《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十四章

作者 巴克禮普世版小組 2013.07.14

Iâso͘ Tī Anhiohji̍t Ihó Pēⁿlâng
1 Ū chi̍tê Anhiohji̍t, Iâso͘ ji̍pkhì chi̍tê Hoatlīsàiphài thâulâng ê chhù chia̍hpn̄g. Ta̍kke teh koanchhat Iâso͘ ê só͘chò. 2 Túhó tī Iâso͘ ê bīnchêng, ū chi̍tê kó͘tiòngpēⁿ ê lâng. 3 Iâso͘ tùi lu̍thoatkàusu kah Hoatlīsàiphài ê lâng kóng, " Anhiohji̍t ipēⁿ thang á m̄ thang?" 4 Hiahê lâng chēngchēng. Iâso͘ chiū kā hitê lâng khan lâi, kā i ihó, hō͘ i tńgkhì. 5 Jiânāu Iâso͘ tùi in kóng, " Lín tiongkan siáⁿlâng ū lî á sī gû, tī Anhiohji̍t poa̍hlo̍h kaukhut, kám bô sûisî kā i giú khílâi?" 6 Hiahê lâng lóng bô ōe thang ìn.

ChúKheh Koanhē ê Kàsī
7 Iâso͘ khòaⁿ hiahê lângkheh teh kéng tōaūi, chiū ēng phìjū tùi in kóng, 8 " Lín hō͘ lâng chhiáⁿ khì hù huniàn ê sî, m̄ thang chē tōaūi, khióngkiaⁿ ū pí lí khah chunkùi ê lâng mā lâi hō͘ i chhiáⁿ. 9 Hit sî chhiáⁿ lí kah chhiáⁿ i ê chúlâng lâi kā lí kóng, ' Chhiáⁿ niū ūi hō͘ chitê lâng.' Lí ē kámkak kiànsiàu, soah tio̍h khì chē tī siōng bóe ê ūi. 10 Hō͘ lâng chhiáⁿ ê sî tio̍h khì chē bóeūi, Chhiáⁿ lí ê lâng lâi kā lí kóng, ' Pêngiú ah, chhiáⁿ lí khílâi chē tōaūi. Hit sî lí tī kângtoh ê lâng bīnchêng chiū ū thébiān. 11 Inūi kiaungō͘ ê lâng ē siū kàngkē, Khiampi ê lâng ē hō͘ lâng kā i thêko." 12 Jiânāu Iâso͘ mā kā chhiáⁿ I ê lâng kóng, " Lí pān tiongtàutǹg á sī àmtǹg, m̄ thang chhiáⁿ lí ê pêngiú, á sī hiaⁿtī, á sī chhinchiâⁿ, á sī hógia̍h ê chhùpiⁿ, chiah biántit in kā lí chhiáⁿ tò tńglâi, ánne lí soah siū lâng pòtap. 13 Lí pān toh chhiáⁿ lângkheh ê sî, tio̍h chhiáⁿ sànchhiahê, phòasiùⁿê, páikhaê, chheⁿmêê. 14 Ánne lí ittēng ē siū chiokhok, inūi in bô lêngle̍k kā lí pòtap. Tī gīlâng kohoa̍h ê sî, SiōngChú ē kā lí pòtap."

Iànse̍k ê Phìjū (Mt 22:110)
15 Kâng toh ê chi̍tê lâng thiaⁿ tio̍h chiahê ōe, chiū tùi Iâso͘ kóng, " Ē tàng tī SiōngChú Koktō͘ limchia̍h ê lâng, chin ū hokkhì!." 16 M̄ koh Iâso͘ kā i kóng, " Ū chi̍tê lâng pān tōa iànse̍k, chhiáⁿ chinchē lâng. 17 Kàu beh khuitoh ê sî, chhe i ê lô͘po̍k kā só͘ chhiáⁿ ê lâng kóng, ' Chhiáⁿ lín tio̍h lâi, ta̍khāng lóng chúnpī hósè à.' 18 M̄ koh in chi̍tê chi̍tê thesî. Thâuchi̍tê kā i kóng, ' Góa ū bóe chi̍ttè hn̂g, ittēng tio̍h khì khòaⁿ chi̍tē. Chhiáⁿ lí liōngkái.' 19 Koh chi̍tê lâng kóng, ' Góa ū bé gō͘tùi gû, tio̍h khì giāmsiu. Chhiáⁿ lí liōngkái.' 20 Koh chi̍tê lâng kóng, ' Góa tú chhōa bó͘, só͘í bē tàng khì.' 21 Lô͘po̍k tńgkhì chiong chiahê tāichì kā chúlâng kóng. HItê chúlâng siūkhì, kā i ê lô͘po̍k kóng, 'Kín chhutkhì siâⁿlāi ê kethâu hāngbóe, chhōa hiahê sànchhiahê, phòasiùⁿê, chheⁿmêê, páikha ê lâng lâi chia.' 22 Lô͘po̍k kóng, ' Chúlâng, lí só͘ hoanhù ê góa lóng íkeng chò à, m̄ koh iáukoh ū khangūi.' 23 Chúlâng tùi lô͘po̍k kóng, ' Chhutkhì lō͘ni̍h á sī lîpa piⁿ, kā hiahê lâng giú ji̍plâi, thang hō͘ góa ê chhù chē móa. 24 Góa kā lín kóng, chêng só͘ iauchhiáⁿ hiahê lâng, bô chi̍tê ē tàng chia̍h tio̍h Góa ê iànse̍k.'"

Chò Bûntô͘ ê Tāikè (Mt 10:3738)
25 Ū chinchē lâng kah Iâso͘ chòtīn kiâⁿ. Iâso͘ oa̍t kòelâi tùi in kóng, 26 " Siūⁿ beh lâi tòe Góa ê lâng, nā m̄ khéng pàngsak i ê pē bú, bó͘kiáⁿ, hiaⁿtī, chímōe, sīmchì kakī ê sèⁿmiā, chiū bē tàng chò Góa ê bûntô͘. 27 Bô giâ kakī ê si̍pjīkè lâi tòe Góa ê lâng, mā bē tàng chò Góa ê bûntô͘. 28 Lín tiongkan siáⁿlâng siūⁿbeh khí thah, kám bô tāiseng chē lo̍hlâi, sǹg khòaⁿ ū kàu chîⁿ thang oânsêng hitê kangthêng ábô? 29 Nā bô ánne chò, kiámchhái hē tē ki liáuāu soah bē tàng oânsêng kangthêng. Khòaⁿ tio̍h ê lâng lóng ē kā i thíchhiò, kóng, 30 ' Chitê lâng ū khaisí tāng kang, soah bē tàng oânsêng.' 31 Á sī ū chi̍tê ông beh kah pa̍tê ông kauchiàn, kám bô tāiseng chē lo̍hlâi, siūⁿ khòaⁿ ē tàng ēng chi̍tbān ê peng, tékhòng hitê chhōa nn̄gbān ê peng lâi kongkek ê ông ábē? 32 Nā chaiiáⁿ bē, i ē thàn hitê ông iáu tī hn̄ghn̄g ê sî, chhe sùchiá khì kah i kóng hô. 33 Ánne kâng khoán, lín tiongkan nā bô pàngsak kakī ê itchhè, chiū bē tàng chò Góa ê bûntô͘." 34 Sitbī ê Iâm (Mt 5:13; Mk 9:50) " Iâm chin ū lō͘ēng, m̄ koh iâm nā sitbī, beh ánchóaⁿ hôeho̍k i ê kiâmbī? 35 Sitbī ê iâm bē tàng lo̍hhn̂g, mā bē tàng kauhpûi. Chí ū hiat tiāu. Ū hīⁿkhang thang thiaⁿ ê lâng, tio̍h thiaⁿ!"