《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第九章

作者 巴克禮普世版小組 2013.02.03

Iâso͘ koh kā in kóng, " Góa si̍tchāi kā lín kóng, khiātī chia ê ūlâng iáubōe sí íchêng, ē khòaⁿ tio̍h SiōngChú Koktō͘ chhiongmóa tōa koânlêng lîmkàu."

Iâso͘ Káipiàn Hêngsiōng (Mt 17:113; Lk 9:2836)

2Kòe la̍k ji̍t āu, Iâso͘ kantaⁿ chhōa Pítek, Ngákok kah Iokhān, pehchiūⁿ chi̍tchō koân soaⁿ. Iâso͘ tī in ê bīnchêng káipiàn hêngchōng.

3 I ê saⁿ pe̍hsiaksiak koh chhànlān. Sèkan ê phiòpò͘ saihū mā bē tàng phiò kah hiahni̍h pe̍h.

4 In khòaⁿkìⁿ Ílīa kah Mô͘se chhuthiān, kah Iâso͘ teh kóngōe.

5 Pítek tùi Iâso͘ kóng, " Lāusu, lán tī chia chin hó. Goán lâi tah saⁿkeng liâu'á, chi̍t keng hō͘ lí, chi̍t keng hō͘ Mô͘se, chi̍t keng hō͘ Ílīa."

6 Pítek ánne kóng, sī inūi chin tio̍hkiaⁿ soah m̄ chai tio̍h ánchóaⁿ kóng chiah hó.

7Hit sî ū chi̍tphìⁿ hûn kā in tà teh, koh tùi hûnni̍h chhutsiaⁿ kóng, " Chitê sī góa só͘ thiàⁿ ê Kiáⁿ, lín tio̍h thiaⁿ I ê ōe."

8 In sûisî khòaⁿ sìchiuûi, bô khòaⁿ tio̍h pòaⁿ lâng, chíū Iâso͘ kah in tī hia.

9 In lo̍hsoaⁿ ê sî, Iâso͘ bēnglēng in kóng, " Jînchú iáubōe tùi sílâng tiong kohoa̍h, m̄ thang chiong lín só͘ khòaⁿ tio̍h ê tāichì kā lâng kóng."

10Bûntô͘ chiong Iâso͘ ê ōe kìtiâu tī simlāi, m̄ koh hō͘siōng gīlūn " tùi sílâng tiong kohoa̍h", chitkù ōe sī siáⁿmi̍h ìsù.

11 Bûntô͘ koh mn̄g Iâso͘ kóng, " Sī ánchóaⁿ Kengha̍kkàusu kóng, Ílīa tio̍h tāiseng lâikàu?"

12 Iâso͘ ìn kóng, " Ílīa kójiân tāiseng lâi chiong itchhè têngsin chéngtùn. Ánne sī ánchóaⁿ Sèngkeng kìchài:: Jînchú tio̍h siū chinchē khó͘lān koh hō͘ lâng khòaⁿkhin?

13 M̄ koh góa kā lín kóng, tútú chiàu Sèngkeng só͘ kìchài, Ílīa íkeng lâi ā, lâng chiàu kakī ê ìsù khoánthāi i."

Iâso͘ Ihó Hō͘ Kúi Hūsin ê Gín'á (Mt 17:1421; Lk 9:3743)

14Iâso͘ kah Pítek, Ngákok, Iokhān, lâikàu kîtha ê bûntô͘ hia, khòaⁿ tio̍h kui tōatīn lâng kā in ûi teh, mā ū kengha̍k kàusu kah in teh piānlūn.

15 Kûnchiòng khòaⁿ tio̍h Iâso͘ chin tio̍hkiaⁿ koh kîkoài, sûisî cháu óalâi kā I chhéngan.

16 Iâso͘ mn̄g in kóng, " Lín kah in teh piānlūn siáⁿmi̍h?"

17 Chènglâng tiongkan chi̍tê lâng ìn kóng, " Lāusu, góa chhōa góa ê kiáⁿ kàu Lí chia, i hō͘ kúi hūsin soah piàn ékáu.

18 bôlūn tī siáⁿmi̍h só͘chāi, kúi nā hūsin chiū kā i siaktó, i chiū lâunōa, kā chhùikhíkin koh kui sengkhu ngē khokkhok. Góa ū chhiáⁿ Lí ê bûntô͘ kā i kóaⁿkúi, in lóng bô hoattō͘."

19 Iâso͘ ìn kóng, " Aiah, Chitê sètāi ê lâng náē hiahni̍h bô sìnsim? Góa tio̍h koh kah lín tòa jōa kú? Góa tio̍h koh jímnāi lín jōa kú? Chhōa lí hitê hō͘ kúi hūsin ê kiáⁿ lâi Góa chia."

20 In chiū chhōa i lâi Iâso͘ hia. Hitê kúi chi̍tē khòaⁿ tio̍h Iâso͘, sûisî hō͘ hitê gín'á tōa thiuchhoah, kā i siak lo̍hkhì thô͘kha, liànlâi liànkhì koh lâunōa.

21 Iâso͘ mn̄g gín'á ê lāupē kóng, " I hō͘ kúi hūsin jōa kú à?" Hitê lāupē Kóng, " Chū sèhàn to̍h ánne.

22 Kúi tiāⁿtiāⁿ kā i hiatlo̍h hóe, hiatlo̍h chúi, beh kā i hāisí. Taⁿ Lí nā chò ē kàu, kiû Lí khóliân goán, lâi kā goán pangchō͘."

23 Iâso͘ kā i kóng, " Lí chóaⁿiūⁿ kóng, ' Lí nā ē'? Ū sìnsim ê lâng ta̍khāng lóng ē."

24 Gínná ê lāupē sûisî tōasiaⁿ hoah kóng, " Góa sìn à; góa só͘ sìn nā bô kàu, Kiû Lí tio̍h pangchō͘ góa."

25 Iâso͘ khòaⁿ tio̍h kui tīn lâng cháu óalâi, chiū chekpī hitê siâsîn kóng, " Lí chitê ékáu koh chhàuhīⁿ ê kúi, Góa bēnglēng lí līkhui chitê gín'á, m̄ chún lí koh ji̍pkhì."

26Hitê kúi tōasiaⁿ hoah, hō͘ hitê gín'á tōa thiuchhoah liáuāu chiah chhutkhì. Hitê gín'á piàn kah ná sílâng. Tōapō͘hūn ê lâng kóng, " I síkhì à."

27 M̄ koh Iâso͘ khan i ê chhiú, hû i khílâi. I chiū khílâi.

28 Iâso͘ ji̍pkhì chhùlāi, bûntô͘ thauthau'á mn̄g I kóng, " Sī ánchóaⁿ goán bô hoattō͘ kóaⁿ hitê kúi?"

29 Iâso͘ ìn kóng, " Chit chióng kúi tio̍h khò kîtó, chiah ū hoattō͘ kā i kóaⁿchhut."

Iâso͘ koh Īgiân Kakī ê Síbông Kah Kohoa̍h (Mt 17:2223; Lk 9:4345)

30Iâso͘ kah bûntô͘ tùi hia kengkòe Kalīlīséng, Iâso͘ bô ài lâng chai I tī tóūi.

31 Inūi I teh kàsī bûntô͘ kóng, " Jînchú ē hō͘ lâng chhutbē, lâng ē kā I hāisí. Sí liáu saⁿ ji̍t āu ē kohoa̍h."

32 Bûntô͘ bē bêngpe̍k chitkù ōe ê ìsù, koh m̄ káⁿ kā I mn̄g.

Siáⁿlâng Siōngtōa(Mt 18:15; Lk 9:4648)
33Iâso͘ kah bûntô͘ lâikàu Kapeklông, Iâso͘ tī chhùni̍h ê sî mn̄g in kóng, " Lín tī lō͘ni̍h teh gīlūn siáⁿmi̍h?"

34 Bûntô͘ tiāmtiām, inūi in tī lō͘ni̍h ū hō͘siōng chenglūn siáⁿlâng siōng tōa.

35 Iâso͘ chē lo̍hlâi, kiò cha̍pjī sùtô͘ óalâi kā in kóng, " Lâng nā ài beh chò tē it, tio̍h chò chènglâng ê lō͘bóe, mā tio̍h chò chènglâng ê chheēng."

36 Iâso͘ chiū chhōa chi̍tê gín'á lâi hō͘ i khiā tī in tiongkan, kā i phō khílâi, tùi bûntô͘ kóng,

37 Lâng nā ūi tio̍h Góa ê miâ lâi chiapla̍p chi̍tê chitkhoán ê gín'á, chiūsī chiapla̍p góa; chiapla̍p Góa ê lâng, m̄ sī chiapla̍p Góa, sī chiapla̍p chhe Góa lâi ê Hitūi."

Bô Hoántùi Lán Chiūsī Chànsêng Lán (Lk 9:4950)

38 Iokhān kā Iâso͘ kóng, " Lāusu, goán ū khòaⁿ tio̍h chi̍tê lâng hōng Lí ê miâ teh kóaⁿkúi. Goán kā i chó͘tòng, inūi i bô teh tòe lán kiâⁿ."

39 Iâso͘ kóng, " M̄ thang kā i chó͘tòng, inūi bôlâng hōng góa ê miâ kiâⁿ sînjiah, sûisî hoántńg lâi kóng góa ê pháiⁿōe.

40 Bô hoántùi lán ê lâng, chiūsī chànsêng lán.

41 Góa si̍tchāi kā lín kóng, inūi lín sio̍k Kitok, bôlūn siáⁿlâng ēng chi̍t poe chúi hō͘ lín lim, chitê lâng ittēng ē tit tio̍h pòsiúⁿ."

Ínkhí Lâng Hoānchōe (Mt 18:69; Lk 17:12)

42Iâso͘ kóng, "Bôlūn siáⁿlâng hō͘ sìn góa ê lâng tiongkan bîsè ê chi̍tê hoānchōe, hitê lâng lêngkhó hō͘ lâng ēng tōa chio̍hbō pa̍k tòa āmkún, hiat lo̍hkhì háini̍h.

43Lí ê chi̍tki chhiú nā ínkhí lí hoānchōe, tio̍h kā i chām hiatka̍k. Lêngkhó kiám chi̍tki chhiú phòasiùⁿ lâi ji̍pkhì éngoánoa̍h, pí siangchhiú hóhó lo̍h tē ga̍k hō͘ bē hoakhì ê hóe sio khah hó.

44 Tī hia teh kā in chia̍h ê thâng bē sí, teh kā lín sio ê hóe mā bē hoakhì.( chù: Ūê chhaupún bô chit chat)

45 Lí ê chi̍tki kha nā ínkhí lí hoānchōe, tio̍h kā i chām hiatka̍k. Lêngkhó kiám chi̍tki kha phòasiùⁿ lâi ji̍pkhì éngoánoa̍h, pí siangkha hóhó lo̍h tē ga̍k khah hó.

46 Tī hia teh kā in chia̍h ê thâng bē sí, teh kā lín sio ê hóe mā bē hoakhì.( chù: Ūê chhaupún bô chit chat)

47 Lí ê chi̍tlúi ba̍kchiu nā ínkhí lí hoānchōe, tio̍h kā i ó͘ hiatka̍k. Lêngkhó kiám chi̍tlúi ba̍kchiu phòasiùⁿ lâi ji̍pkhì SiōngChú ê koktō͘, pí nn̄glúi ba̍kchiu hóhó lo̍h tē ga̍k khah hó.

48 Tī hia teh kā in chia̍h ê thâng bē sí, teh kā lín sio ê hóe mā bē hoakhì.( chù: Ūê chhaupún bô chit chat)( chù: ISA 66:24)

49 Inūi ta̍klâng lóng tio̍h ēng hóe lâi liān, chhinchhiūⁿ ēng iâm sīⁿ.

50 Iâm púnsin chin ū lō͘ēng, m̄ koh iâm nā sitkhì i ê kiâmbī, beh ēng siáⁿmi̍h lâi hôeho̍k i ê bī? Lín ê lāibīn engkai tio̍h ū iâm ê chokiōng, tāike tio̍h hō͘siōng hôhó."