巴克禮普世版 漢羅+Ruby（修訂1）
馬 太福 音 第二章
1 當希律做 王ê時，耶穌tī猶 太 省ê伯 利 恆 城出 世，有kúinā ê星 象 家tùi東 方來到耶路 撒 冷，2講，出 世boeh做猶 太 人ê王ê紅嬰á tī tó位？因為阮tī東 方有看tio̍h祂ê星出 現，所以阮boeh來拜祂。3 Hilu̍t王聽tio̍h就心 神 安，全Iâlō͘satléng也是ánne。4就聚 集所有ê祭 司 頭，kap民 間ê經 學教 師，問in基督應 該tī甚 麼所 在出 世。5 In講，Tī猶 太ê Peklīhêng城；因為先 知 ê冊有ánne記 載，6 Iûthài地ê Peklīhêng城ah，Tī Iûthài chiahê領袖中，你m̄是siōng細ê；因為有一個人 君boehtùi你hia出 來，祂boeh牧 養我ê子 民以色 列。7 Hilu̍t就偷 偷á召hit幾個星 象 家來，詳 細問in hit粒星甚 麼時出 現。8就差in去Peklīhêng城講，lín去詳 細探 聽hitê嬰á ê事；chhōe tio̍h就來kā我講，hō͘我也thang去拜祂。9 In聽王ê話就去；忽 然東 方所看tio̍h ê 星做頭chhōa in，來到嬰á ê所 在，就停tī hit頂 面。10 In看tio̍h hit粒星，非 常歡 喜。11 In入去厝 內，看tio̍h嬰á kap祂ê老 母馬利亞；就跪落 去拜嬰á；開in ê寶盒， 黃 金，乳香，沒 藥做禮物獻hō͘祂。12上 主koh tī in ê眠 夢 中指示in m̄ thang倒tńg去Hilu̍t hia，就tùi別條路tńg去in本 國。13 In tńg去了 後，主ê天 使來tī約 瑟ê眠夢中講，起 來，chhōa嬰á kap祂ê老 母逃 走去 埃及，tòa hia到我koh kā你通 知；因為Hilu̍t boeh chhōe嬰á來kā伊thâi死。14約 瑟就起 來，透 暝chhōa嬰á kap祂ê老 母去Aiki̍p。；tī hia tòa到Hilu̍t死去；15這是boeh應 驗主交代先知所講ê話，講，我有召我ê kiáⁿ出Aiki̍p。16 Hilu̍t一 下知 影hō͘星 象 家騙去，就大受 氣，下 令 Peklīhêng城kap周 所有ê chapo͘ gín'á，照伊tùi星 象 家詳 細查 問ê時算起，二 歲以下ê lóng thâi死。17這就 是上主早 前交代先知耶利米所講ê話，18 Tī La̍hmá聽tio̍h聲，啼 哭koh大悲 傷，La̍hkiat為伊ê kiáⁿ兒teh哭；m̄肯受安慰，因為in lóng死去à。19 Hilu̍t死了 後，主ê天 使tī Aiki̍p，tī Ioksek ê眠夢中中出現講，20起 來，chhōa嬰á kap祂ê老 母去Íseklia̍t；因為hiahê boeh殺 害嬰á ê人已 經死à。21伊就起 來，chhōa嬰á kap祂ê老 母tńg去Íseklia̍t地。22 Ioksek一 下聽Hilu̍t tio̍h Akiló續 接伊ê老 父Hilu̍t tī Iûthài做 王，就m̄敢tńg去hia；伊koh tī眠 夢 中得tio̍h指示，就閃 避去到加利利 省ê境 內。23去到一個叫 做拿 撒 勒ê城，tiàm hia khiā起；是boeh應 驗早 前上主交代chiahê先 知所講ê話，祂boeh叫 做Násatle̍k人。
|
|
|
轉寄