《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第三章

作者 巴克禮普世版小組 2013.04.28

Kiâⁿsélé Iokhān ê Sélé kah Thoântō (Mt 3:112;Mk 1:18;Ih 1:1928)
1 Lômá hôngtè Thêpìliû chē ūi ê cha̍pgō͘ nî, Púntiu Pília̍pto chò Iûthài ê chóngtok, Hilu̍t chò Kalīlīséng hunhong ê ông, i ê hiaⁿtī Huile̍k chò Íthó͘līa kah Teklia̍pkhónî tē hng hunhong ê ông, Lūsatliap chò Apílīnî hunhong ê ông. 2 Aná kah Kaiahoat chò tōachèsi ê sî, Satkalīa ê kiáⁿ Iokhān tī khòngiá niásiū SiōngChú ê ōe. 3 Iokhān chiū kàu Ioktànhô ittài ê ta̍k só͘chāi soaniông, kóng, " Tio̍h hóekái lâi niá sélé, SiōngChú chiū ē siàbián lâng ê chōe." 4 Tú chhinchhiūⁿ sianti Ísàia chhehni̍h só͘ kì ê ōe, kóng, ' Ū siaⁿ tī khòngiá teh hoah kóng, Tio̍h ūi Chú chúnpī tōlō͘, Ūi Chú siuti̍t I ê siólō͘! 5 Só͘ū ê soaⁿkok lóng tio̍h thūn hō͘ i tīⁿ, Chiahê tōasió ê soaⁿthâu lóng tio̍h siah hō͘ i kē, Oankhiau ê lō͘ tio̍h chhú hō͘ i ti̍t, Khamkhia̍t ê lō͘ tio̍h hō͘ i pêⁿ. 6 Bānbîn lóng ē khòaⁿ tio̍h SiōngChú ê chínkiù.'"( chù: ISA 40:35) 7 Iokhān tùi chinchē lâi beh niá sélé ê lâng kóng, " Lín chiahê to̍kchôa ah, siáⁿlâng kéngkò lín siámphiah SiōngChú tehbeh hoat ê siūkhì? 8 Tio̍h ēng ji̍tsiông sengoa̍h lâi chèngbêng lín ê hóekái. M̄ thang kakī siūⁿkóng, ' Ū Apekla̍hhán chò goán ê chó͘sian', inūi góa kā lín kóng, ' SiōngChú ē tàng tùi chiahê chio̍hthâu chhut kiáⁿsun hō͘ Apekla̍hhán. 9 Taⁿ pó͘thâu íkeng tùichún chhiūthâu ā, só͘ū bô kiat hó kóechí ê chhiū, lóng ē chhò khílâi hiat lo̍h hóe." 10 Chènglâng mn̄g Iokhān kóng, " Ánne, goán tio̍h ánchóaⁿ chò khah hó?" 11 Iokhān ìn kóng, " Ū nn̄g niá saⁿ ê lâng tio̍h pun hō͘ bô saⁿ ê lâng, ū chia̍hmi̍h ê lâng mā tio̍h ánne chò." 12 Ū chi̍tkóa thiusòeê mā lâi beh niásiū sélé, in mn̄g Iokhān kóng, " Lāusu, goán tio̍h ánchóaⁿ chò chiah hó?" 13 Iokhān tùi in kóng, " Kuitēng ê sòe ígōa, m̄ thang kā lâng ke thiu." 14 Ū chi̍tkóa kunjîn mā mn̄g Iokhān kóng, " Á goán tio̍h ánchóaⁿ chò?" I ìn kóng, " M̄ thang kā lâng khiónghat the̍h chîⁿ, m̄ thang kā lâng khàiû, tùi lín só͘ niá ê sinsúi tio̍h boánchiok." 15 Jînbîn teh kîthāi Kitok, simlāi lóng teh siūⁿkóng, Iokhān bô tiāⁿ tio̍h chiūsī Kitok, 16 Iokhān ìn kûnchiòng kóng, " Góa ēng chúi kā lín sélé, m̄ koh ū chi̍tê pí góa khah ū koânlêng ê tehbeh lâi, góa liân kā I tháu êtòa to bē khamtit. I beh ēng SèngSîn kah hóe kā lín sélé. 17 I ê chhiú the̍h pòaki, beh kā be̍htiâⁿ ê be̍h'á choânpō͘ pòa chhengkhì, kā be̍h'á siuji̍p chhngkhò͘, m̄ koh be̍hhiūⁿ to̍h ēng bē hoa ê hóe siotiāu." 18 Iokhān thoân Hokim hō͘ bînchiòng ê sî, lóng ēng chinchē honghoat lâi khó͘khǹg. 19 M̄ koh Iokhān chekpī hunhong ê ông Hilu̍t, inūi i chhiúⁿtoa̍t siótī ê bó͘ Hilôtí ê iânkò͘, koh inūi i chò chinchē pháiⁿ tāichì. 20 Taⁿ Hilu̍t koh ke chi̍thāng pháiⁿ tāichì, chiūsī kā Iokhān koaiⁿ lo̍hkaⁿ.

Iâso͘ Niásiū Sélé (Mt 3:1317;Mk 1:911) 21 Chènglâng niásiū sélé liáuāu, Iâso͘ mā ū lâi niásiū sélé, kîtó ê sî, thiⁿ khui, 22 SèngSîn kànglîm tī I ê téngbīn, hêngchōng chhinchhiūⁿ húnchiáu; koh tùi thiⁿ ū siaⁿ kóng, " Lí sī Góa só͘ thiàⁿ ê Kiáⁿ, Góa chin kahì Lí."

Iâso͘ ê Kaphó͘ (Mt 1:117)
23 Iâso͘ khaisí thoântō ê sî chhaputto saⁿcha̍p hòe. Chènglâng khòaⁿ I sī Ioksek ê kiáⁿ, Ioksek sī Hilí ê kiáⁿ, 24 Hilí sī Máthap ê kiáⁿ, Máthap sī Lībī ê kiáⁿ, Lībī sī Be̍kki ê kiáⁿ, Be̍kki sī Ngáná ê kiáⁿ, Ngáná sī Ioksek ê kiáⁿ, 25 Ioksek sī Mátāithêa ê kiáⁿ, Mátāithêa sī Amô͘su ê kiáⁿ, Amô͘su sī Náong ê kiáⁿ, Náong sī Ísūlí ê kiáⁿ, Ísūlí sī Nákai ê kiáⁿ, 26 Nákai sī Máap ê kiáⁿ, Máap sī Mátāithêa ê kiáⁿ, Mátāithêa sī Sebí ê kiáⁿ, Sebí sī Ioksek ê kiáⁿ, Ioksek sī Iûtāi ê kiáⁿ, Iûtāi sī Iokaná ê kiáⁿ, 27 Iokaná sī Līsat ê kiáⁿ, Līsat sī Só͘lôpapek ê kiáⁿ, Só͘lôpapek sī Satlia̍pthiat ê kiáⁿ, Satlia̍pthiat sī Nîlī ê kiáⁿ, 28 Nîlī sī Be̍kki ê kiáⁿ, Be̍kki sī Atí ê kiáⁿ, Atí sī Kosong ê kiáⁿ, Kosong sī Ímô͘tông ê kiáⁿ, Ímô͘tông sī Jíⁿ ê kiáⁿ, Jíⁿ sī Ioksè ê kiáⁿ, 29 Ioksè sī Ília̍tsat ê kiáⁿ, Ília̍tsat sī Ioklēng ê kiáⁿ, Ioklēng sī Máthap ê kiáⁿ, Máthap sī Lībī ê kiáⁿ, 30 Lībī sī Sebiān ê kiáⁿ, Sebiān sī Iûtāi ê kiáⁿ. Iûtāi sī Ioksek ê kiáⁿ, Ioksek sī Ioklâm ê kiáⁿ, Ioklâm sī Ílīakim ê kiáⁿ, 31 Ílīakim sī Bílīa ê kiáⁿ, Bílīa sī Máilâm ê kiáⁿ, Máilâm sī Máta̍tthaⁿ ê kiáⁿ, Máta̍tthaⁿ sī Nátan ê kiáⁿ, Nátan sī Tāipi̍t ê kiáⁿ, 32 Tāipi̍t sī Iâse ê kiáⁿ, Iâse sī Opek ê kiáⁿ, Opek sī Phosū ê kiáⁿ, Phosū sī Satbûn ê kiáⁿ, Satbûn sī Násūn ê kiáⁿ, 33 Násūn sī Abínáta̍t ê kiáⁿ, Abínáta̍t sī Alân ê kiáⁿ, Alân sī Ísūlûn ê kiáⁿ, Ísūlûn sī Hoatle̍ksū ê kiáⁿ, Hoatle̍ksū sī Iûtāi ê kiáⁿ, 34 Iûtāi sī Ngákok ê kiáⁿ, Ngákok sī Ísat ê kiáⁿ, Ísat sī Apekla̍hhán ê kiáⁿ, Apekla̍hhán sī Thaⁿla̍h ê kiáⁿ, Thaⁿla̍h sī Náho̍k ê kiáⁿ, 35 Náho̍k sī Satlo̍k ê kiáⁿ, Satlo̍k sī Lia̍pkó͘ ê kiáⁿ, Lia̍pkó͘ sī Hoatle̍k ê kiáⁿ, Hoatle̍k sī Hipek ê kiáⁿ, Hipek sī Satlia̍p ê kiáⁿ, 36 Satlia̍p sī Kailâm ê kiáⁿ, Kailâm sī Ahoatsat ê kiáⁿ, Ahoatsat sī Siám ê kiáⁿ, Siám sī Náa ê kiáⁿ, Náa sī La̍hbe̍k ê kiáⁿ, 37 La̍hbe̍k sī Máthó͘satla̍h ê kiáⁿ, Máthó͘satla̍h sī Ílo̍k ê kiáⁿ, Ílo̍k sī Ngália̍t ê kiáⁿ, Ngália̍t sī Mále̍klia̍t ê kiáⁿ, Mále̍klia̍t sī Kailâm ê kiáⁿ, Kailâm sī Ínásū ê kiáⁿ, 38 Ínásū sī Siat ê kiáⁿ, Siat sī Atong ê kiáⁿ, Atong sī SiōngChú ê kiáⁿ.