《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第三章

作者 巴克禮普世版小組 2012.12.23

1 Iâso͘ koh ji̍pkhì hōetn̂g; tī hia ū chi̍tê khôechhiú ê lâng.

2 Ū chi̍tkóa lâng tán teh khòaⁿ Iâso͘ tī Anhiohji̍t ū beh itī chitê lâng á bô, ìsù ài beh kā I kò.

3 Iâso͘ chiū kā khôechhiú ê kóng, " Lâi khiā tòa tiongng.

4 Jiânāu mn̄g kûnchiòng kóng, " Anhiohji̍t chò hó tāichì á sī chò pháiⁿ tāichì; kiù lâng ê sèⁿmiā, á sī hāi lâng ê sèⁿmiā, tó chi̍t hāng khah ha̍phoat?" In lóng chēngchēng bô ìn pòaⁿkù.

5 Iâso͘ siūkhì, chi̍tê chi̍tê kā in khòaⁿ, ūi tio̍h in ê sim ngē iubūn. Chiū tùi hitê lâng kóng, " Kā lí ê chhiú chhun chhutlâi." Hit lâng chi̍tē chhun chhutkhì, chhiú chiū ho̍kgoân.

6 Hoatlīsàiphài ê lâng chiū ùi hōetn̂g chhutkhì, sûisî kah Hilu̍ttóng ê lâng chòhóe kèbô͘, khòaⁿ thang ánchóaⁿ lâi hāisí Iâso͘.


7 Iâso͘ kah bûntô͘ thèkhì Kalīlīô͘ piⁿ, ū chi̍t tōatīn ê Kalīlīlâng tòe I khì.

8 Mā ū chi̍t tōatīn lâng thiaⁿ tio̍h Iâso͘ só͘ chò ê tāichì, chiū tùi Iûthài, Iâlō͘satléng, Íthó͘mái, Ioktànhô gōa, kah Chhuilô Setùn kénglāi lâi chhōe I.

9 Inūi lâng eetīntīn chinchē, Iâso͘ chiū hoanhù bûntô͘ tio̍h chúnpī chi̍t chiah chûn'á lâi hō͘ I chē, chiah biántit hō͘ lâng kā I kheh píⁿ khì.

10 Inūi Iâso͘ ū ihó chinchē pēⁿlâng, só͘í ū pēⁿ ê lâng lóng pek óalâi ài beh kā I bong.

11 Liân hiahê siâsîn chi̍tē khòaⁿ tio̍h Iâso͘ chiū phak tī I ê bīnchêng, tōasiaⁿ hoah kóng, " Lí sī SiōngChú ê Kiáⁿ."

12 Iâso͘ chia̍pchia̍p kéngkài in: m̄ thang kongkhai kóngkhí I ê tāichì.


13 Iâso͘ chiūⁿ soaⁿ, tiàuchi̍p I só͘ kahì ê lâng. In chiū lâikàu I hia.

14 I chiū siatli̍p cha̍pjī lâng chò I ê sùtô͘, thang kah I siôngsiông chòhóe, mā thang chhe in khì soaniông tōlí,

15 koh hō͘ in ū kóaⁿ kúi ê koânpèng.

16 Cha̍pjī sùtô͘ chiūsī: Sebûn, Iâso͘ kā i hōchò Pítek.

17 Koh ū Sepíthài ê kiáⁿ Ngákok kah i ê hiaⁿtī Iokhān. Iâso͘ kā chit nn̄g lâng hōchò Poànnîkî, ìsù chiūsī " Lûikong ê kiáⁿ",

18 koh ū Anteklia̍t, Huile̍k, Patolômái, Máthài, Tomá, Ale̍khui ê kiáⁿ Ngákok, Ta̍tthài, kah Kekchìntóngoân ê Sebûn,

19 kah hit ūi chhutbē Iâso͘ ê Kalio̍klâng Iûtāi.


20 Iâso͘ tńgkhì chhùni̍h. Chènglâng koh chūchi̍p óalâi, Iâso͘ kah bûntô͘ soah bē kò͘tit chia̍hpn̄g.

21 I ê chhinlâng thiaⁿ tio̍h chiū chhutlâi beh kā I apchè. Inūi ūlâng kóng I ê chengsîn sitsiông.

22 Tùi Iâlō͘satléng lo̍hlâi ê kengha̍k kàusu kóng, " I sī hō͘ kúiông Pia̍tsepok hūsin." koh kóng, " I sī óakhò hitê kúiông lâi kóaⁿ kúi."

23 Iâso͘ kiò in lâi, chiū ēng phìjū kā in kóng, " Sattàn náē kóaⁿ Sattàn?"

24 Kokka nā huncheng lāiloān, hitê kokka ittēng ē bia̍tbông.

25 Katêng nā kakī khí huncheng, hitê katêng mā ittēng khiā bē tiâu.

26 Sattàn nā kakī hō͘siōng kongkek, i mā sī khiā bē tiâu, ittēng ē bia̍tbông.

27 " Bôlâng ē tàng ji̍pkhì ióngsū ê chhù lâi chhiúⁿ i ê châibu̍t. Tio̍h tāiseng kā hitê ióngsū pa̍k khílâi, jiânāu chiah ē tàng kiap i chhùlāi ê châibu̍t.

28 " Góa si̍tchāi kā lín kóng, " Sèkanlâng bôlūn hoān símmi̍h chōe, kóng símmi̍h húipòng ê ōe, lóng ē tit tio̍h siàbián.

29 M̄ koh bôlūn siáⁿlâng húipòng SèngSîn, choa̍ttùi bē tàng tit tio̍h siàbián, inūi i sī hoān tio̍h éngoán bē tàng siàbián ê chōe."

30 Iâso͘ kóng chiahê ōe sī inūi ūlâng kóng, "I hō͘ siâsîn hūsin."


31 Iâso͘ ê lāubú kah I ê hiaⁿtī lâi khiā tī gōabīn, chhe lâng khì kiò I.

32 Kûnchiòng chē tī Iâso͘ ê sìchiuûi. ūlâng kā I kóng, " Lí khòaⁿ, lí ê lāubú kah lí ê hiaⁿtī tī gōabīn beh chhōe lí."

33 Iâso͘ ìn kóng, " Siáⁿlâng sī góa ê lāubú, góa ê hiaⁿtī?"

34 Jiânāu I chiū kā hiahê chē tī sìchiuûi ê lâng khòaⁿ chi̍t liàn, kóng, " Lín chiahê chiūsī góa ê lāubú kah góa ê hiaⁿtī.

35 Chunhêng SiōngChú chíì ê lâng chiūsī góa ê hiaⁿtī, chímōe kah lāubú."