《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第25章

作者 巴克禮普世版小組 2011.09.18

1, Hit sî Thiankok boeh píphēng cha̍p ê chāiseklú, kia̍h in ê teng, chhutkhì gêngchiap sinkiáⁿsài.
2, Kîtiong gō͘ê gōng ê, gō͘ ê tìsek ê.
3, Gōng ê kia̍h in ê teng, bô lēnggōa tòa iû.
4, Chíū tìsek ê kia̍h in ê teng lēnggōa tòa iû tī in ê khìkū lāi.
5, Sinkiáⁿsài iânchhiân, chiū lóng tuhkachē teh khùn.
6, Pòaⁿ mî, ū tōa siaⁿ kiò kóng, Sinkiáⁿsài lâi à; lín chhutlâi chiap i.
7, Hit sî chiahê chāiseklú lóng khílâi, siuchéng in ê teng.
8, Gōng ê kā tìsek ê kóng, chhiáⁿ chiong lín ê iû pun goán, inūi goán ê teng boeh hoa à.
9, Tìsek ê ìn kóng, Kiaⁿliáu lín goán lóng bô kàu; khah hó khì tùi bē ê lâng kakī bóe.
10, Khì bóe ê sî, sinkiáⁿsài kàu, hiahê piānê kap i ji̍p hunin ê iântoh; mn̂g chiū koaiⁿ.
11, Jiânāu kîû ê chāiseklú iā lâi, kóng, Chú ah, Chú ah, kā goán khui.
12, Tānsī i ìn kóng, Góa si̍tchāi kā lín kóng, Góa m̄ bat lín.
13, Só͘í tio̍h tiuⁿtî, inūi lín m̄ chai hit ê ji̍t, hit ê sî.
14, Inūi chhinchhiūⁿ chi̍t lâng boeh khì gōakok; chiū tiàu i kakī ê lô͘po̍k chiong só͘ ū ê kautāi in.
15, Chi̍tê hō͘ i gûn gō͘ chheng, chi̍tê hō͘ i nn̄g chheng, chi̍tê hō͘ i chi̍t chheng; kok chiàu in ê châitiāu; chiū khì gōakok.
16, Niá gō͘ chheng ê, sûisî khì chò senglí, koh thàn gō͘ chheng.
17, Niá nn̄g chheng ê iā sī ánne, koh thàn nn̄g chheng.
18, Chíū hitê niá chi̍t chheng ê khì, chiū ku̍t tē, lâi khǹgba̍t i ê chúlâng ê gûn.
19, Koe3ku2kú chiahê lô͘po̍k ê chúlâng kàu, kap in sǹgsiàu.
20, Niá gō͘ chheng ê lâi, koh tòa gō͘ chheng, kóng, Chú ah, lí kautāi góa gō͘ chheng; lí khòaⁿ, góa ū koh thàn gō͘ chheng.
21, I ê chúlâng kā i kóng, Hó ah, hó koh chīntiong ê lô͘po̍k, lí tī chióê íkeng chīntiong, góa boeh siatli̍p lí lâi koán chōeê; thang ji̍p lí ê chúlâng ê khoàilo̍k.
22, Niá nn̄g chheng ê iā lâi, kóng, Chú ah, lí kautāi góa nn̄g chheng; lí khòaⁿ, góa ū koh thàn nn̄g chheng.
23, I ê chúlâng kā i kóng, Hó ah, hó koh chīntiong ê lô͘po̍k, lí tī chióê íkeng chīntiong, góa boeh siatli̍p lí lâi koán chōeê; thang ji̍p lí ê chúlâng ê khoàilo̍k.
24, Niá chi̍t chheng ê iā lâi, kóng, Chú ah, góa chai lí sī giâmha̍t ê lâng; bē iā ê só͘chāi, chiū boeh siukoah; bē hunsòaⁿ ê só͘chāi, chiū boeh khioh chò tui.
25, Só͘í góa kiaⁿ, chiū chiong lí chi̍t chheng gûn khì tâi tī tē ni̍h; taⁿ lí ê goânmi̍h hêng lí.
26, I ê chúlâng chiū ìn i kóng, Pháiⁿ koh pîntōaⁿ ê lô͘po̍k ah, lí kìjiân chai góa bē iā ê só͘chāi, chiū boeh siukoah, bē hunsòaⁿ ê só͘chāi, chiū boeh khioh chò tui.
27, Chiū tio̍h chiong góa ê gûn hē tī chîⁿtiàm; góa lâi ê sî thang tit tio̍h góa ê púngûn kap līsek.
28, Só͘í tio̍h tùi i the̍h hit chi̍t chheng, lâi hō͘ hit ê ū cha̍p chheng(=chi̍t bān) ê.
29, Inūi kìⁿnā ū ê, boeh hō͘ i, hō͘ i ū chhun; bô ê, liân i só͘ ū ê, iā boeh the̍h i.
30, Ia̍h hit ê bô līek ê lô͘po̍k, kóaⁿ i tī gōabīn o͘àm ê só͘chāi; tī hia boeh ū thîkhàu, kāgê chhiatkhí.
31, Tng Jînchú tī I ê êngkng, kap lóngchóng ê thiⁿsài lâi ê sî, I boeh chē I êngkng ê chōūi,
32, chūchi̍p bān pang tī I ê bīnchêng; I chiū boeh hunpiat in, chhinchhiūⁿ bo̍kchiá hunpiat mîiûⁿ līkhui soaⁿiûⁿ.
33, Chiong mîiûⁿ hē tī I ê chiàⁿpêng, soaⁿiûⁿ hē tī I ê tòpêng.
34, Hit sî Ông boeh kā chiàⁿpêng ê kóng, Lín tùi góa ê Pē tit tio̍h untián ê, chìnchêng lâi sêngchiap kok, chiūsī tùi chhòngchō sèkan ílâi kā lín chúnpī ê.
35, Inūi góa iau, lín bat hō͘ góa chia̍h; góa chhùita, lín hō͘ góa lim; góa chhutgōa, lín hō͘ góa tòa; góa thǹgpaktheh, lín hō͘ góa chhēng;
36, góa phòapēⁿ, lín khòaⁿkò͘ góa; góa tī kaⁿni̍h, lín lâi chhōe góa.
37, Hit sî gī lâng boeh ìn I kóng, Chú ah, goán símmi̍h sî khòaⁿ tio̍h lí iau, lâi hō͘ lí chia̍h? chhùita, lâi hō͘ lí lim?
38, Símmi̍h sî khòaⁿ tio̍h lí chhutgōa, lâi hō͘ lí tòa? thǹgpaktheh, lâi hō͘ lí chhēng?
39, Símmi̍h sî khòaⁿ tio̍h lí phòapēⁿ, á sī tī kaⁿni̍h, lâi chhōe lí?
40, Ông boeh ìn i kóng, Góa si̍tchāi kā lín kóng, Lín kìjiân kiâⁿ i tī góa ê hiaⁿtī siōngsè ê ê chi̍tê, chiūsī kiâⁿ i tī góa.
41, Koh boeh kā tòpêng ê kóng, Lín siū chiùchó͘ ê, tio̍h līkhui góa, ji̍p éngoán ê hóe, chiūsī ūi tio̍h Mô͘kúi kap i chiahê sùchiá só͘ chúnpī ê.
42, Inūi góa iau, lín m̄ bat hō͘ góa chia̍h; góa chhùita, lín m̄ bat hō͘ góa lim; góa chhutgōa, lín m̄ bat hō͘ góa tòa;
43, góa thǹgpaktheh, lín m̄ bat hō͘ góa chhēng; góa phòapēⁿ kap tī kaⁿni̍h, lín m̄ bat khòaⁿkò͘ góa.
44, In iā boeh ìn kóng, Chú ah, goán símmi̍h sî khòaⁿ tio̍h lí iau, á sī chhùita, á sī chhutgōa, á sī thǹgpaktheh, á sī phòapēⁿ, á sī tī kaⁿni̍h, lâi bô ho̍ksāi lí ah?
45, I chiū boeh ìn i kóng, Góa si̍tchāi kā lín kóng, Lín kìjiân bô kiâⁿ i tī chiahê siōngsè ê ê chi̍t ê, chiūsī bô kiâⁿ i tī góa.
46, Chiahê lâng boeh khì ji̍p éngoán ê hênghoa̍t; tānsī gī ê lâng ji̍p éngoán oa̍h.