《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第一章

作者 巴克禮普世版小組 2013.04.14

Sīgiân—Siá hō͘ Thêohuilô
1 Kèngài ê Thêohuilô tāijîn, Ū chinchē lâng íkeng kā goán tiongkan só͘ hoatseng ê tāichì, chénglí kìlo̍k lo̍hlâi. 2 In chiàu hiahê thoân tōlí ê lâng, tùi khíthâu chhinba̍k khòaⁿ tio̍h ê tāichì, lâi kìlo̍k thoân hō͘ goán. 3 Góa ū tùi khíthâu siôngsè chakhó choânpō͘ ê tāichì, só͘í siūⁿbeh chiàu sūnsī siá chhutlâi, kià hō͘ lí. 4 Hō͘ lí thang bêngpe̍k, lí só͘ niásiū ê tōlí sī khaksi̍t ê.

Īkò Kiâⁿsélé Iokhān ê Chhutsì
5 Hilu̍t chò Iûthàiông ê sî, ū chi̍tê miâkiò Satkalīa ê Apía pan ê chèsi, i ê bó͘ sī Alûn ê kiáⁿsun, miâkiò Ílīsape̍k. 6 In nn̄g ang'ábó͘ hō͘ SiōngChú khòaⁿchò sī gīlâng, inūi in chunsiú SiōngChú só͘ū ê kàibēng kah légî lâi kiâⁿ. 7 M̄ koh in bô kiáⁿ, inūi Ílīsapek bē hoâiīn, nn̄g lâng ê nîhòe iūkoh lāu à. 8 Ū chi̍t ji̍t, Satkalīa chiàu i ê lûnpan tī SiōngChú ê bīnchêng teh chiphêng chèsi ê chitbū. 9 Chiàu chèsi chithūn ê lē, i thiukhau tit tio̍h ji̍pkhì Chú ê sèngtiān sio hiuⁿ. 10 Tng i teh sio hiuⁿ ê sî, hōechiòng kui tōatīn tī gōabīn teh kîtó. 11 Ū chi̍tê Chú ê thiⁿsài tùi i hiánhiān, khiā tī hiuⁿtôaⁿ ê chiàⁿpêng. 12 Satkalīa khòaⁿ tio̍h, chiū tio̍hkiaⁿ koh kîkoài, huisiông putan. 13 Thiⁿsài tùi i kóng, " Satkalīa ah, m̄ bián kiaⁿ, inūi SiōngChú íkeng thiaⁿ tio̍h lí ê kîtó. Lí ê bó͘ Ílīsapek beh seⁿ kiáⁿ, lí tio̍h kā i hō miâkiòchò Iokhān. 14 Lí ē hoaⁿhí koh khoàilo̍k, chinchē lâng mā ē ūi tio̍h i ê chhutsì lâi hoaⁿhí. 15 Inūi i tī Chú ê bīnchêng beh chò tōa jînbu̍t, phûtô chiú kah itchhè ê chiú lóng m̄ thang hō͘ i lim. I tī bóthai chiū hō͘ SèngSîn chhiongmóa. 16 I ē hō͘ Íseklia̍t kiáⁿsun, chinchē lâng oa̍ttńg lâi kuihiòng Chú, chiūsī in ê SiōngChú. 17 I ē ēng Ílīa ê chengsîn kah châilêng chò Chú ê sianhong, hō͘ pē bú kah kiáⁿjî hôhó, hō͘ pōege̍k ê lâng hôesim choánì lâi kintòe gīlâng ê tìhūi, hō͘ jînbîn chúnpī sim lâi gêngchiap Chú." 18 Satkalīa tùi thiⁿsài kóng, " Kám chiâⁿsi̍t ē ánne? Inūi góa íkeng lāu à, góa ê bó͘ nîhòe mā chin tōa à." 19 Thiⁿsài ìn kóng, " Góa sī teh ho̍ksāi SiōngChú ê Kapeklia̍t, hōng chhephài lâi kah lí kóngōe, tùi lí pòkò chitê hó siausit. 20 Inūi lí m̄ siongsìn góa ê ōe, chiūsī kàu sî ē ènggiām ê ōe, lí ē piànchiâⁿ ékáu bē kóngōe, itti̍t kàu chiahê tāichì tit tio̍h ènggiām ê ji̍t." 21 Hōechiòng teh thènghāu Satkalīa, in kámkak kîkoài, i tī sèngtiān lāi náē hiahni̍h kú. 22 I chhutlâi soah bē tàng kah in kóngōe, in chiū chai i tī sèngtiān ni̍h ū khòaⁿ tio̍h īⁿsiōng. I tùi in itti̍t pí chhiúgí, i kèngjiân sī ékáu. 23 Satkalīa ho̍ksāi ê ji̍tkî móa, chiū tńgkhì in chhù. 24 Bô jōa kú liáuāu, i ê bó͘ Ílīsapek ūsin, gō͘ goe̍h ji̍t kú bô chhutmn̂g. 25 Ílīsapek kóng, " Chú hiahni̍h khòaⁿkò͘ góa, hō͘ góa m̄ bián koh hō͘ lâng thíchhiò bē seⁿkiáⁿ."

Īkò Iâso͘ ê Chhutsì
26 Ílīsapek ūsin la̍k goe̍hji̍t ê sî, thiⁿsài Kapeklia̍t hōng SiōngChú ê chhephài, lâikàu Kalīlīséng chi̍tê kiòchò Násatle̍k ê siâⁿ. 27 lâi chhōe chi̍tê chāiseklí, miâkiò Málīa. I íkeng kah Tāipi̍t kiáⁿsun chi̍tê miâkiò Ioksek ê lâng tēnghun. 28 Thiⁿsài khì kàu Málīa hia, tùi i kóng, " Pêngan, lí sī siōng ū hokkhì ê lâng. SiōngChú kah lí tôngchāi!" 29 Málīa tùi chiahê ōe huisiông tio̍hkiaⁿ koh kîkoài, simlāi itti̍t teh siūⁿ chitê chhéngan sī siáⁿmi̍h ìsù. 30 Thiⁿsài kā i kóng, " Málīa ah, m̄ bián kiaⁿ, inūi lí tit tio̍h SiōngChú ê untián. 31 Taⁿ lí ē hoâiīn seⁿ chi̍tê hāuseⁿ, tio̍h kā I hō miâkiòchò Iâso͘. 32 I ē chò tōa jînbu̍t, lâng ē chhengho͘ I Chìkoân SiōngChú ê Kiáⁿ. Chú, SiōngChú ē chiong I chó͘sian Tāipi̍t ê ôngūi siúⁿsù I. 33 I ē chò ông éngoán thóngtī Ngákok ê kiáⁿsun. I ê kok mā ē bô kiôngchīn." 34 Málīa tùi thiⁿsài kóng, " Góa iáubōe chhutkè, náē ū chitkhoán tāichì?" 35 Thiⁿsài ìn kóng, " SèngSîn ē lîmkàu lí, Chìkoân SiōngChú ê koânlêng ē tììm lí, só͘í hitê tehbeh chhutsì ê eⁿ'á sī Sèng ê, lâng ē chhengho͘ I chò SiōngChú ê Kiáⁿ. 36 Lí khòaⁿ! lí ê chhinchiâⁿ Ílīsapek. I suijiân nî lāu, mā íkeng hoâiīn. Lâng kóng i bē seⁿ, m̄ koh i íkeng ūsin la̍k goe̍hji̍t ā. 37 Inūi SiōngChú bô chi̍thāng tāichì chò bē kàu." 38 Málīa kóng, " Góa sī SiōngChú ê lúpī, goān chiàu lí ê ōe lâi kā góa sêngchoân." Thiⁿsài chiū līkhui i.

Málīa Hóngbūn Ílīsapek
39 Kòe bô kúi ji̍t, Málīa chhuthoat, kóaⁿkín khì kàu Iûthài soaⁿtē ê chi̍tê siâⁿ. 40 I ji̍pkhì Satkalīa ê chhù, kā Ílīsapek chhéngan. 41 Ílīsapek chi̍tē thiaⁿ tio̍h Málīa chhéngan, paktó͘ lāi ê thaijî chiū tiôthiàu. Ílīsapek hō͘ SèngSîn chhiongmóa, 42 I chiū tōasiaⁿ kóng, " Chèng hūjînlâng ê tiongkan lí tit tio̍h hokkhì, lí só͘ hoâiīn ê thaijî mā tit tio̍h hokkhì. 43 Góa ê Chú ê lāubú lâi hóngbūn góa, góa náē khamtit? 44 Inūi góa chi̍tē thiaⁿ tio̍h lí chhéngan ê siaⁿ, góa paktó͘ lāi ê thaijî chiū hoaⁿhí tiôthiàu. 45 Lí chitê hūjînlâng chin ū hokkhì! inūi Chú só͘ kā lí kóng ê ōe ē si̍thiān."

Málīa ê Chànbísi
46 Málīa kóng, " Góa ê simlêng chunkèng Chú chò tōa, 47 Góa ê simsîn inūi kiù góa ê SiōngChú lâi hoaⁿhí. 48 Inūi I khòaⁿkò͘ lúpī ê pibî, tùi taⁿ íāu bān sètāi ê lâng lóng ē kóng, góa ū hokkhì. 49 Inūi choânlêng ê SiōngChú ū ūi tio̍h góa chò úitāi ê tāichì, I ê miâ sī sèng. 50 Kèngùi I ê lâng I liânbín in, Kàu bān sètāi. 51 I chhunchhut koânlêng ê chhiú, kóaⁿsòaⁿ simchì kiaungō͘ ê lâng. 52 I kā chiángkoân ê lâng, tùi i ê ôngūi thoa lo̍hlâi. Kā pibî ê lâng koseng. 53 I ēng hómi̍h hō͘ iaugō ê lâng chia̍h kàu pá; I hō͘ hógia̍h ê lâng khangkhang tńgkhì. 54 I hûchō͘ I ê lô͘po̍k Íseklia̍t, ē kìtit kā in liânbín, 55 Chiàu I tùi lán chó͘sian ê èngún, Lâi liânbín Apekla̍hhán kah i ê kiáⁿsun kàu bān sètāi." 56 Málīa kah Ílīsapek chòhóe tòa chhaputto ū saⁿgoe̍h ji̍t, chiah tńgkhì in chhù.

Kiâⁿsélé Iokhān ê Chhutsì
57 Ílīsapek sengsán ê kî kàu, chiū seⁿ chi̍tê hāuseⁿ. 58 Chhùpiⁿ kehpiah kah chhinchiâⁿ, thiaⁿ tio̍h Chú tùi i ū tōa liânbín, chiū kah i chòhóe hoaⁿhí. 59 Kàu eⁿ'á chhutsì tē peh ji̍t, in lâi beh kā eⁿ'á kiâⁿ katlé, koh chiàu i ê lāupē ê miâ, kā i hōchò Satkalīa. 60 I ê lāubú ìn kóng, " M̄ thang ánne, tio̍h kā i hōchò Iokhān." 61 Tāike chiū tùi i kóng, " Lí ê chhinchiâⁿ bôlâng hō chitê miâ." 62 In chiū pí chhiúgí mn̄g eⁿ'á ê lāupē, ài beh kā i hō siáⁿmi̍h miâ. 63 Satkalīa thó chi̍t tè siájī ê pán, siá kóng, " I ê miâ sī Iokhān." Tāike kámkak kîkoài. 64 Hit sî Satkalīa sûisî khuichhùi kóngōe, oló SiōngChú. 65 Chhùpiⁿ kehpiah ê lâng lóng tio̍hkiaⁿ. Choân Iûthài ê soaⁿtē lóng teh tâmlūn chit hāng tāichì. 66 Thiaⁿ tio̍h ê lâng lóng siūⁿ kóng, " Ánne, chitê eⁿ'á chionglâi ē chiâⁿchò siáⁿkhoán ê lâng? Inūi ū Chú ê koânlêng kah i tôngchāi.

Satkalīa ê Īgiân
67 Iokhān ê lāupē Satkalīa hō͘ SèngSîn chhiongmóa, chiū īgiân kóng, 68 Tio̍h oló Chú, Íseklia̍t ê SiōngChú! Inūi I ū khòaⁿkò͘ koh kiùsio̍k I e chúbîn. 69 Ū tùi I ê lô͘po̍k Tāipi̍t ê ke, thè lán siatli̍p ū tōa lêngle̍k ê chínkiùchiá, 70 Chiàu I tī kó͘chá thongkòe sînsèng ê sianti ê chhùi éngún kóng, 71 I ē chínkiù lán thoatlī tùite̍k kah só͘ū oànhūn lán ê lâng ê chhiú, 72 I ē liânbín lán ê chó͘sian, koh kìliām I sînsèng ê bêngiok, 73 Chiūsī kah lán ê chó͘sian Apekla̍hhán só͘ li̍p ê bêngiok, 74 Hō͘ lán ē tàng thoatlī chiahê tùite̍k ê chhiú, 75 Hō͘ lán chi̍tsìlâng tī I ê bīnchêng, ēng sèng ēng gī, bô kiaⁿhiâⁿ lâi ho̍ksāi I. 76 Góa ê kiáⁿ ah, lí ē hō͘ lâng kiòchò Chìkoân ê SiōngChú ê sianti, inūi lí beh chò Chú ê sianhong, lâi chúnpī I ê lō͘, 77 Hō͘ I e chúbîn tùi tit tio̍h siàchōe, lâi bêngpe̍k SiōngChú ê chínkiù. 78 Lán ê SiōngChú chhiongmóa liânbín ê sim, só͘í hō͘ chákhísî ê ji̍t, tùi thiⁿténg lâi chiò lán. 79 Lâi chiò lán chiahê tiàm tī o͘àm kah síìm tiong ê lâng, Ínchhōa lán ê kha, kiâⁿji̍p pêngan ê lō͘. 80 Eⁿ'á chiāmchiām tōahàn, simlêng mā ji̍tji̍t ióngchòng. I tiàm tī khòngiá itti̍t kàu, i tī Íseklia̍t tiongkan kongkhai chhuthiān hit ji̍t.