《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第十五章

作者 巴克禮普世版小組 2013.03.31

Iâso͘ Tī Pília̍pto Bīnchêng Siū Símmn̄g (M̄t:12,1114;Lk23:15;Ih18:2838)
1 Kàu thiⁿkng, hiahê chèsitiúⁿ, tiúⁿló, kengha̍k kàusu kah choân gīhōe, chòhóe thólūn hósè, kā Iâso͘ pa̍k khílâi, ah I khì kau hō͘ Pília̍pto. 2 Pília̍pto mn̄g Iâso͘ kóng, " Lí sī Iûthàilâng ê ông, sībô?" Iâso͘ ìn kóng, " Chiàu lí kóng ánne." 3 Chèsitiúⁿ kò Iâso͘ chinchē hāng. 4 Pília̍pto koh mn̄g Iâso͘ kóng, " Lí náē lóng bô ìn? Lí khòaⁿ, in kò Lí hiahchē hāng!" 5 Iâso͘ iûgoân bô ìn pòaⁿkù. Pília̍pto soah kámkak chin kîkoài.

Iâso͘ Hông Phòaⁿ Síhêng (Mt 27:1526;Lk 23:1325;Ih 18:3919:16)
6 Tī ta̍knî ê Pôaⁿkòecheh, chóngtok lóng ū chiàu jînbîn só͘ kiû ê, lâi pàng chi̍tê hoānlâng hō͘ in. 7 Hit sî ū chi̍tê kah hiahê chokloān ê lâng chòhóe koaiⁿkaⁿ, miâkiò Pala̍hpa ê hoānlâng, 8 Kûnchiòng chūchi̍p óakhì, iaukiû Pília̍pto chiàu koànlē lâi pàng chi̍tê hoānlâng. 9 Pília̍pto mn̄g in kóng, " Lín ài góa pàng Iûthàilâng ê ông hō͘ lín, sībô?" 10 Inūi i chai hiahê chèsitiúⁿ, sī ūi tio̍h oàntò͘ chiah kā Iâso͘ kau hō͘ i. 11 M̄ koh hiahê chèsitiúⁿ siàntōng kûnchiòng, tiantó iaukiû Pília̍pto pàng Pala̍hpa hō͘ in. 12 Pília̍pto koh ìn kóng, " Ánne lín kiòchò Iûthàilâng ê ông Hitūi, góa tio̍h ánchóaⁿ kā I pān?" 13 In koh tōasiaⁿ hoah kóng, " Kā I tèng si̍pjīkè!" 14 Pília̍pto kā in kóng, " Sī ánchóaⁿ lè, I kám ū hoān siáⁿmi̍h chōe?" M̄ koh kûnchiòng ná tōasiaⁿ hoah kóng, " Kā I tèng si̍pjīkè!" 15 Pília̍pto ūi tio̍h beh hō͘ kûnchiòng hoaⁿhí, chiū pàng Pala̍hpa hō͘ in. I koh bēnglēng lâng piⁿphah Iâso͘. Jiânāu kā Iâso͘ kau hō͘ in khì tèng si̍pjīkè.

Péng'á Hílāng Iâso͘ (Mt 27:2731;Ih 19:23)
16 Peng'á thoa Iâso͘ ji̍pkhì chóngtokhú ê īⁿlāi, koh tiàu choân tūi ê peng'á lâi. 17 In kā Iâso͘ chhēng chi̍tniá chísek ê phàu, koh pīⁿ chhì'á ê biánliû kā I tì. 18 Jiânāu kā Iâso͘ chhéngan kóng, " Iûthàilâng ê ông, pêngan!" 19 In koh ēng lô͘tek sut Iâso͘ ê thâukhak, kā I phùi chhùinōa, kūi lo̍hkhì kā I pài. 20 In hìlāng soah, kā hit niá chísek ê tn̂gphàu thǹg khílâi, koh chiong Iâso͘ kakī ê saⁿ kā i chhēng lo̍hkhì. Jiânāu ah I khì tèng si̍pjīkè.

Iâso͘ Siū Tèng Si̍pjīkè (Mt 27:3244;Lk 23:2643;Ih 19:1727)
21 Ū chi̍tê Kó͘līnāilâng Sebûn, chiūsī Ale̍ksantāi kah Ló͘hu ê lāupē, tùi chngkha lâi, àn hia kengkòe. In chiū kiôngpek i lâi giâ Iâso͘ ê si̍pjīkè. 22 In kā Iâso͘ tòa kàu Kokkokthaⁿ ê só͘chāi, hitê tē miâ hoane̍k chiūsī " Thâukhakóaⁿ ê só͘chāi". 23 In ēng kiáu bu̍tio̍h ê chiú hō͘ Iâso͘ lim. I m̄ lim. 24 In kā Iâso͘ tèng si̍pjīkè liáuāu, pun I ê saⁿkhò͘, liamkhau lâi khòaⁿ siáⁿlâng tit tio̍h siáⁿmi̍h. 25 In kā Iâso͘ tèng tī si̍pjīkèténg, sī chákhísî káu tiám. 26 I ê chōechōng ê pâi'á siá kóng, "Iûthàilâng ê ông". 27 Ū nn̄gê chha̍thoān kah Iâso͘ tângchê tèng si̍pjīkè, chi̍tê tī chiàⁿpêng, chi̍tê tī tòpêng. 28 Ánne lâi ènggiām Sèngkeng só͘ kìchài:: “I mā hō͘ lâng kā I sǹgchò chōehoān.”(ū ê chhaupún bô chit chat) 29 Tùi hia kengkòe ê lâng kā I bújio̍k, iô thâu kóng, " Aiah, Lí chitê kóng beh húihoāi sèngtiān, saⁿ ji̍t lāi beh koh khí khílâi ê lâng! 30 Taⁿ tio̍h kiù Lí kakī, tùi si̍pjīkè lo̍hlâi!" 31 Hiahê chèsitiúⁿ kah kengha̍k kàusu mā sī ánne kā I thíchhiò, hō͘siōng kónglâi kóngkhì, " I bat kiù pa̍tlâng, taⁿ bē tàng kiù kakī! 32 Íseklia̍t ê ông Kitok, taⁿ tio̍h tùi si̍pjīkè lo̍hlâi hō͘ goán khòaⁿ, goán chiah beh sìn." Tângchê tèng tī si̍pjīkè ê nn̄gê chha̍tthâu mā kā I bújio̍k.

Iâso͘ ê Síbông (Mt 27:4556;Lk 23:4449;Ih 19:2830)
33 Tiongtàu ê sî, choân tē o͘àm, sòakàu ē po͘ saⁿ tiám. 34 Saⁿ tiám ê sî, Iâso͘ tōasiaⁿ hoah kóng, " Ílôi, Ílôi, la̍hmá satpaktāinî," Chitkù ê ìsù sī, " Góa ê SiōngChú, Góa ê SiōngChú, Lí náē pàngsak Góa?" 35 Ū chi̍tê tī piⁿ'á teh khiā ê ūlâng thiaⁿ tio̍h, chiū kóng, " Lí khòaⁿ, I teh kiò Ílīa." 36 Ū chi̍tê lâng cháu óakhì, ēng háimî chìm sngchiú, pa̍k tī lô͘tek'á bóe, tu khì hō͘ Iâso͘ suh, kóng, " Bānchhiáⁿ lè, lán lâi khòaⁿ Ílīa ē lâi kā I kiù lo̍hlâi á bē?" 37 Iâso͘ tōasiaⁿ âukiò chi̍t siaⁿ, chiū tn̄gkhùi. 38 sèngtiān lāi ê tiùⁿlî, tùi téng kàu ē li̍h chò nn̄gpêng. 39 Khiā tī Iâso͘ tùibīn ê liântiúⁿ, khòaⁿ tio̍h I ánne tn̄gkhùi, chiū kóng, " Chitê lâng chinchiàⁿ sī SiōngChú ê Kiáⁿ!" 40 Koh ū kúināê hūjînlâng tùi hn̄ghn̄g teh khòaⁿ, kîtiong ū Boa̍ttāilia̍p ê Málīa, kah sió Ngákok Ioksek ê lāubú Málīa, íki̍p Satlôbí, 41 In chiūsī Iâso͘ tī Kalīlīséng ê sî, kintòe lâi ho̍ksāi Iâso͘ ê hūjînlâng. Mā ū chinchē hūjînlâng kah Iâso͘ tângchê chiūⁿ Iâlō͘satléng ê. In lóng tùi hn̄ghn̄g teh khòaⁿ.

Iâso͘ ê Bâichòng (Mt 27:5761;Lk 23:5056;Ih 19:3842)
42 Sî íkeng àm, inūi hit ji̍t sī Pôaⁿkòecheh ê Pīpānji̍t, chiūsī Anhiohji̍t ê chêng chi̍t ji̍t. 43 Ū Alīmáthài ê Ioksek lâi, hótáⁿ ji̍pkhì kìⁿ Pília̍pto, chhéngkiû hō͘ i siu Iâso͘ ê sinsi. Ioksek sī chunkùi ê gīoân, púnsin mā sī himbō͘ SiōngChú Koktō͘ ê lâng. 44 Pília̍pto thiaⁿ tio̍h Iâso͘ íkeng sí, kámkak kîkoài. I kiò liântiúⁿ lâi mn̄g khòaⁿ Iâso͘ síkhì á bōe. 45 I tùi hitê liântiúⁿ chaiiáⁿ Iâso͘ íkeng síkhì, chiū ínchún kā sinsi kau hō͘ Ioksek. 46 Ioksek bé chi̍t tè iùtē pò͘ lâi, kā Iâso͘ tùi si̍pjīkè téng siu lo̍hlâi. I ēng iùtē pò͘ pau sinsi, kā I anchòng tī chio̍hpôaⁿ só͘ phah ê bōng. I mā kō chi̍ttè chio̍hthâu lâi that tī bōngkháu. 47 Boa̍ttāilia̍p ê Málīa, kah Ioksek ê lāubú Málīa, ū khòaⁿ tio̍h bâichòng Iâso͘ ê só͘chāi.