《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第六章

作者 巴克禮普世版小組 2013.01.13

Iâso͘ Tī Násatle̍k Hông Kīchoa̍t (Mt 13:5358; Lk 4:1630) 1 Iâso͘ līkhui hia, tńgkhì I ê kò͘hiong, bûntô͘ tòe I khì.

2 Kàu Anhiohji̍t chiū tī hōetn̂g kàsī lâng. Chinchē lâng thiaⁿ tio̍h chiū kîkoài kóng, " Chitê lâng ê púnsū tùi tóūi lâi? Siáⁿlâng siúⁿsù hō͘ I chit khoán ê tìhūi? I ánchóaⁿ ū koânlêng kiâⁿ sînjiah?

3 I kám m̄ sī ba̍kkang saihū ê kiáⁿ? Kám m̄ sī Málīa ê kiáⁿ? Ngákok, Iokse, Iûtāi kah Sebûn ê hiaⁿtī? I ê chímōe kám m̄ sī kah lán tī chia? " In soah tùi Iâso͘ khí hoánkám.

4 Iâso͘ chiū kā in kóng, " Sianti tī kakī ê kò͘hiong, kakī ê chongcho̍k, kakī ê katêng ígōa, khì kàu tóūi lóng ē siū lâng chuntiōng."

5 I tī kò͘hiong bē tàng kiâⁿ símmi̍h sînjiah, chí putkò ēng chhiú hōaⁿ kúiê'á pēⁿlâng lâi kā in ihó.

6 Iâso͘ tùi in ê m̄ sìn kámkak kîkoài. Iâso͘ Chhephài Cha̍pjī Sùtô͘ (Mt 10:515; Lk 9:16)
Chiū khì sìchiuûi ê chngsiā kiâⁿ thàuthàu, lâi kàsī lâng.

7 Iâso͘ tiàuchi̍p cha̍pjī sùtô͘ lâi, chiū chhe in chi̍t tùi chi̍t tùi chhutkhì, siúⁿsù in ū koânlêng lâi chèap hiahê siâsîn.

8 Koh hoanhù in m̄ thang tòa lō͘hùi, chíū chi̍t ki koái'á, m̄ thang tòa kanniû, m̄ thang tòa hênglítē, m̄ thang khǹg chîⁿ tī iotòa,

9 tio̍h chhēng liângê, mā m̄ thang ke tòa lāisaⁿ.

10 Iâso͘ koh kā in kóng, " Lín bôlūn khìkàu símmi̍h só͘chāi, tio̍h tòa tī hoangêng lín ê lâng ê chhù, ti̍tkàu līkhui hitê só͘chāi.

11 Bô lūn símmi̍h só͘chāi, lâng nā m̄ chiapla̍p lín, m̄ thiaⁿ lín ê kàsī, līkhui hia ê sî, tio̍h chiong khani̍h ê thô͘hún pōaⁿ chhengkhì, lâi tùi in kéngkò."

12 Bûntô͘ chiū chhutkhì thoântō, kóng lâng tio̍h hóekái. 13 In mā kóaⁿchhut chinchē kúi, ēng iû boah chinchē pēⁿlâng, kā in ihó.
Kiâⁿ sélé Iokhān ê Síbông (Mt 4:112; Lk 9:79)
14Hilu̍t ông ū thiaⁿ tio̍h Iâso͘ ê tāichì, inūi I ê miâsiaⁿ íkeng thoân kàu ta̍k só͘chāi. Ūlâng kóng, " I sī kiâⁿ sélé Iokhān tùi sílâng tiong kohoa̍h, só͘í ū koânlêng kiâⁿ chiahê sînjiah."

15 M̄ koh mā ū pa̍tlâng kóng, " I sī Ílīa." Koh ūlâng kóng, " I sī sianti, chhinchhiūⁿ kó͘chá ê chi̍tê sianti."

16 Hilu̍t thiaⁿ tio̍h chiū kóng, " I sī góa kā i chāmthâu ê Iokhān. I íkeng kohoa̍h khílâi."

17 Hilu̍t ū phài lâng khì lia̍h Iokhān lâi koaiⁿkaⁿ. Goânin sī Hilu̍t chhimchiàm siótī Huile̍k ê bó͘ Hilôtí.

18 Iokhān tiāⁿtiāⁿ tùi Hilu̍t kóng, " Lí bô engkai chiàm hiaⁿtī ê bó͘."

19 Hilôtí chiū oànhūn Iokhān, àibeh kā i thâi, m̄ koh bô hoattō͘ si̍thiān.

20 Inūi Hilu̍t chai Iokhān ê chòlâng konggī koh sèngkiat, só͘í kiaⁿ i, mā ū teh kā i póhō͘. Hilu̍t múipái thiaⁿ tio̍h Iokhān ê ōe, sim chiū chhauhoân putan, m̄ koh iáu sī hoaⁿhí ài thiaⁿ.

21 Tn̄g tio̍h hó kihōe ê ji̍t, chiūsī Hilu̍t chò seⁿji̍t pāntoh, chhiáⁿ hiahê bûnbú pahkoaⁿ kah Kalīlīséng bînkan ê thâulâng.

22 Hilôtí ê chabó͘kiáⁿ ji̍plâi thiàubú, hō͘ Hilu̍t kah tângtoh ê lâipin lóng hoaⁿhí. Hilu̍t ông kā chabó͘gín'á kóng, " Khòaⁿ lí ài símmi̍h chò lí kiû, góa lóng beh hō͘ lí."

23 Hilu̍t koh tùi i chiùchōa kóng, " Bôlūn lí kā góa thó símmi̍h, liân góa kok ê chi̍t pòaⁿ, góa mā beh hō͘ lí."

24 Chabó͘gín'á chhutkhì mn̄g i ê lāubú kóng, " Góa tio̍h kiû símmi̍h?" Lāubú ìn kóng, " Kiâⁿ sélé Iokhān ê thâukhak."

25 Chabó͘gín'á chiū kóaⁿkín tńglâi tùi ông iaukiû kóng, " Góa ài lí sûisî kā kiâⁿsélé Iokhān ê thâukhak, té tī pôaⁿni̍h hō͘ góa."

26 Ông ê sim chiū tōa iubūn, m̄ koh i bē tàng kā i kīchoa̍t, inūi i ū tī chènglâng bīnchêng chiùchōa.

27 Ông sûisî chhephài chi̍tê sīōepeng, khì kaⁿni̍h the̍h Iokhān ê thâukhak lâi.Sīōepeng chiū khì kaⁿni̍h, chām Iokhān ê thâu,

28 kā thâukhak té tī pôaⁿni̍h, phâng lâi hō͘ chabó͘gín'á. Chabó͘gín'á chiū the̍h khì hō͘ in lāubú.

29 Iokhān ê bûntô͘ thiaⁿ tio̍h, chiū lâi siu i ê sinsi, kā i bâichòng tī bōngni̍h.

Iâso͘ Hō͘ Gō͘chheng Lâng Chia̍h Pá (Mt 14:1321; Lk 9:1017; Ih 6:115)

30Sùtô͘ lóng tńglâi chūchi̍p tī Iâso͘ ê bīnchêng, chiong in só͘ chò kah só͘ kàsī ê lóng kā I pòkò.

31 Inūi hit sî ónglâi ê lâng chinchē, liân chia̍hpn̄g ê sîkan to bô. Iâso͘ kā in kóng, " Ánne Lín mā tio̍h kah góa lâi khì phianphiah khah bôlâng ê só͘chāi, sió hiohkhùn chi̍tē."

32 In chiū siámkhui kûnchiòng, chē chûn khì phianphiah ê só͘chāi kakī tòa.

33 Chinchē lâng khòaⁿ tio̍h in līkhui, jīnchhut sī in, chiū tùi ta̍kê siâⁿchhī kiâⁿ lio̍klō͘ cháu chìnchêng, pí in tāiseng kàu hit só͘chāi.

34 Iâso͘ chi̍tē chiūⁿhōaⁿ to̍h khòaⁿ tio̍h kui tōatīn ê lâng, chiū liânbín in, inūi in chhinchhiūⁿ iûⁿ bô bo̍kchiá. I chiū kàsī in chinchē hāng tāichì.

35 Ji̍t beh lo̍hsoaⁿ ê sî, bûntô͘ lâi kā Iâso͘ kóng, " Chia chin phianphiah, sîkan mā chin òaⁿ à,

36 chhiáⁿ kā kûnchiòng káisàn, hō͘ in thang khì hūkīn ê chngsiā, kakī bé mi̍hkiāⁿ chia̍h."

37 Iâso͘ ìn kóng, " Lín hō͘ in chia̍h." Bûntô͘ ìn kóng, " Chóng bô goán tio̍h ēng nn̄gpah ê gîn'á khì bé piáⁿ lâi hō͘ in chia̍h?"

38 Iâso͘ mn̄g in kóng, "Lín ū jōachē piáⁿ, khì khòaⁿmāi lè." In khòaⁿ liáu chiū kóng, " Ū gō͘ tè piáⁿ, mā ū nn̄g bóe hî."

39 Iâso͘ chiū hoanhù bûntô͘ kā kûnchiòng huncho͘, chē tòa chhiⁿchhùi ê chháupo͘.

40 Kûnchiòng chiū huncho͘ lâi chē, ūê chi̍tpah lâng, ūê gō͘cha̍p lâng.

41 Iâso͘ the̍hkhí hit gō͘tè piáⁿ kah nn̄gbóe hî, ǹg thiⁿ kámsiā liáuāu, kā piáⁿ pehkhui hō͘ bûntô͘ khì pun hō͘ kûnchiòng. Mā kā hit nn̄gbóe hî pun hō͘ kûnchiòng.

42 Tāike lóng chia̍h kah chin pá.

43 Āulâi bûntô͘ khioh hiahê chia̍h chhun ê piáⁿchhùi kah hîsut'á, móa cha̍pjī nâ.

44 Chia̍h piáⁿ ê chapo͘lâng chiū ū gō͘chheng. Iâso͘ Tī Ô͘ ê Chúibīn Kiâⁿ (Mt 14:22~33;Ih 6:16~21)

45Iâso͘ sûisî kiò bûntô͘ kín chiūⁿchûn, tāiseng kòekhì hitpêng hōaⁿ, kàu Peksàitāi. I kakī lâu teh lâi káisàn kûnchiòng.

46 Kûnchiòng līkhui liáuāu, Iâso͘ chiū khì soaⁿni̍h kîtó.

47 Thiⁿ íkeng àm à, chûn kiâⁿ kàu ô͘tiong, kantaⁿ Iâso͘ kakī tī hōaⁿténg.

48 Iâso͘ khòaⁿ tio̍h bûntô͘ chìⁿhong kòchiúⁿ chin kankhó͘. Mêsî chhaputto sì keⁿ, Iâso͘ tùi ô͘ ê chúibīn kiâⁿ lâi in hia, ài beh tùi in ê piⁿ'á kòekhì.
49 Bûntô͘ khòaⁿ tio̍h I kiâⁿ tī chúibīn, lia̍h chò sī kúi, chiū tōasiaⁿ hoah.

50 Inūi tāike lóng ū khòaⁿ tio̍h I, chiū tio̍hkiaⁿ. Iâso͘ sûisî kā in kóng, " An lín ê sim, sī góa, m̄ bián kiaⁿ."

51 Iâso͘ chiū chiūⁿ chûn khì kah in chòhóe. hong chiū tiāmkhì. Bûntô͘ putchí tio̍hkiaⁿ koh kîkoài,
52 inūi in iáubōe liáukái hit gō͘tè piáⁿ ê sînjiah, in ê sim chin tūn. Iâso͘ Tī Keknîsatle̍k Ihó Pēⁿlâng (Mt 14:34~36)
53Iâso͘ kah bûntô͘ kòe ô͘ liáuāu, lâikàu Keknîsatle̍k chiūⁿhōaⁿ, kā chûn pha tòa hōaⁿpiⁿ.

54 Chi̍tē lo̍h chûn, chènglâng sûisî jīnchhut Iâso͘.
55 Chènglâng tī hit tē hng kiâⁿ thàuthàu, thiaⁿ tio̍h Iâso͘ tī símmi̍h só͘chāi, chiū ēng chhn̂gpho͘ kng pēⁿlâng khì hia.

56 Iâso͘ bôlūn ji̍pkhì símmi̍h chngsiā, siâⁿchhī, hiongchhoan, lâng chiū kā pēⁿlâng khǹg tòa kelō͘, kiû Iâso͘ chìchió hō͘ in bong I ê saⁿ'áki ê chhiu. Só͘ū bong tio̍h ê lâng lóng tit tio̍h ihó.