《巴克禮普世版聖經（試讀本）》

 | | | 轉寄

作者 2013.02.18

Lūn Iâso͘ ê Koânpèng (Mt 21:2327; Mk 11:2733)
1 Ū chi̍t ji̍t Iâso͘ tī sèngtiān kàsī lâng koh thoân Hokim ê sî, hiahê chèsitiúⁿ, kengha̍k kàusu kah tiúⁿló chòhóe lâi, 2 mn̄g Iâso͘ kóng, " Tio̍h kā goán kóng, Lí sī khò siáⁿmi̍h koânpèng lâi chò chiahê tāichì? Sī siáⁿlâng hō͘ Lí chitê koânpèng?" 3 Iâso͘ ìn kóng, " Góa mā beh mn̄g lín chi̍tkù ōe, lín tio̍h kā Góa ìntap. 4 Iokhān kā lâng sélé ê koânpèng sī tùi thiⁿ á sī tùi lâng lâi ê?" 5 In hō͘siōng gīlūn kóng, " Lán nā kóng ' Tùi thiⁿ', ánne I ē kóng, ' Lín náē bô beh sìn Iokhān?' 6 Lán nā kóng,' Tùi lâng', jînbîn lóng ē ēng chio̍hthâu kā lán tìm, inūi chènglâng lóng chhimsìn Iokhān sī sianti." 7 só͘í in ìn kóng, " Goán m̄ chai sī tùi tóūi." 8 Iâso͘ kā in kóng, " Góa mā bô beh kā lín kóng, Góa sī khò siáⁿmi̍h koânpèng lâi chò chiahê tāichì."

Pháiⁿ Tiānlông ê Phìjū (Mt 21:3346; Mk 12:112)
9 Iâso͘ koh ēng chi̍tê phìjū tùi chènglâng kóng, " Ū chi̍tê lâng khaikhún chi̍ttè phûtôhn̂g, cho͘ hō͘ tiānlông, chiū chhutgōa chin kú. 10 Kàu siusêng ê kî, hn̂gchú chhe chi̍tê lô͘po̍k khì chhōe tiānlông, beh tùi in siu hn̂gcho͘ ê kóechí, m̄ koh tiānlông phah hitê lô͘po̍k, hō͘ i khangchhiú tńgkhì. 11 Hn̂gchú koh chhe pa̍tê lô͘po̍k khì. Tiānlông kāngkhoán kā i phah, koh kā i bújio̍k, iūkoh hō͘ i khangchhiú tńgkhì. 12 Hn̂gchú koh chhe tē saⁿ ê lô͘po̍k khì, hiahê tiānlông mā sī kā i phahsiong, koh kā i kóaⁿ chhutkhì. 13 Āulâi hn̂gchú siūⁿkóng, ' Taⁿ góa tio̍h ánchóaⁿ chò chiah hó? Góa beh chhe góa só͘ thiàⁿ ê kiáⁿ khì. In tāikhài ē kā i chuntiōng.' 14 M̄ koh tiānlông khòaⁿ tio̍h hn̂gchú ê kiáⁿ lâi, chiū hō͘siōng chhamsiông kóng, ' Chitê sī beh sêngchiap hn̂gchú châisán ê kiáⁿ. Lán lâi kā i thâisí. Ánne chiahê châisán chiū piànchò lán ê.' 15 In chiū kā i hiat chhutkhì hn̂ggōa, koh kā i thâisí. Hn̂gchú beh ánchóaⁿ lâi kā in chhùlí? 16 Hn̂gchú ē lâi kā hiahê tiānlông châubia̍t, kā i ê hn̂g cho͘ hō͘ pa̍tlâng." In thiaⁿ tio̍h chiahê ōe liáuāu chiū kóng, "Chhianbān m̄ thang ánne." 17 Iâso͘ ba̍kchiu kimkim kā in khòaⁿ, kóng, " Sèngkeng ū kìchài: Saihū só͘ khìsak ê chio̍h, Chiâⁿchò chhùkakthâu ê kichio̍h.( chù: SPh 118:22) Chitkù ōe sī siáⁿmi̍h ìsù? 18 Só͘ū poa̍h lo̍hkhì hittè chio̍hthâu téng ê lâng, lóng ē chhùikut hunsi; hō͘ hittè chio̍hthâu teh tio̍h ê lâng, lóng ē chhùikô͘kô͘."

La̍psòe ê Būntê (Mt 22:1222; Mk 12:1317)
19 Hit sî hiahê kengha̍k kàusu kah chèsitiúⁿ chai, Iâso͘ chitê phìjū sī teh chí in, chiū ài beh tongtiûⁿ hē chhiú lia̍h Iâso͘, m̄ koh kiaⁿ chènglâng hoántôaⁿ. 20 In chiū chhōe kihōe, phài bi̍tthàm kéchò gīlâng, beh lia̍h Iâso͘ ê ōephāng, thang kā I kau hō͘ chóngtok, lâi ihoat pānlí. 21 Chiahê bi̍tthàm lâi mn̄g Iâso͘ kóng, " Lāusu ah, goán chai Lí só͘ kóng só͘ kàsī ê sī chèngti̍t, Lí mā bô khòaⁿ lâng ê bīnsek, chiūsī tiongsi̍t kàsī SiōngChú ê tōlí. 22 Goán la̍psòe hō͘ Lômá ê hôngtè,ū ha̍h lán ê lu̍thoat á bô?" 23 M̄ koh Iâso͘ khòaⁿchhut in ê kúikè, chiū tùi in kóng, 24 " The̍h chi̍tê gîn'á hō͘ Góa khòaⁿ. Chitê siōng kah jīhō sī siáⁿlâng?" In kóng, " Sī Lômá hôngtè ê." 25 Iâso͘ chiū tùi in kóng, " Ánne, lín tio̍h kā hôngtè ê mi̍h la̍p hō͘ hôngtè, kā SiōngChú ê mi̍h la̍p hō͘ SiōngChú." 26 In tī chènglâng ê bīnchêng bē tàng lia̍h tio̍h Iâso͘ ê ōephāng, koh tùi I ê ìntap chin tio̍hkiaⁿ, soah chiū ánne tiāmkhì.

Sílâng Kohoa̍h ê Būntê (Mt 22:2333; Mk 12:1827)
27 Ū chi̍tkóa chútiuⁿ lâng bô kohoa̍h ê Satto͘kaiphài ê lâng, lâi mn̄g Iâso͘ kóng, 28 " Lāusu ah, Mô͘se kā goán kuitēng kóng, ' Nā ūlâng ê ahiaⁿ síkhì, bó͘ iáu tīteh m̄ koh bô seⁿ kiáⁿ. I ê siótī tio̍h chhōa hitê hiaⁿsó lâi chò bó͘, thang seⁿ kiáⁿ lâi thè ahiaⁿ thoânchong chiaptāi.'( chù: SBK 25:5; CSK 38:8) 29 Bat ū chhitê hiaⁿtī, tōaê chhōa bó͘, bô kiáⁿ chiū síkhì. 30 Tē jī ê, tē saⁿ ê mā lóng chhōa hitê hiaⁿsó. 31 Chhitê lóng ánne, bô seⁿ kiáⁿ chiū síkhì. 32 Āulâi hitê hūjînlâng mā síkhì. 33 Ánne, tī kohoa̍h ê sî, chitê hūjînlâng beh chò in tiongkan tó chi̍tê lâng ê bó͘? Inūi chit chhit lâng lóng ū chhōa i chòbó͘." 34 Iâso͘ kā in kóng, " Kimsè ê lâng ū kè ū chhōa. 35 M̄ koh ē khamtit tùi sílâng tiong kohoa̍h chìnji̍p lâisè ê, chiū bô kè bô chhōa. 36 Inūi in kohoa̍h liáuāu bē koh sí, kah thiⁿsài kāngkhoán, lóng sī SiōngChú ê kiáⁿjî. 37 Koanhē sílâng kohoa̍h ê tāichì, Mô͘se tī ' Teh To̍h ê Chhìphè' hit phiⁿ ū chíbêng, chhengho͘ Chú sī Apekla̍hhán ê SiōngChú, Ísat ê SiōngChú, Ngákok ê SiōngChú.( chù: CAK 3:6, 1516) 38 I m̄ sī sílâng ê SiōngChú, sī oa̍hlâng ê SiōngChú, inūi lâng lóng sī ūi tio̍h Chú teh oa̍h." 39 Ū kúināê kengha̍k kàusu ìn kóng, " Lāusu ah, Lí kóng liáu chin hó." 40 In chiū m̄ káⁿ koh mn̄g Iâso͘ siáⁿmi̍h būntê.

Koanhē Kitok ê Būntê (Mt 22:4146; Mk 12:3537)
41 Iâso͘ tùi in kóng, " Lâng náē kóng Kitok sī Tāipi̍t ê kiáⁿsun? 42 Inūi Tāipi̍t tī Siphian kakī kóng, ' Chú kā góa ê Chú kóng, chē Góa ê chiàⁿpêng, 43 Kàu Góa hō͘ Lí ê tùite̍k chò Lí ê khata̍h.'( chù: SPh 110:1) 44 Tāipi̍t kìjiân chheng Kitok chò Chú, Kitok náē chò Tāipi̍t ê kiáⁿsun?"

Tio̍h Thêhông Kengha̍kkàusu (Mt 23:136; Mk 12:3840)
45 Chènglâng teh thiaⁿ ê sî, Iâso͘ kā bûntô͘ kóng, 46 " Tio̍h thêhông hiahê kengha̍k kàusu, in ài chhēng tn̂gsaⁿ sìkè kiâⁿ, chin ài tī kelō͘ni̍h hō͘ lâng chhéngan, tī hōetn̂g lāi chē koânūi, tī iànse̍k chē tōaūi. 47 In chhimchiàm kóaⁿhū ê kehóe, thiaukang kîtó chin tn̂g, in ē siū kohkhah tāng ê hênghoa̍t."