《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第八章

作者 巴克禮普世版小組 2013.01.27

Iâso͘ Hō͘ Sìchheng Lâng Chia̍h Pá(Mt 15:3239)

1 Kòe bô kúi ji̍t, kûnchiòng koh tōa chūchi̍p, bô siáⁿmi̍h thang chia̍h, Iâso͘ kiò bûntô͘ lâi kā in kóng,

2 " Góa khóliân chit tīn kûnchiòng, in íkeng kah góa chòhóe saⁿ ji̍t, chitmá bô mi̍h thang chia̍h.

3 Góa nā hō͘ in iauiau tńgkhì in chhù, in tī lō͘tiong ē hūn tòkhì, inūi in tiongkan ūê tùi chinhn̄g ê só͘chāi lâi."

4 Bûntô͘ ìn kóng, " Tī chitê phianphiah ê só͘chāi, beh khì tóūi chhōe hiahchē piáⁿ lâi hō͘ chiahê lâng chia̍h pá?"

5 Iâso͘ mn̄g in kóng, " Lín ū jōachē piáⁿ?" In kóng, " Chhit tè."

6 Iâso͘ chiū hoanhù kûnchiòng chē tòa thô͘kha, jiânāu the̍h khí hit chhittè piáⁿ, kámsiā SiōngChú liáuāu, peh khui, kau hō͘ bûntô͘ khì pun hō͘ kûnchiòng.

7 In mā ū kúibóe'á sèbóe hî. Iâso͘ kāngkhoán kámsiā liáuāu, kiò bûntô͘ the̍hkhì pun.

8 Chènglâng lóng chia̍h kàu pá, koh khioh só͘ chhun ê piáⁿchhùi móa chhit láng.

9 Jînsò͘ chhaputto ū sìchheng. Iâso͘ chiū hō͘ in sìsòaⁿ khì.

10 Jiânāu Iâso͘ sûisî kiò bûntô͘ chē chûn, khì kàu Tāimálô͘tāi ê kénglāi.

Hoatlīsàiphài ê Lâng Iaukiû Sînjiah (Mt 16:14)

11Hoatlīsàiphài ê lâng lâi chhōe Iâso͘, khaisí kah I piānlūn. In siūⁿbeh kā I chhìthàm,iaukiû I kiâⁿ chi̍tê tùi thiⁿténg lâi ê sînjiah.

12 Iâso͘ tùi simté thó͘ chi̍tê tōakhùi kóng, " Chit sètāi ê lâng beh ánchóaⁿ kiû sînjiah lè? Góa si̍tchāi kā lín kóng, choa̍ttùi bô koh ū sînjiah hō͘ chit sètāi ê lâng."

13 Iâso͘ chiū līkhui in, koh chē chûn kòekhì ô͘ ê hitpêng hōaⁿ.

Hoatlīsàiphài kah Hilu̍t ê Kàⁿbó (Mt 16:512)

14 Bûntô͘ bē kìtit tòa piáⁿ, chûnlāi chíū chi̍ttè piáⁿ niāniā.

15 Iâso͘ kā in kéngkài kóng, " Lín tio̍h kínsīn, tîhông Hoatlīsàiphài ê lâng ê kàⁿbó kah Hilu̍t ê kàⁿbó."

16 Bûntô͘ hō͘siōng gīlūn kóng, " Kám sī lán bô tòa piáⁿ, I chiah ánne kóng?"

17 Iâso͘ chaiiáⁿ in ê ìsù, chiū kā in kóng, " Lín sī ánchóaⁿ teh gīlūn bô tòa piáⁿ ê tāichì? Lín kám iáukoh bē liáukái, bē bêngpe̍k? Lín ê sim náē hiahni̍h tūn?

18 Lín ū ba̍kchiu kám bô khòaⁿkìⁿ? ū hīⁿkhang kám bô thiaⁿkìⁿ? lín kám bē kìtit?

19Góa peh gō͘tè piáⁿ pun hō͘ gō͘chheng lâng chia̍h, lín ū khioh piáⁿchhùi móa kúi nâ ?" In kóng, " Cha̍pjī nâ."

20 Iâso͘ koh mn̄g, " Góa peh chhittè piáⁿ pun hō͘ sìchheng lâng chia̍h, lín khioh piáⁿchhùi móa kúi láng ?" In kóng, " Chhit láng."

21 Iâso͘ chiū kā in kóng, " Ánne lín kám iáubōe bêngpe̍k?"

Ihó Peksàitāi ê Chheⁿmêlâng

22 Iâso͘ kah bûntô͘ lâikàu Peksàitāi. Ūlâng chhōa chi̍tê chheⁿmêê lâi Iâso͘ ê bīnchêng, khúnkiû Iâso͘ kā i bong.

23 Iâso͘ khan chheⁿmêê ê chhiú, chhōa i chhutkhì chnggōa. Jiânāu phùi chhùinōa tī i ê nn̄glúi ba̍kchiu, koh ēng siang chhiú hōaⁿ tī hit téngbīn, mn̄g kóng, " Lí ū khòaⁿ tio̍h siáⁿmi̍h bô?"

24 Hitê lâng gia̍h thâu khòaⁿ, kóng, " Góa khòaⁿ tio̍h lâng, khòaⁿ tio̍h in chhinchhiūⁿ chhiū'á teh kiâⁿ."

25 Iâso͘ koh ēng siang chhiú bong i ê nn̄glúi ba̍kchiu. I chùba̍k chi̍t khòaⁿ chiū oânchoân ho̍kgoân, ta̍khāng lóng khòaⁿ kah chin chhengchhó.

26 Iâso͘ kiò i tńgkhì in chhù, kóng, " Lí m̄ thang ji̍pkhì chitê chngsiā."

Pítek Sêngjīn Iâso͘ Sī Kitok (Mt 16:1320; Lk 9:1821)

27 Iâso͘ kah bûntô͘ khì kàu Kaisatlīa Huili̍ppí ê kok chngsiā. Tī lō͘ni̍h Iâso͘ mn̄g bûntô͘ kóng, " Lâng teh kóng góa sī siáⁿlâng?"

28 Bûntô͘ ìn kóng, " Ūlâng kóng Lí sī kiâⁿ sélé Iokhān. Mā ūlâng kóng Lí sī Ílīa. Koh ūlâng kóng, Lí sī sianti tiongkan ê chi̍tê."

29 Iâso͘ koh mn̄g in kóng, " Á lín lè. Lín kóng góa sī siáⁿlâng?" Pítek ìn kóng, " Lí sī Kitok."

30 Iâso͘ chiū bēnglēng in, m̄ thang chiong I ê tāichì kā lâng kóng.

Iâso͘ Īgiân Kakī ê Síbông Kah Kohoa̍h (Mt 16:2128; Lk 9:2227)

31 Iâso͘ khaisí kàsī bûntô͘ kóng, " Jînchú ittēng tio̍h siū chinchē khó͘lān, hō͘ tiúⁿló, chèsitiúⁿ, kengha̍k kàusu khìsak, koh hō͘ lâng hāisí, saⁿ ji̍t āu kohoa̍h."

32 Iâso͘ chiong chiahê tāichì chhengchhneg chhóchhó kā in kóng. Pítek chiū giú I lâi piⁿ'á kā I chekpī.

33 M̄ koh Iâso͘ oa̍ttńgsin khòaⁿ bûntô͘, chiū chekpī Pítek kóng, " Sattàn, siámkhui! Lí só͘ siūⁿ ê m̄ sī SiōngChú ê tāichì, sī lâng ê tāichì."

34 Jiânāu Iâso͘ kiò kûnchiòng kah bûntô͘ óalâi, kā in kóng, " Lâng ài beh tòe góa, tio̍h pàngsak kakī, giâ i ê si̍pjīkè lâi tòe góa.

35 Inūi àibeh kiù kakī sèⁿmiā ê lâng, ē sòngsit sèⁿmiā; ūi tio̍h góa kah hokim lâi sòngsit sèⁿmiā ê lâng, ē kiù tio̍h i ê sèⁿmiā.

36Lâng nā tit tio̍h choân sèkài soah lâi sòngsit kakī ê sèⁿmiā, ū siáⁿmi̍h līek lè?

37 Lâng ē tàng ēng siáⁿmi̍h tāikè lâi kauōaⁿ kakī ê sèⁿmiā?

38 Tī chitê kanîm chōeok ê sètāi, ūi tio̍h góa kah góa ê ōe kámkak kiànsiàu ê lâng, Jînchú tī ThiⁿPē ê êngkng kah sèng thiⁿsài chòhóe chàilîm ê sî, mā ē inūi i kámkak kiànsiàu."