《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第七章

作者 巴克禮普世版小組 2013.05.26

Iâso͘ Ihó Lômá Kunkoaⁿ ê Lô͘po̍k (Mt 8:513;Ih 4:4354)
1 Iâso͘ kóng hō͘ bînchiòng thiaⁿ ê ōe kóngsoah liáuāu, chiū ji̍pkhì Kapeklông. 2 Ū chi̍tê Lômá ê liântiúⁿ só͘ tiōngiōng ê lô͘po̍k, phòapēⁿ kah tehbeh sí. 3 Chitê kunkoaⁿ thiaⁿ tio̍h Iâso͘ ê tāichì, chiū chhe kúināê Iûthàilâng ê tiúⁿló, khì kiû Iâso͘ lâi itī i ê lô͘po̍k. 4 In lâi kìⁿ Iâso͘ chiū pekchhiat kiû I kóng, " Chitê lâng ē khamtit Lí kā i pangchō͘, 5 inūi i àihō͘ lán Iûthàilâng, koh púnsin ūi lán khí hōetn̂g." 6 Iâso͘ chiū kah in khì. Lī liântiúⁿ ê chhù bô jōa hn̄g ê sî, liântiúⁿ ū chhe kúināê pêngiú lâi kā Iâso͘ kóng, " Chú ah, m̄ thang kā Lí lôhoân. góa bē khamtit Lí lâi góa ê chhù. 7 Góa mā siūⁿkóng kakī bē khamtit lâi chhōe Lí. Lí nā kóng chi̍tkù ōe, góa ê lô͘po̍k chiū ē hókhì. 8 Inūi góa mā sī hō͘ lâng koán ê lâng, mā ū peng hō͘ góa koán. Góa kā chitê kóng, ' Khì', i chiū khì; kā hitê kóng, ' Lâi', i chiū lâi; kā góa ê lô͘po̍k kóng, ' Ánne chò', i chiū ánne khì chò." 9 Iâso͘ thiaⁿ tio̍h chiahê ōe chiū kámkak kîkoài, oa̍ttńgsin kā tòe I ê kûnchiòng kóng, " Góa kā lín kóng, liân Íseklia̍tlâng ê tiongkan, Góa to m̄ bat khòaⁿ tio̍h chhinchhiūⁿ chitkhoán ê sìnsim." 10 Siū chhe ê lâng tńgkhì kàu chhù, khòaⁿ tio̍h lô͘po̍k íkeng hókhì à.

Iâso͘ Hō͘ Kóaⁿhū ê Kiáⁿ Kohoa̍h
11 Koh bô jōa kú, Iâso͘ khì chi̍tê siâⁿ miâkiò Náin. I ê bûntô͘ kah kui tōatīn lâng, tòe I chòhóe kiâⁿ. 12 Beh kàu siâⁿmn̂g ê sî, túhó ūlâng kng chi̍tê sílâng chhutlâi. Sílâng ê lāubú ko͘ko͘ seⁿ chitê kiáⁿ, koh sī kóaⁿhū. Siâⁿlāi ū chinchē lâng teh kā i sàngchòng. 13 Iâso͘ chi̍tē khòaⁿ tio̍h, chiū kā i liânbín, kóng, " M̄ thang háu." 14 Iâso͘ chiū kiâⁿ óakhì, bong hitê kng sinsi ê kè, kng ê lâng chiū thêngkha. Iâso͘ kóng, " Siàuliân lâng, Góa kā lí kóng, ' Khílâi!'" 15 Sílâng chiū peh khílâi chē, sòa khuichhùi kóngōe. 16 Iâso͘ chiū kā chitê siàuliânlâng kau hō͘ i ê lāubú. Chènglâng lóng kiaⁿhiâⁿ, kui êngkng hō͘ SiōngChú, kóng, " Lán tiongkan ū hengkhí chi̍tê tōa sianti ." koh kóng, " SiōngChú ū teh khòaⁿkò͘ I e chúbîn." 17 Chiū ánne, Iâso͘ chitê miâsiaⁿ thoân kàu Iûthài kah sìchiuûi ê ta̍k só͘chāi.

Kiâⁿsélé Iokhān Chhe Bûntô͘ Khì Kìⁿ Iâso͘ (Mt 11:219)
18 Iokhān ê bûntô͘ kā chiahê tāichì lóngchóng pò hō͘ in ê lāusu chai. 19 Iokhān chiū kiò nn̄gê bûntô͘ lâi, chhe in khì mn̄g Iâso͘: " Lí kám sī tehbeh lâi ê Hitūi? Á sī goán tio̍h koh thènghāu pa̍tlâng?" 20 Hit nn̄g lâng lâi kìⁿ Iâso͘ chiū kóng, " Sisechiá Iokhān chhe goán lâi chhiáⁿmn̄g Lí, ' Lí kám sī tehbeh lâi ê Hitūi? Á sī goán tio̍h koh thènghāu pa̍tlâng?'" 21 Hit sî Iâso͘ ū ihó chinchē sinkhó͘ pēⁿthiàⁿ kah hō͘ siâsîn hūsin ê lâng, koh hō͘ chinchē chheⁿmêê kohchài khòaⁿkìⁿ. 22 Iâso͘ chiū ìn kóng, " Lín tio̍h khì, kā lín só͘ khòaⁿ tio̍h kah só͘ thiaⁿ tio̍h ê tāichì pò Iokhān chai, chiūsī chheⁿmêê koh khòaⁿkìⁿ, páikhaê kiâⁿlō͘, tháiko ê chhengkhì, chhàuhīⁿlâng ê koh thiaⁿkìⁿ, sílâng kohoa̍h, sànchhiah lâng ē tàng thiaⁿ Hokim. 23 Tùi Góa bô sitkhì sìnsim ê lâng, si̍tchāi ū hokkhì." 24 Iokhān só͘ chhe ê lâng tńgkhì liáuāu, Iâso͘ chiah thêkhí Iokhān ê tāichì, tùi kûnchiòng kóng, " Lín chêng chhutkhì khòngiá, beh khòaⁿ siáⁿmi̍h? Kám sī lô͘tek hō͘ hong teh chhoe tíntāng? 25 Ánne lín chhutkhì beh khòaⁿ siáⁿmi̍h? Kám sī beh khòaⁿ lâng chhēng chhiahoa ê saⁿkhò͘? Lí khòaⁿ, chhēng saⁿ ênghôa hùkùi koh hióngsiū iànlo̍k ê lâng sī tī ôngkiong. 26 Ánne, lín chhutkhì beh khòaⁿ siáⁿmi̍h? Kám sī sianti? Sī, m̄ koh góa kā lín kóng kòe, I pí sianti kohkhah úitāi. 27 Sèngkeng ū kìchài koanhē Iokhān, kóng, " Lí khòaⁿ, Góa chhe sùchiá chò Lí ê chiânhong, I beh tī lí ê thâuchêng chúnpī Lí ê tōlō͘.( chù: MLK 3:1) 28 Góa kā lín kóng, hūjînlâng só͘ seⁿ ê bô chi̍tê pí Iokhān khah úitāi, m̄ koh tī SiōngChú Koktō͘ lāi bîsè ê iáu pí i khah úitāi." 29 Thiaⁿ tio̍h chiahê ōe ê bînchiòng, liân thiusòeê mā lóng sêngjīn SiōngChú sī konggī, inūi in lóng ū niásiū Iokhān ê sélé. 30 M̄ koh Hoatlīsàiphài ê lâng kah lu̍thoatkàusu, kīchoa̍t SiōngChú ūi in só͘ anpâi ê chíì, inūi in lóng bô siū Iokhān ê sélé. 31 Iâso͘ koh kóng, " Chit sètāi ê lâng, Góa beh ēng siáⁿmi̍h lâi píphēng? In chhinchhiūⁿ siáⁿkhoán ê lâng? 32 In ná chhinchhiūⁿ gín'á chē tī kelō͘kháu, hō͘siōng tōasiaⁿ hoah kóng, ' Goán tùi lín pûn phín'á, lín bô thiàubú! Goán tùi lín chhiùⁿ chòngsek ê aikoa, lín bô thîkhàu. 33 Inūi kiâⁿsélé Iokhān lâi, bô chia̍h piáⁿ bô lim chiú, lín chiū kóng, ' I hō͘ siâsîn hūsin.' 34 Jînchú lâi mā chia̍h mā lim, lín chiū kóng, ' I sī thamchia̍h hò͘ⁿchiú ê lâng, sī thiusòeê kah pháiⁿlâng ê pêngiú.' 35 M̄ koh chèngbêng SiōngChú ê tìhūi sī chinsi̍t, sī hiahê chunsiú SiōngChú tìhūi ê lâng."

Ū Chōe ê Hūjînlâng Tit tio̍h Siàbián
36 Ū chi̍tê Hoatlīsàiphài ê lâng chhiáⁿ Iâso͘ chia̍hpn̄g. I chiū ji̍pkhì Hoatlīsàiphài ê lâng ê chhù chē toh. 37 Hit sî, siâⁿlāi ū chi̍tê pháiⁿ chabó͘lâng, chai Iâso͘ tī Hoatlīsàiphài ê lâng ê chhù teh chia̍hpn̄g, chiū tòa chi̍tkoàn té phangiû ê ge̍kkoàn lâi. 38 Hitê chabó͘lâng khiā tī Iâso͘ ê āubīn teh thîkhàu, ū ba̍ksái kā Iâso͘ ê kha tihtâm. I chiū ēng kakī ê thâumn̂g lâi chhit, koh chia̍pchia̍p chim Iâso͘ ê kha, ēng phangiû lâi boah kha. 39 Chhiáⁿ Iâso͘ chia̍hpn̄g ê Hoatlīsàiphài ê lâng khòaⁿ tio̍h ánne, simlāi siūⁿkóng, chitê lâng nā sī sianti, ittēng ē chai sī siáⁿlâng kā I bong, sī siáⁿkhoán ê chabó͘lâng? Inūi hitê chabó͘lâng sī pháiⁿ chabó͘. 40 Iâso͘ kā Sebûn kóng, " Góa ū ōe beh kā lí kóng." Sebûn ìn kóng, " Lāusu, chhiáⁿ kóng." 41 Iâso͘ kóng, " Ū nn̄gê lâng khiàm chèchú ê chîⁿ. Chi̍tê khiàm i gō͘pah ê gîn'á, chi̍tê khiàm i gō͘cha̍p. 42 Inūi nn̄gê lóng bô hoattō͘ hêng chè, chèchú chiū biántû in nn̄g lâng ê chè. Ánne, tó chi̍tê ē khah thiàⁿ chèchú?" 43 Sebûn ìn kóng, " Góa siūⁿ sī hitê hō͘ i biántû khahchē chèbū ê lâng." Iâso͘ kā i kóng, " Lí ê phòaⁿtoàn chèngkhak." 44 Jiânāu Iâso͘ oa̍tthâu ǹg hūjînlâng, kā Sebûn kóng, " Lí khòaⁿ tio̍h chitê hūjînlâng bô? Góa ji̍pkhì lí ê chhù, lí bô ēng chúi hō͘ Góa sé kha, m̄ koh i ēng ba̍ksái tihtâm Góa ê kha, koh ēng thâumn̂g lâi kā Góa chhit kha. 45 Lí bô kā Góa chim, m̄ koh chitê hūjînlâng tùi Góa ji̍plâi ê sî to̍h itti̍t bô thêng chim Góa ê kha. 46 Lí bô ēng iû boah Góa ê thâukhak, m̄ koh i ēng phangiû boah Góa ê kha. 47 Só͘í Góa kā lí kóng, i ê thiàⁿ khahchē piáusī i chinchē ê chōe íkeng tit tio̍h siàbián. Tit tio̍h siàbián chió ê lâng, i piáuta̍t chhutlâi ê thiàⁿ chiū chió." 48 Iâso͘ kā hitê hūjînlâng kóng, " Lí ê chōe tit tio̍h siàbián à." 49 Kângtoh ê lâng simlāi siūⁿ, chitê teh sià chōe ê sī siáⁿlâng? 50 Iâso͘ koh tùi hitê hūjînlâng kóng, "Lí ê sìnsim ū kiù tio̍h lí, chò lí ansim tńgkhì."