《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第四章

作者 巴克禮普世版小組 2013.05.05

Iâso͘ Siū Chhìthàm (Mt 4:111;Mk 1:1213)
1 Iâso͘ siū SèngSîn chhiongmóa, tùi Ioktànhô tńglâi, hō͘ SèngSîn chhōa khì khòngiá sìcha̍p ji̍t kú, siū Mô͘kúi kā I chhìthàm. 2 Hit tiongkan, I lóng bô chia̍h siáⁿmi̍h, āulâi paktó͘ chiū iau. 3 Mô͘kúi kā I kóng, " Lí nā sī SiōngChú ê Kiáⁿ, tio̍h bēnglēng chittè chio̍hthâu piànchò piáⁿ." 4 Iâso͘ ìn kóng, " Sèngkeng ū kìchài: ' Lâng teh oa̍h m̄ nā óakhò piáⁿ.'"( chù: SBK 8:3) 5 Mô͘kúi koh chhōa Iâso͘ pehchiūⁿ koân ê só͘chāi, chi̍tba̍knih'á ê tiongkan, chiong thiⁿē bānkok hō͘ I khòaⁿ, 6 chiū tùi Iâso͘ kóng, " Chiahê itchhè ê koânsè kah êngkng góa lóng beh hō͘ lí, inūi chiahê itchhè íkeng lóng kau hō͘ góa, chhutchāi góa beh hō͘ siáⁿlâng. 7 Só͘í Lí nā kūi lo̍hlâi pài góa, chiahê itchhè lóngchóng hō͘ Lí." 8 Iâso͘ ìn kóng, " Sèngkeng ū kìchài: ' Tio̍h pài Chú, lí ê SiōngChú, chíū tio̍h ho̍ksāi I.'"( chù: SBK 6:13) 9 Mô͘kúi koh chhōa Iâso͘ kàu Iâlō͘satléng, hō͘ I khiā tī sèngtiān siōng koân ê só͘chāi, kā I kóng, " Lí nā sī SiōngChú ê Kiáⁿ, to̍h tùi chia thiàu lo̍hkhì, 10 inūi Sèngkeng ū kìchài: ' SiōngChú ē ūi tio̍h Lí, bēnglēng I ê thiⁿsài lâi póhō͘ Lí. 11 Koh kóng, ' Thiⁿsài ē ēng chhiú kā Lí hûteh, biántit Lí ê kha tak tio̍h chio̍hthâu.'"( chù: SPh 91:1112) 12 Iâso͘ ìn kóng, " Sèngkeng ū kóng, ' M̄ thang chhìthàm Chú, lí ê SiōngChú.'"( chù: SBK 6:16) 13 Mô͘kúi só͘ū ê chhìthàm lóng ēng liáu, chiū chiāmsî līkhui Iâso͘.

Iâso͘ Khaisí Tī Kalīlī Thoântō (Mt 4:1217;Mk 1:1415)
14 Jiânāu Iâso͘ siū SèngSîn ê koânlêng chhiongmóa, tòtńgkhì Kalīlīséng. I ê miâsiaⁿ thoân kàu sìchiuûi ê tē hng. 15 I tī ta̍kê hōetn̂g kàsī lâng, siū kûnchiòng ê chhengchàn.

Iâso͘ Tī Násatle̍k Hông Kīchoa̍t (Mt 13:5358;Mk 6:16)
16 Iâso͘ tńgkhì kàu I sêngtióng ê kò͘hiong Násatle̍k. Tī Anhiohji̍t, I chiàu pêngsiông ê si̍pkoàn ji̍pkhì hōetn̂g, khiā khílâi tehbeh tha̍k Sèngkeng. 17 Ūlâng the̍h sianti Ísàia ê chheh hō͘ I. I chiū hiankhui, chhōe tio̍h chi̍t só͘chāi ū kìchài: 18 Chú ê SèngSîn lîmkàu Góa, Inūi I ēng iû boah Góa, hō͘ Góa thang thoân Hokim hō͘ sànchhiah lâng. I chhephài Góa lâi soanpò͘ kóng, ' Siū lia̍h ê lâng ē tit tio̍h tháupàng, chheⁿmêê ē koh khòaⁿkìⁿ, siū appek ê lâng ē tit tio̍h chūiû. 19 koh soanpò͘ SiōngChú ê Hinî."( chù: ISA 61:12; 58:6) 20 Iâso͘ kā chheh kǹg khílâi, hêng hōetn̂g ê chipsū, chiū chē lo̍hlâi. Hōetn̂g lāi ê chènglâng lóng chùba̍k kā I khòaⁿ. 21 Iâso͘ chiū khuichhùi tùi in kóng, " Chittōaⁿ Sèngkeng, kin'áji̍t lín thiaⁿ tio̍h ê sî íkeng si̍thiān ā." 22 Chènglâng lóng chhengchàn Iâso͘, tùi I só͘ kóng untián ê ōe kámkak kîkoài, kóng, " Chitê lâng kám m̄ sī Ioksek ê kiáⁿ?" 23 Iâso͘ tùi in kóng, " Lín ittēng ē íniōng ' Iseng ah, lí tio̍h kakī i.' chitkù sio̍kgí tùi Góa kóng, ' Goán ū thiaⁿ tio̍h Lí tī Kapeklông chò chinchē tāichì, taⁿ mā tio̍h tī Lí ê kò͘hiong lâi chò.'" 24 Iâso͘ koh kèsio̍k kóng, " Góa si̍tchāi kā lín kóng, sianti bô chi̍tê tī kakī ê kò͘hiong hō͘ lâng chiapla̍p." 25 Góa kā lín kóng si̍tōe, tī Ílīa ê sîtāi ū khònghān saⁿnîpòaⁿ kú, ta̍k só͘chāi lóng tōa kihng, hit sî Íseklia̍t tiong ū chinchē kóaⁿhū. 26 Ílīa m̄ bat hōngchhe khì chhōe hiahê kóaⁿhū tiongkan ê chi̍tê lâng. I kantāⁿ khì Setùn ê Satle̍ktāi chhōe chi̍tê kóaⁿhū. 27 Koh tī sianti Ílīsa ê sîtāi, Íseklia̍t tiong ū chinchē tháiko ê pēⁿlâng, tûliáu Sūlīalâng Náibān ígōa, bô kah chi̍tê lâng tit tio̍h chhengkhì." 28 Hōetn̂g lāi só͘ū ê lâng thiaⁿ tio̍h chiahê ōe, lóng huisiông siūkhì. 29 Hōechiòng chiū khílâi kóaⁿ Iâso͘ chhutkhì siâⁿgōa, in ê siâⁿ khí tī soaⁿténg, hōechiòng kā I thoa kàu soaⁿkhàm, beh kā I chhia lo̍hkhì. 30 M̄ koh Iâso͘ tùi in tiongkan kiâⁿ kòekhì, chò I khì.

Iâso͘ Ihó Siâsîn Hūsin ê Lâng (Mk 1:2128)
31 Iâso͘ lo̍hkhì Kalīlīséng chi̍tê Kapeklôngsiâⁿ, tī Anhiohji̍t tòa hia kàsī lâng. 32 Lâng tùi I ê kàsī kámkak kîkoài, inūi I ê ōe ū koânui. 33 Hōetn̂g lāi ū chi̍tê hō͘ siâsîn hūsin ê lâng, tōasiaⁿ hoah kóng, 34 " Haiⁿh, Násatle̍k lâng Iâso͘, Lí hôpit lâi kansia̍p goán? Lí beh lâi húibia̍t goán, sībô? Góa chai Lí sī siáⁿmi̍hkhoán lâng. Lí sī SiōngChú ê SèngKiáⁿ." 35 Iâso͘ kā i chekpī kóng, " Tiāmkhì! tùi chitê lâng chhutkhì!" Kúi tī chènglâng bīnchêng kā hitê lâng chhiató chiū chhutkhì, lóng bô kā i sionghāi tio̍h. 36 Chènglâng tio̍hkiaⁿ koh kîkoài, chòhóe gīlūn kóng, " Che sī siáⁿmi̍h ōe? I ēng koânpèng kah lêngle̍k bēnglēng chiahê siâsîn, in chiū chhutkhì." 37 Iâso͘ ê miâsiaⁿ chiū thoân kàu sìchiuûi ê ta̍k só͘chāi.

Iâso͘ Ihó Chin Chē PēⁿLâng (Mt 8:1417;Mk 1:2934)
38 Iâso͘ tùi hōetn̂g chhutlâi, ji̍pkhì Sebûn ê chhù. Sebûn ê tiūⁿḿ hoatjia̍t chin sio; ūlâng thè i kiû Iâso͘ itī. 39 Iâso͘ khiā óakhì, àⁿ lo̍hkhì chekpī i ê jia̍tpēⁿ, jia̍t chiū thè, hūjînlâng sûisî khílâi kā in chiapthāi. 40 Ji̍t lo̍h ê sî, chènglâng chhōa ū pēⁿ ê lâng, bôlūn hoān tio̍h siáⁿmi̍h pēⁿ, lóng chhōalâi chhōe Iâso͘. Iâso͘ kā ta̍klâng hōaⁿchhiú, lâi kā in ê pēⁿ ihó. 41 Koh ū kúi tùi chinchē lâng ê sengkhu chhutkhì, tōasiaⁿ hoah kóng, " Lí chiūsī SiōngChú ê Kiáⁿ." Iâso͘ inūi kúi bat I sī Kitok, chiū chekpī hiahê kúi, m̄ chún in kóng.

Iâso͘ tī Hōetn̂g Thoântō (Mk 1:3539)
42 Thiⁿkng ê sî, Iâso͘ khì kàu phianphiah ê só͘chāi; kuitīn lâng lâi chhōe I, chhōe tio̍h chiū kā i lâu, chhiáⁿ I m̄ thang līkhui in. 43 M̄ koh Iâso͘ tùi in kóng, " Góa mā tio̍h khì pa̍tê siâⁿchhī thoân SiōngChú Koktō͘ ê Hokim, inūi che sī SiōngChú chhephài Góa lâi ê bo̍ktek." 44 Iâso͘ chiū kèsio̍k tī Kalīlīséng ê kok hōetn̂g thoân Hokim.