《巴克禮普世版聖經（試讀本）》

 | | | 轉寄

巴克禮普世版（試讀本）_馬太福音第五章

作者 巴克禮普世版小組 2011.04.24

1) Iâso͘ khòaⁿ tio̍h hiahê kuitīn ê lâng, chiū pehchiūⁿ soaⁿ; chē lo̍hlâi, I ê bûntô͘ chiū óalâi.
2) I khaisí kàsī in:
3) " Chaiiaⁿ tio̍h óakhò Siōngchú ê lâng si̍tchāi ū hokkhì, inūi in ē chiâⁿchò Thiankok ê chúbîn!
4) Ūi tio̍h chōekò iubūn ê lâng si̍tchāi ū hokkhì, inūi Siōngchú ē kā in anùi!
5) Unjiû ê lâng si̍tchāi ū hokkhì, inūi Siōngchú ē siúⁿsù in I só͘ èngún ê thó͘tē!
6) Jia̍tchhiat himbō͘ boeh si̍thiān Siōngchú chíì ê lâng si̍tchāi ū hokkhì, inūi Siōngchú ē hō͘ in móachiok!
7) Gâu lînbín lâng ê lâng si̍tchāi ū hokkhì, inūi Siōngchú ē kā in lînbín!
8) Simkoaⁿ chhengkhì ê lâng si̍tchāi ū hokkhì, inūi in ē khòaⁿ tio̍h Siōngchú!
9) Chhiokchìn hôpêng ê lâng si̍tchāi ū hokkhì, inūi in ē chiâⁿchò Siōngchú ê kiáⁿjî!
10) Ūi tio̍h si̍thiān Siōngchú ê chíì lâi siū pekhāi ê lâng si̍tchāi ū hokkhì, inūi in ē chiâⁿchò Thiankok ê chúbîn!
11) Nā ūi tio̍h góa ê iânkò͘ hō͘ lâng bújio̍k, pekhāi, húipòng, lín chiū si̍tchāi ū hokkhì.
12) Tio̍h hoaⁿhí khoàilo̍k, inūi lín tī thiⁿténg ū chin tōa ê pòsiúⁿ boeh hō͘ lín; lín kó͘chá ê sianti iā sī ánne hō͘ lâng pekhāi."
13) " Lín ná chhinchhiūⁿ sèkanlâng ê iâm; iâm nā sit bī, boeh ánchóaⁿ hō͘ i koh ū kiâmbī? Nā sitkhì kiâmbī chiū bô lō͘ēng ā, chíū hiat khì gōabīn, hō͘ lâng thúnta̍h."
14) " Lín sī sèkan ê kng; khí tī soaⁿténg ê siâⁿ amkhàm bē tiâu.
15) Bô lâng tiám teng khàm tòa bítáu lāibīn, lóng sī kā i chhāi tī tengtâi téng, lâi chiò kng hō͘ chhùlāi ê lâng.
16) Chhinchhiūⁿ ánne, lín ê kng tio̍h chiò tī lâng ê bīnchêng, hō͘ in khòaⁿ tio̍h lín ê hó hêngûi, lâi êngkng lín tī thiⁿténg ê Pē."
17) " M̄ thang siūⁿ kóng góa lâi ê bo̍ktek sī boeh hòetû Mô͘se ê lu̍thoat á sī sianti ê kàsī; góa lâi m̄ sī boeh hòebô, sī boeh sêngchoân.
18) Góa si̍tchāi kā lín kóng, Chiūsī kàu thiⁿtē siausit, itti̍t kàu lu̍thoat ê bo̍ktek lóng ta̍tsêng, lu̍thoat ê chi̍t tiám chi̍t oe̍h iā bē siausit khì.
19) Só͘í, nā ū lâng hoān tio̍h suijiân sī kàibēng tiong siōngsè ê chi̍t tiâu, koh ánne kàsī lâng khì hoān, i tī Thiankok sǹgchò sī siōngsè; chíū si̍thiān kàibēng koh kàsī lâng khì kiâⁿ, i tī Thiankok chiū ē sǹgchò sī siōng tōa ê.
20) Góa kā lín kóng, lín nā bô pí kengha̍kkàusu kap Hoatlīsàiphài ê lâng khah tiongsi̍t lâi chunsiú Siōngchú ê chíì, choa̍ttùi bē tàng ji̍p Thiankok."
21) " Lín bat thiaⁿ tio̍h lu̍thoat tùi kó͘chálâng kóng, 'M̄ thang hāisí lâng; hāisí lâng ê tio̍h siū símphòaⁿ.'
22) Tānsī góa kā lín kóng: tùi hiaⁿtī chíbē siūkhì ê lâng, lóng tio̍h siū símphòaⁿ. Mē hiaⁿtī chíbē 'pn̄gtháng' ê lâng, tio̍h chiūⁿ hoattêng; mē hiaⁿtī chíbē 'gōngtai' ê lâng, ittēng tio̍h siū tē ge̍k ê hóehêng.
23) Só͘í, lí khì chètôaⁿ hiàn chèmi̍h ê sî, nā siūⁿkhí lí ê hiaⁿtī chíbē tùi lí ū símmi̍h putmóa;
24) lí tio̍h pànghē lí ê lémi̍h tī chètôaⁿ, tāiseng khì kap lí ê hiaⁿtī chíbē hôhó, jiânāu chiah tńglâi hiàn chèmi̍h."
25) " Nā ū lâng kā lí kò͘sò͘, boeh thoa lí khì hoattêng, iáu tī lō͘ni̍h ê sî, tio̍h thànchá kap i hôkái, nā bô i ē kā lí kau hō͘ hoattêng, símphòaⁿkoaⁿ kā lí kau hō͘ gêia̍h khì koaiⁿ lo̍h kaⁿ.
26) Góa si̍tchāi kā lí kóng, chòeāu ê chi̍t sián chîⁿ bô hêng chhengchhó, lí choa̍ttùi bē tàng tùi hia chhutlâi."
27) " Lín bat thiaⁿ tio̍h lu̍thoat kàsī lâng kóng, M̄ thang hoān kanîm;
28) m̄ koh góa kā lín kóng, Tng jīmhô chapo͘lâng khìtô͘ pàchiàm lâng ê bó͘,koh sîsiông ba̍kchiu kimkim teh khòaⁿ chitê chabó͘lâng ê sî ,hit lâng simlāi íkeng hō͘ chitê chabó͘lâng chiâⁿchò îmhū.
29) Nāsī lí ê chiàⁿ ba̍k ínkhí lí hoānchōe, lí tio̍h kā i ó͘ hiatka̍k; lêngkhó sòngsit sengkhu ê chi̍t pō͘hūn, pí choânsin hóhó hiatlo̍h tē ga̍k khah hó.
30) Lí ê chiàⁿ chhiú nā ínkhí lí hoānchōe, tio̍h kā i chām hiatka̍k; lêngkhó sòngsit sengkhu ê chi̍t pō͘hūn, pí kui sengkhu hóhó hiatlo̍h tē ga̍k khahhó."
31) " Koh ū lu̍thoat ánne kóng, 'Lâng nā boeh kap i ê bó͘ lîhun, tio̍h hō͘ i lîhun chèngsu.'
32) Tānsī góa kā lín kóng, lâng nā m̄ sī inūi bó͘ kap lâng suthong lâi kā i lîhun, chitê hūjînlâng nā koh kè, chiū hāi i hoān kanîm; nā ū lâng chhōa chitê hūjînlâng mā sī hoān kanîm."
33) " Lín iā bat thiaⁿ tio̍h lu̍thoat kàsī kó͘chá lâng kóng, ' M̄ thang ûipōe chiùchōa, lí tī Siōngchú bīnchêng só͘ chiù ê chōa, ittēng tio̍h si̍thêng.'
34) Tānsī góa kā lín kóng： lóng m̄ thang chiùchōa; m̄ thang kí thiⁿ lâi chiùchōa, inūi thiⁿ sī Siōngchú ê póchō;
35) mā m̄ thang kí tē lâi chiùchōa, inūi tē sī Siōngchú ê khatiam; mā m̄ thang kí Iâlō͘satléng lâi chiùchōa, inūi Iâlō͘satléng sī tōa Jînkun ê siâⁿ.
36) Iā m̄ thang kí lí ê thâukhak lâi chiùchōa, inūi lí bē tàng hō͘ chi̍t ki thâumn̂g piàn o͘ á sī piàn pe̍h.
37) Lín kóngōe engkai, 'Sī' chiū kóng 'Sī'; 'M̄ sī' chiū kóng 'M̄ sī'. kîtha ke kóng ê sī tùi hit ê mô͘kúi chhutlâi ê."
38) " Lín iā bat thiaⁿ tio̍h lu̍thoat ê kàsī kóng, 'Ba̍kchiu pôe ba̍kchiu, chhùikhí pôe chhùikhí."
39) Tānsī Góa kā lín kóng: m̄ thang ' Í ok pò ok.' Nā ū lâng siàn lí chiàⁿpêng ê chhùiphé, liân tòpêng mā oa̍t hō͘ i siàn.
40) Lâng nā kò lí, boeh the̍h lí ê lāisaⁿ, liân gōasaⁿ mā pàng hō͘ i.
41) Nā ū lâng kiôngpek lí phāiⁿ i ê hênglí kiâⁿ chi̍t lí, tio̍h kap i kiâⁿ nn̄g lí lō͘.
42) Nā ū lâng tùi lí kiû símmi̍h, tio̍h hō͘ i; nā boeh kā lí chioh, m̄ thang kīchoa̍t.
43) " Lín iā bat thiaⁿ tio̍h lu̍thoat ê kàsī kóng, 'Tio̍h thiàⁿ lí ê chhùpiⁿ, oànhūn lí ê tùite̍k.'
44) tānsī Góa kā lín kóng: tio̍h thiàⁿ lín ê tùite̍k, tio̍h thè pekhāi lín ê lâng kîtó.
45) Lín nā ánne chò, chiū ē chiâⁿchò Thiⁿpē ê kiáⁿjî; inūi I hō͘ ji̍tthâu chiò pháiⁿ lâng kap hó lâng, iā lo̍hhō͘ ak gīlâng kap putgī ê lâng.
46) Inūi lín nā kanta thiàⁿ hiahê thiàⁿ lín ê lâng, kám ē tàng tit tio̍h símmi̍h pòsiúⁿ? Liân hiahê thiusòe ê mā ē hiáu ánne chò.
47) Lín nā kanta tùi lín ê hiaⁿtī chíbē chhéngan, ū símmi̍h pí pa̍tlâng khah te̍kpia̍t? Kám m̄ sī liân gōapanglâng mā ánne teh chò?
48 Só͘í lín tio̍h chhinchhiūⁿ lín ê ThiⁿPē hit khoán ê oânchoân.