《巴克禮普世版聖經（試讀本）》

 | | | 轉寄

巴克禮普世版（試讀本） 馬可福音第十六章

作者 巴克禮普世版小組 2013.04.07

Iâso͘ ê Kohoa̍h (Mt 28:18;Lk 24:112;Ih 20:110) 1 Anhiohji̍t kòe liáuāu, Boa̍ttāilia̍p ê Málīa kah Ngákok ê lāubú Málīa íki̍p Satlôbí, ū bé phangliāu beh lâi boah Iâso͘ ê sinsi. 2 Lépàiji̍t thàuchá, ji̍t tú'á chhut ê sî, in lâikàu bōngtē. 3 In iânlō͘ kiâⁿ iânlō͘ kóng, " Siáⁿlâng beh thè lán kā hittè bōngkháu ê chio̍hthâu kō khui?" Inūi hittè chio̍hthâu huisiông tōa tè. 4 In lâi kàuūi gia̍h ba̍k chi̍tkhòaⁿ, chiū khòaⁿ tio̍h hittè chio̍hthâu íkeng kō khui. 5 In ji̍pkhì bōng lāi, khòaⁿ tio̍h chi̍tê siàuliânlâng chē tī chiàⁿpêng, chhēng pe̍h saⁿ, in chiū tio̍hkiaⁿ koh kîkoài. 6 Siàuliân lâng kā in kóng, " M̄ bián kiaⁿ, lín teh chhōe tèng si̍pjīkè ê Násatle̍klâng Iâso͘. I íkeng kohoa̍h, bô tī chia. Lí khòaⁿ, chia sī I bâichòng ê só͘chāi. 7 Taⁿ lín tio̍h khì kā I ê bûntô͘, te̍kpia̍t tio̍h kā Pítek kóng, ' I ē pí lín tāiseng khì kàu Kalīlīséng. Chiàu I só͘ kā lín kóng ê, lín tī hia ē khòaⁿ tio̍h I.'" 8 Hiahê hūjînlâng līkhui bōng, chiū ti̍tti̍t cháu, inūi in kiaⁿ kah phi̍hphi̍hchhoah soah gāng khì. In mā bô kā lâng kóng siáⁿmi̍h, inūi in chin kiaⁿ.

Iâso͘ Tùi Boa̍ttāilia̍p ê Málīa Hiánhiān (Mt 38:910;Ih 20:1118)
9 Lépàiji̍t thàuchá, Iâso͘ kohoa̍h liáuāu, tāiseng tùi Boa̍ttāilia̍p ê Málīa hiánhiān. Iâso͘ chêng bat kā i kóaⁿchhut chhitê kúi. 10 Málīa khì kā pêngsî kintòe Iâso͘ ê lâng pòkò. Hit sî hiahê lâng teh iubūn thîkhàu. 11 In thiaⁿ tio̍h Iâso͘ koh oa̍h, koh ū hō͘ Málīa khòaⁿ tio̍h, kèngjiân iáu m̄ siongsìn.

Iâso͘ Tùi Nn̄gê Bûntô͘ Hiánhiān (Lk 24:1335)
12 Āulâi in tiongkan nn̄gê bûntô͘ khì chngkha. Teh kiâⁿ ê sî, Iâso͘ ēng bô kāngkhoán ê hêngsiōng tùi in hiánhiān. 13 In tńgkhì kā kîtha ê lâng pòkò, m̄ koh in hiahê lâng mā m̄ siongsìn.

Iâso͘ Tùi Cha̍pit Ê Sùtô͘ Hiánhiān (Mt 28:1620;Lk 24:3649;Ih 20:1923;St 1:68)
14 Āulâi cha̍pit ê sùtô͘ chē teh chia̍hpn̄g ê sî, Iâso͘ tùi in hiánhiān, chekpī in ê m̄ sìn kah ngē sim, inūi in m̄ siongsìn hiahê khòaⁿ tio̍h Iâso͘ kohoa̍h ê lâng kā in kóng ê ōe. 15 Iâso͘ koh kā in kóng, " Lín tio̍h khì phó͘ thiⁿē thoân Hokim hō͘ bānbîn thiaⁿ. 16 Ū sìn lâi niásiū sélé ê lâng, ē tit tio̍h kiù, m̄ sìn ê lâng ē siū tēngchōe. 17 Ū sìn ê lâng ē tàng hōng Góa ê miâ kóaⁿkúi, koh ē kóng sin ê giângí. 18 In lia̍h chôa, á sī lim tio̍h siáⁿmi̍h to̍k, mā lóng bē siū sionghāi. In kā pēⁿlâng hōaⁿchhiú, pēⁿlâng ē tit tio̍h ihó."

Iâso͘ Chiūⁿthiⁿ (Lk 24:5053;St 1:911)
19 Chú Iâso͘ kā in kóng chiahê ōe liáuāu, chiū siū chiap chiūⁿthiⁿ, chē tī SiōngChú ê chiàⁿpêng. 20 Jiânāu hiahê sùtô͘ chhutkhì ta̍k só͘chāi thoân Hokim, ū Chú kah in tângkang, ēng in só͘ kiâⁿ ê sînjiah lâi chèngbêng in só͘ thoân ê tōlí.