《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第十章

作者 巴克禮普世版小組 2013.02.17

Koanhē Lîhun ê Kàsī(Mt 19:112; Lk 16:18)

Iâso͘ līkhui hia lâikàu Iûthài tē khu, kòekhì Ioktànhô hitpêng. Kûnchiòng koh chūchi̍p khì Iâso͘ hia. I koh chiàusiông kàsī in. 2 Ū chi̍tkóa Hoatlīsàiphài ê lâng beh chhìthàm Iâso͘, óalâi mn̄g I kóng, " Lâng kám thang lî i ê bó͘?" 3 Iâso͘ ìn kóng, " Mô͘se ê lu̍thoat ánchóaⁿ kuitēng?" 4 In kóng, " Mô͘se ínchún lâng siá līhunsu lâi lî i ê bó͘." 5 Iâso͘ kā in kóng, " Mô͘se inūi lín ê sim ngē, chiah chètēng chitê kàibēng hō͘ lín. 6 M̄ koh goânkhíthâu, SiōngChú chhòngchō lâng ū lâm ū lí.( chù: CSK 1:27) 7 Inūi ánne, chapo͘lâng tio̍h līkhui pē bú lâi kah i ê bó͘ kiatliân. 8 Nn̄gê chiâⁿchò chi̍tthé.( chù: CSK 2:24) Ánne, in m̄ sī nn̄gê, sī chiâⁿchò chi̍tthé. 9 Só͘í SiōngChú só͘ phòeha̍p ê, lâng m̄ thang kā i thiahsòaⁿ." 10 Ji̍pkhì chhùlāi, bûntô͘ koh mn̄g Iâso͘ chitê tāichì. 11 Iâso͘ kā in kóng, "Lâng nā lî i ê bó͘ koh chhōa pa̍tê chabó͘lâng, chiūsī hoān kanîm lâi ko͘hū i ê bó͘. 12 Bó͘ nā khìsak i ê tiōnghu lâi kè pa̍tê ang, mā sī hoān kanîm."

Iâso͘ Kā Gín'á Chiokhok (Mt 19:1315; Lk 18:1517)

13 Ūlâng chhōa sèhàngín'á lâi Iâso͘ hia, beh hō͘ Iâso͘ hōaⁿchhiú chiokhok. Bûntô͘ kā in chekpī. 14 Iâso͘ khòaⁿ tio̍h chin bô hoaⁿhí, kā bûntô͘ kóng, " Hō͘ hiahê sèhàngín'á lâi Góa chia, m̄ thang kā in chó͘tòng.Inūi chhinchhiūⁿ chitkhoán gín'á ê lâng, chiah ē tàng chiâⁿchò SiōngChú Koktō͘ ê chúbîn. 15 Góa si̍tchāi kā lín kóng, " Nā bô chhinchhiūⁿ gín'á ánne chiapsiū SiōngChú Koktō͘, choa̍ttùi bē tàng ji̍pkhì." 16 Iâso͘ chiū kā gín'á phō khílâi, kā in hōaⁿchhiú chiokhok.

Hógia̍hlâng Lâi Chhōe Iâso͘(Mt 19:1630; Lk 18:1830)

17 Iâso͘ chhutkhì tī lō͘ni̍h, ū chi̍tê lâng cháu lâi kūi tī I ê bīnchêng, mn̄g kóng, "Hó ê lāusu ah, góa tio̍h ánchóaⁿ chò chiah ē tàng tit tio̍h éngoán ê oa̍hmiā?" 18 Iâso͘ kā i kóng, " Lí náē chhengho͘ Góa sī hó ? SiōngChú ígōa bô chi̍tê sī hó. 19 Chiahê kàibēng lí íkeng lóng chai: M̄ thang thâisí lâng, M̄ thang kanîm, M̄ thang thauthe̍h, M̄ thang chò ké ê kiànchèng, M̄ thang khekkhui lâng, Tio̍h hàukèng lí ê pē bú."( chù: CAK 12:16) 20 Hitê lâng ìn kóng, " Lāusu ah, chiahê góa tùi sèhàn to̍h lóng ū teh chunsiú." 21 Iâso͘ chùba̍k kā i khòaⁿ, ēng thiàⁿsim kā i kóng, " Lí iáu khiàm chi̍thāng. Lí tio̍h khì bē só͘ū ê châisán lâi hō͘ sànchhiah lâng. Áńne lí chiū ū chekchū châipó tī thiⁿténg. Jiânāu chiah lâi tòe góa." 22 Hitê lâng thiaⁿ tio̍h chitê ōe, bīn chiū sitsek, iuthâu katbīn līkhui Iâso͘, inūi i ū chinchē châisán. 23 Iâso͘ kā kûnchiòng khòaⁿ chi̍t liàn chiah tùi bûntô͘ kóng, " Hógia̍hlâng beh ji̍p SiōngChú Koktō͘ chin khùnlân!" 24 Bûntô͘ thiaⁿ liáu chiahê ōe, kámkak chin kîkoài. Iâso͘ koh kóng, " Sèkiáⁿ ah, óakhò chîⁿchâi beh ji̍p SiōngChú Koktō͘ chinchiàⁿ khùnlân! 25 Lo̍ktô chhngkòe chiamphīⁿ, pí hógia̍hlâng ji̍p SiōngChú Koktō͘ iáu khah kántan." 26 Bûntô͘ kohkhah tio̍hkiaⁿ koh kîkoài khí gîbūn kóng, " Ánne siáⁿlâng chiah ē tàng titkiù?" 27 Iâso͘ chùba̍k kā in khòaⁿ, kóng, " Chit hāng tāichì lâng chò bē kàu, tùi SiōngChú lâi kóng m̄ sī ánne, inūi SiōngChú ta̍khāng lóng ē." 28 Pítek chiū tùi Iâso͘ kóng, " Goán íkeng pàngsak itchhè lâi tòe Lí." 29 Iâso͘ ìn kóng, " Góa si̍tchāi kā lín kóng, " Lâng nā ūi tio̍h góa kah Hokim ê iânkò͘ pàngsak chhùthe̍h, hiaⁿtī, chímōe, lāubú, lāupē, kiáⁿjî, chhânhn̂g, 30 tī kimsè ē tit tio̍h pah pōe ê chhùthe̍h, hiaⁿtī, chímōe, lāubú, kiáⁿjî, chhânhn̂g, tôngsî mā ē siū pekhāi, m̄ koh tī lâisè ē tit tio̍h éngoán ê oa̍hmiā. 31 M̄ koh chinchē chò thâuchêng ê lâng ē piànchò lō͘bóe, lō͘bóe ê lâng mā ē piànchò thâuchêng."

Iâso͘ Tē saⁿ Pái Īgiân Kakī ê Síbông kah Kohoa̍h(Mt 20:1719; Lk 18:3134)

32 Iâso͘ kah bûntô͘ chiūⁿ Iâlō͘satléng, tī lō͘ni̍h Iâso͘ kiâⁿ tī thâuchêng, bûntô͘ tio̍hkiaⁿ koh kîkoài, tòe ê lâng chin kiaⁿhiâⁿ. Iâso͘ koh chhōa cha̍pjī sùtô͘ khì piⁿ'á, chiong I tehbeh tú tio̍h ê tāichì kā in kóng, 33 " Chitmá lán beh chiūⁿ Iâlō͘satléng, Jînchú ē hông chhutbē khì kau hō͘ chiahê chèsitiúⁿ kah kengha̍k kàusu. In ē kā I tēng síchōe, koh kā I kau hō͘ Gōapanglâng. 34 In ē kā I hìlāng, phùinōa, piⁿphah, hāisí. Saⁿ ji̍t āu I ē kohoa̍h."

Ngákok kah Iokhān ê Iaukiû(Mt 20:2028)

35 Jiânāu Sepíthài ê kiáⁿ Ngákok kah Iokhān, óalâi kā Iâso͘ kóng, " Lāusu ah, kiû Lí tapèng goán tùi Lí só͘ kiû ê tāichì." 36 Iâso͘ mn̄g kóng, " Lín ài Góa ūi lín chò siáⁿmi̍h?" 37 In kóng, " Tī Lí tit tio̍h êngkng ê sî, kiû Lí hō͘ goán chi̍tê chē Lí ê chiàⁿpêng, chi̍tê chē Lí ê tòpêng." 38 Iâso͘ kā in kóng, " Lín m̄ chai kakī teh kiû siáⁿmi̍h. Góa só͘ lim ê poe , lín kám ē tàng lim? Góa siū ê sélé, lín kám ē tàng siū?" 39 In kóng, " Goán ē." Iâso͘ kā in kóng, " Góa só͘ lim ê poe, lín beh lim, Góa só͘ siū ê sélé, lín beh siū. 40 M̄ koh chē Góa ê chiàⁿpêng á sī tòpêng, m̄ sī Góa ē tàng chòchú. SiōngChú ūi tio̍h siáⁿlâng chúnpī, chiū ē hō͘ hitê lâng." 41 Kîtha cha̍pê bûntô͘ thiaⁿ tio̍h, chiū tùi Ngákok kah Iokhān siūkhì. 42 Iâso͘ kiò in lâi, kā in kóng, " Lín chai, sèkanlâng ê tiongkan hō͘ lâng chunchò thóngtīchiá ê lâng, ū koâng lâi kā in tīlí, in ê koaⁿoân ē kā in koánhat. 43 M̄ koh lín tiongkan bô engkai ánne. Lín tiongkan ài beh chò tōa ê lâng, tio̍h chò chènglâng ê chheēng. 44 Lín tiongkan ài beh chò thâu ê lâng, tio̍h chò chènglâng ê lô͘po̍k. 45 Inūi Jînchú lâi chitê sèkan, m̄ sī beh hō͘ lâng ho̍ksāi. Hoántńg sī beh lâi ho̍ksāi lâng. Sīmchì hiseng kakī ê sèⁿmiā lâi sio̍khôe chinchē lâng."

Iâso͘ Ihó Chheⁿmê ê lâng Patímái (Mt 20:2934; Lk 18:3543)

46 Iâso͘ kah bûntô͘ lâikàu Iâlīkosiâⁿ. In kah chi̍t tōatīn lâng chhut Iâlīkosiâⁿ ê sî, ū chi̍tê chheⁿmêê khitchia̍h, Tímái ê kiáⁿ Patímái, chē tī lō͘piⁿ. 47 Hitê chheⁿmêê khitchia̍h thiaⁿ tio̍h Násatle̍klâng Iâso͘ tùi hia kengkòe, chiū tōasiaⁿ hoah kóng, " Tāipi̍t ê kiáⁿsun, Iâso͘, khóliân góa!" 48 Chinchē lâng kā i chekpī, kiò i chēngchēng, m̄ koh i kohkhah tōasiaⁿ hoah kóng," Tāipi̍t ê kiáⁿsun ah, khóliân góa!" 49 Iâso͘ thêng lo̍hlâi kóng, " Kiò i lâi." In chiū kiò chheⁿmêê lâi, kā i kóng, " An lí ê sim, khílâi! I teh kiò lí." 50 Chheⁿmê ê lâng chiū pànglo̍h i ê saⁿ, thiàukhílâi khì kàu Iâso͘ hia. 51 Iâso͘ kā i kóng, " Lí ài góa kā lí chò siáⁿmi̍h?" Chheⁿmê ê lâng kā I kóng, " Lāusu, kiû Lí hō͘ góa ē koh khòaⁿkìⁿ." 52 Iâso͘ kā i kóng, " Lí tńgkhì, lí ê sìnsim hō͘ lí tit tio̍h ihó." Chheⁿmê ê lâng sûisî koh ē khòaⁿkìⁿ, chiū tòe Iâso͘ khì.