《巴克禮普世版聖經（試讀本）》

 | | | 轉寄

巴克禮普世版（試讀本） 啟示錄第四章

作者 巴克禮普世版小組 2017.01.30

Thiⁿténg ê Kèngpài
1 Jiânāu góa koh khòaⁿ tio̍h thiⁿténg ū chi̍tê mn̂g phahkhui, hitê chêng bat chhinchhiūⁿ lapa hiángsiaⁿ tùi góa kóngōe ê siaⁿ koh tùi góa kóng, "Khílâi chia, Góa beh pò lí khòaⁿ chionglâi ittēng ē hoatseng ê tāichì." 2 Góa sûisî siū SèngSîn kámtōng, hutjiân khòaⁿ tio̍h thiⁿténg ū chi̍tê póchō, Chi̍tūi chē tī póchō téngbīn. 3 Hitūi ê bīn chhinchhiūⁿ phekgio̍k kah ângpóchio̍h teh hoatkng. Póchō chiuûi ū chi̍tê khēng, khòaⁿ khílâi ná chhinchhiūⁿ le̍kpóchio̍h. 4 Chōūi ê chiuûi ū jīcha̍psìê chōūi, téngbīn chē jīcha̍psìê tiúⁿló, chhēng pe̍hsaⁿ, thâukhak tì kimsek ê biánliû. 5 Tùi póchō hoatchhut sihnà kah tânlûi ê siaⁿ. Póchō chêng ū chhitki tenghóe teh to̍h, chiūsī SiōngChú ê chhitūi sînlêng. 6 Póchō chêng ū chhinchhiūⁿ chúichiⁿ hiah chheng ê polêhái. Póchō sìchiuûi ū sìê oa̍hmi̍h, chêngāu lóng ū ba̍kchiu. 7 Thâu chi̍tê oa̍hmi̍h chhinchhiūⁿ sai, tē jīê oa̍hmi̍h chhinchhiūⁿ gû'ákiáⁿ, tē saⁿê oa̍hmi̍h ê bīn chhinchhiūⁿ lâng, tē sìê oa̍hmi̍h chhinchhiūⁿ teh poe ê eng. 8 Hit sìê oa̍hmi̍h ta̍kê lóng ū la̍kki si̍t, chiuûi kah lāibīn ba̍kchiu móamóasī. In mêji̍t lóng bô hiohkhùn teh chhiùⁿ, " Sèngchài! Sèngchài! Sèngchài! Chú Choânlêng ê SiōngChú, Kòekhì chûnchāi, hiānchāi chûnchāi, chionglâi mā éngoán chûnchāi." 9 Ta̍kpái oa̍hmi̍h chiong êngkng, chunkùi kah kámsiā kui hō͘ chē tī póchō éngoán oa̍hteh Hitūi ê sî, 10 jīcha̍psì ê tiúⁿló chiū phak lo̍hkhì chē tī póchō Hitūi ê bīnchêng, kèngpài oa̍h kàu tāitāi bôchīn ê Hitūi, koh chiong in ê biánliû hiat tī póchō chêng, kóng, 11 Goán ê Chú, goán ê SiōngChú, Lí engkai tit tio̍h êngkng, chunkùi kah koânlêng, inūi Lí bat chhòngchō bānbu̍t. Bānbu̍t ê siū chhòngchō kah chûnchāi lóng sī Lí ê chíì.