê khah chē. 20 M̄ koh ū chi̍thāng tāichì góa tio̍h kā lí chekpī, chiūsī lí iôngín hitê chūchheng chò sianti ê chabó͘lâng Iâsépiat. I kàsī koh bêhe̍k Góa hiahê lô͘po̍k khì kiâⁿ kanîm koh chia̍h chè ngó͘siōng ê mi̍h. 21 Góa hō͘ i ū kihōe thang hóekái, m̄ koh i bô beh hóekái, kèsio̍k i ê îmloān. 22 Góa beh hō͘ i phòapēⁿ tó tī bînchhn̂g. Hiahê kah i kiâⁿ kanîm ê lâng nā bô hóekái thêngchí kah i ê îmloān, Góa mā beh hō͘ in siū tōa chailān. 23 Góa beh ēng síbông lâi siaubia̍t hiahê kintòe Iâsépiat ê lâng, ánne chiahê kàuhōe lóng ē chai Góa ūteh kàmchhat lâng ê simtn̂g, mā beh chiàu lín ta̍klâng ê só͘ kiâⁿ kā lín pòèng. 24 "M̄ koh lín tī Chhuingáchhuilat kîtha bô sêngsiū chitchióng kàsī, mā m̄ bat in só͘ kóng koanhē Sattàn ê òpì ê lâng, Góa kā lín kóng, Góa bē kethiⁿ pa̍tkhoán tāngtàⁿ hō͘ lín. 25 M̄ koh lín tio̍h chhîsiú lín só͘ ū ê, ti̍tkàu Góa chàilîm. 26 Teksèng koh kèsio̍k chunsiú Góa ê bēnglēng ti̍tkàu lō͘bóe ê lâng, Góa beh hō͘ i ū koânpèng thang tīlí bānkok. 27 I beh ēng thihkoái kā in koánhat, chhinchhiūⁿ kā hûikhì kòngchhùi. Góa mā ū ánne tùi Góa ê ThiⁿPē niásiū koânpèng. 28 Góa mā beh ēng khébêngchheⁿ hō͘ teksèng ê lâng. 29 "Ū hīⁿkhang ê lâng lóng tio̍h thiaⁿ SèngSîn kā chiahê kàuhōe só͘ kóng ê ōe."