《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十一章

作者 巴克禮普世版小組 2013.06.23

Kîtó ê Kàsī (Mt 6:915; 7:711)
1 Iâso͘ tī chi̍tê só͘chāi kîtó. Kîtó soah ê sî, ū chi̍tê bûntô͘ tùi I kóng, " Chú ah, chhinchhiūⁿ Iokhān ū kàsī i ê bûntô͘ kîtó, kiû Lí mā kàsī goán kîtó." 2 Iâso͘ kā in kóng, " Lín kîtó ê sî tio̍h ánne kóng: ThiⁿPē ah, goān Lí ê miâ sèng, Lí ê kok lîmkàu. 3 Kiû Lí ta̍kji̍t chiàusî sù goán chia̍hmi̍h. 4 Siàbián goán ê chōe, inūi goán mā ū siàbián ko͘hū goán ê lâng. M̄ thang chhōa goán ji̍pkhì goán tamtng bē khí ê chhìthàm." 5 Iâso͘ koh kā bûntô͘ kóng, " Lín siáⁿlâng ū pêngiú, lí pòaⁿmê khì chhōe i kóng, ' Pêngiú ah, the̍h saⁿtè piáⁿ chioh góa, 6 inūi góa ū pêngiú líhêng lâi chhōe góa, góa bô mi̍h thang chhiáⁿ i chia̍h.' 7 Lí hitê pêngiú tùi lāibīn ìn kóng, ' Mài chhá lah, mn̂g íkeng koaiⁿ, góa kah gín'á tī chhn̂gni̍h teh khùn. Góa bē tàng khílâi the̍h hō͘ lí.' 8 Góa kā lí kóng, suijiân hit lâng bē tàiliām tio̍h pêngiú, khílâi the̍h piáⁿ hō͘ lí, m̄ koh ē inūi lí ê pekchhiat khúnkiû, khílâi the̍h lí só͘ suiàu ê mi̍h hō͘ lí. 9 Só͘í Góa koh kā lín kóng: Kiû ē tit tio̍h, chhōe ē chhōe tio̍h, phah mn̂g ē kā lín khui. 10 Inūi ū kiû chiū ē tit tio̍h, ū chhōe chiū ē chhōe tio̍h, ū phah mn̂g chiū ē kā i khui. 11 Lín chò lāupē ê lâng, kakī ê kiáⁿ lâi thó piáⁿ, lí kám ē the̍h chio̍hthâu hō͘ i ? Á sī lâi thó hî, lí kám ē chiong chôa chúnchò hî hō͘ i? 12 Á sī thó nn̄g, lí kám ē chiong giat'á hō͘ i? 13 Lín chiahê lâng suijiân pháiⁿ, iáukoh ē hiáu ēng hómi̍h hō͘ lín ê kiáⁿjî, hôhòng lín tī thiⁿténg ê ThiⁿPē, kám bô ēng SèngSîn lâi hō͘ tùi I khúnkiû ê lâng?

Iâso͘ kah Kúiông Pia̍tsepok (Mt 12:2230; Mk 3:2027)
14 Iâso͘ kóaⁿ chi̍tê ékáu siâsîn chhutkhì, ékáuê lâng chiū kóngōe. Kûnchiòng lóng kámkak kîkoài. 15 M̄ koh kîtiong ū kúinā lâng kóng, " I kóaⁿkúi sī khò kúiông Pia̍tsepok." 16 Koh ūlâng beh chhìthàm Iâso͘, iaukiû I kiâⁿ tùi thiⁿ lâi ê sînjiah. 17 Iâso͘ chai in ê simsu chiū kā in kóng, " Kokka nā kakī khí huncheng, chiū ē phahng; katêng nā bē hô, ittēng ē phòachhùi. 18 Sattàn nā kakī khí huncheng, i ê kok tháithó khiā ē tiâu? Lín kóng Góa khò Pia̍tsepok kóaⁿkúi. 19 Góa nā khò Pia̍tsepok kóaⁿkúi, lín ê chútē kóaⁿkúi sī óakhò siáⁿlâng lè? Ánne lín ê chútē ē hoánpo̍k lín ê kónghoat. 20 Chóngsī góa nā khò SiōngChú ê khùila̍t kóaⁿkúi, SiōngChú Koktō͘ chiū íkeng tī lín ê tiongkan si̍thêng." 21 " Ióngsū nā chhēng khoekah gia̍h kesi kò͘siú i ê chhù, i só͘ū ê châisán chiū anchoân. 22 M̄ koh nā ū chi̍tê pí i khah béng ê lâi phah iâⁿ i, kā i só͘ óakhò ê choânhù búkhì chhiúⁿkhì, koh chiong i ê châibu̍t pun liáuliáu." 23 " Bô ūi Góa ê lâng, chiūsī kah Góa tùite̍k; bô hia̍pchō͘ Góa ê lâng, chiūsī teh kā Góa phòhoāi."

Siâsîn Tò Tńgkhì (Mt 12:4345)
24 " Siâsîn līkhui hūsin ê lâng liáuāu, kengkòe bô chúi ê tē, beh chhōe hiohkhùn ê só͘chāi chhōe lóng bô, chiū kóng, ' Góa beh tńgkhì chhutlâi ê hitkeng chhù.' 25 Tńg kàuūi chi̍t khòaⁿ, chhùlāi piàⁿsàu kah chin chhengkhì koh chéngchê. 26 Hitê siâsîn chiū koh khì tòa chhitê pí kakī khah pháiⁿ ê siâsîn lâi, ji̍pkhì hia tòa. Hit lâng ê kiatkio̍k pí khíthâu kohkhah chhám."

Chinchiàⁿ ê Hokkhì
27 Iâso͘ teh kóng chiahê ōe ê sî, kûnchiòng tiongkan ū chi̍tê hūjînlâng tōasiaⁿ tùi I kóng, " Seⁿ Lí koh hō͘ Lí suhleng ê hūjînlâng, chin ū hokkhì!" 28 M̄ koh Iâso͘ ìn kóng, " Thiaⁿ SiōngChú ê tōlí lâi chunsiú ê lâng, kohkhah ū hokkhì!"

Chènglâng Iaukiû Sînjiah (Mt 12:3842; Mk 8:12)
29 Kûnchiòng jú lâi jú chē, Iâso͘ chiū kóng, " Chit sètāi sī pháiⁿ ê sètāi, in kiû sînjiah, m̄ koh tûliáu Iokná ê sînjiah ígōa, bô koh ū sînjiah hō͘ in. 30 Tú chhinchhiūⁿ Iokná chiâⁿchò Nînîbî lâng ê sînjiah, Jînchú mā beh chiâⁿchò chit sètāi ê sînjiah. 31 Tī símphòaⁿ ê sî, Lâmhong ê lúông beh kah chit sètāi ê lâng chòhóe kohoa̍h khílâi, sòa kā chit sètāi ê lâng tēngchōe, inūi hitê lúông ū tùi tē ê ke̍kthâu, lâi thiaⁿ Só͘lôbûn tìhūi ê ōe, hôhòng tī chia ū pí Só͘lôbûn khah úitāi ê. 32 Tī símphòaⁿ ê sî, Nînîbîlâng ē kah chit sètāi ê lâng chòhóe kohoa̍h khílâi, sòa kā chit sètāi ê lâng tēngchōe, inūi Nînîbîlâng ū tùi Iokná só͘ thoân ê tōlí lâi hóekái, hôhòng tī chia ū pí Iokná kohkhah úitāi ê."

Ba̍kchiu Sī Sengkhu ê Kng (Mt 5:15;6:22~23)
33 Bôlâng tiám teng hē tī bôlâng khòaⁿkìⁿ ê só͘chāi, á sī khàm tòa bítáuē. Ittēng tio̍h hē tī tengtâi téng, hō͘ ji̍plâi ê lâng khòaⁿ tio̍h hitê kng. 34 Lí ê ba̍kchiu sī sengkhu ê teng. Lí ê ba̍kchiu nā kim, choân sengkhu chiū kngbêng; lí ê ba̍kchiu nā hoe, kui sengkhu chiū o͘àm. 35 Só͘í tio̍h chùì, m̄ thang hō͘ lí lāibīn ê kng àmkhì. 36 Lí choân sengkhu nā lóng kngbêng, bô chi̍ttiám'á o͘àm, chiū ē chhinchhiūⁿ teng kngiàⁿiàⁿ teh chiò lí, ē hō͘ lí oânchoân kngbêng."

Iâso͘ Chekpī Hoatlīsàiphài ê Lâng kah Kengha̍kkàusu(Mt 23:1~36;Mk 12:38~40)
37 Iâso͘ chiahê kóng soah ê sî, ū chi̍tê Hoatlīsàiphài ê lâng chhiáⁿ i chia̍hpn̄g. Iâso͘ chiū ji̍pkhì chē toh. 38 Hitê Hoatlīsàiphài ê lâng khòaⁿ tio̍h Iâso͘ bô séchhiú chiū lâi chia̍h, kámkak chin kîkoài. 39 Iâso͘ chiū kā i kóng, " Taⁿ lín Hoatlīsàiphài ê lâng kantāⁿ chhengkhì poe kah pôaⁿ ê gōabīn, m̄ koh lín lāibīn chhiongmóa thamio̍k kah siâok. 40 Lín chiahê gōnglâng, chhòngchō gōabīn ê SiōngChú kám m̄ sī mā ū chhòngchō lāibīn? 41 Tio̍h chiong chiahê lāibīn ê mi̍h the̍h lâi chínchè lâng, ánne lín ta̍khāng mi̍h chiū lóng chhengkhì." 42 Lín chiahê Hoatlīsàiphài ê lâng ū chaihō! Inūi lín chiong po̍khô, hôehiang'á, kah ta̍kchióng ê chhàise cha̍phūn thiu chi̍thūn hiàn hō͘ SiōngChú, m̄ koh bô tiōngsī konggī kah thiàⁿ SiōngChú ê tāichì. Kîsi̍t chiahê tio̍h engkai ánne chò, mā m̄ thang hutlio̍k téngbīn hiahê hōnghiàn. 43 Lín Hoatlīsàiphài ê lâng ū chaihō! inūi lín ài tī hōetn̂g lāi chē tōaūi, koh ài tī kelō͘ni̍h hō͘ lâng kā lín chhéngan. 44 Lín ū chaihō! inūi lín chhinchhiūⁿ khòaⁿ bē tio̍h sílâng ê bōng, lâng tùi hit téngbīn kiâⁿkòe mā m̄ chai." 45 Ū chi̍tê lu̍thoat ê kàusu ìn Iâso͘ kóng, " Lāusu, Lí kóng chiahê ōe mā bújio̍k tio̍h goán." 46 M̄ koh Iâso͘ ìn kóng, " Lín chiahê lu̍thoatkàusu mā ū chaihō! inūi lín chiong taⁿ bôhoat ê tāngtàⁿ hō͘ lâng taⁿ, m̄ koh lín kakī liân chi̍tki chéngthâu'á, to bô tíntāng lâi kiámkhin hiahê tāngtàⁿ. 47 Lín ittēng ū chaihō! inūi lín ūi lín chó͘sian sathāi ê sianti chō bōng. 48 Ánne, lín kakī chèngsi̍t lín mā chànsêng chó͘sian só͘ chò ê tāichì, koh hoaⁿhí lâi chō in ê bōng. 49 Só͘í SiōngChú ê Tìhūi ū kóng, ' Góa beh chhe sianti kah sùtô͘ khì in hia, kîtiong ūê in ē kā i hāisí, ūê in ē kā i pekhāi.' 50 Ánne tùi chhòngchō sèkài ílâi só͘ lâu chèng sianti ê hoeh lóng beh kā lín chit sètāi thó. 51 Chiūsī tùi Apek ê hoeh kàu Satkalīa sí tī tiān kah tôaⁿ ê tiongkan só͘ lâu ê hoeh. Góa si̍tchāi kā lín kóng, hiahê hoehchè lóng beh tùi lín chit sètāi ê lâng thó. 52 Lín chiahê lu̍thoatkàusu ū chaihō! inūi lín kā khui tìsek ê mn̂g ê sósî gia̍hkhì. Lín kakī bô beh ji̍pkhì, soah chó͘tòng siūⁿbeh ji̍pkhì ê lâng." 53 Iâso͘ tùi hia chhutlâi ê sî, kengha̍k kàusu kah Hoatlīsàiphài ê lâng chhutla̍t, kohkhah ke̍klia̍t kongkek Iâso͘, pek I kóng khahchē ōe. 54 In teh tán Iâso͘ kóng m̄ tio̍h ōe ê sî, thang lia̍h I ê ōephāng.