《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十七章

作者 巴克禮普世版小組 2013.08.04

Lūn Chōe, Sìnsim, Ho̍ksāi (Mt 17:20; 18:67, 2122; Mk 9:42)
1 Iâso͘ koh tùi bûntô͘ kóng, " Ínkhí lâng hoānchōe ê tāichì lânbián, m̄ koh hō͘ hitê tāichì hoatseng ê lâng ū chaihō! 2 Lêngkhó ēng tōa chio̍hbō tiàu tòa i ê āmkún, kā i hiatlo̍h hái. Mā m̄ thang hō͘ chìbîsè ê chi̍tê hoānchōe. 3 Lín kakī mā tio̍h kínsīn. Nā lín ê hiaⁿtī hoānchōe, tio̍h kā i chekpī. I nā hóekái, tio̍h kā i siàbián. 4 M̄ koh nā lí ê hiaⁿtī chi̍t ji̍t tekchōe lí chhit pái, i chhit pái lóng ū tòtńglâi kā lí kóng, ' Góa hóekái à.' Lí mā lóng tio̍h kā i siàbián."

Lūn Sìnsim
5 Sùtô͘ kā Chú kóng, " Kiû Lí kethiⁿ goán ê sìnsim." 6 Chú ìn kóng, " Lín nā ū chhinchhiūⁿ chi̍tlia̍p kòachhàichí hiah tōa ê sìnsim, chiūsī bēnglēng chit châng sngchâichhiū kóng, ' Pu̍ih lí ê kin khì chai tī háini̍h.' Hit châng chhiū mā ē sūnho̍k lín."

Lô͘po̍k ê Gībū
7 Lín tiongkan nā ū lô͘po̍k tùi chòsit á sī kò͘iûⁿ tńglâi ê sî, lín kám ē kā i kóng, ' Kín chē lo̍hlâi chia̍hpn̄g?' 8 Lí kám ē tiantò kā i kóng, ' Chúnpī hō͘ góa chia̍hpn̄g, hâ ûisukûn lâi ho̍ksāi góa. Thènghāu góa limchia̍h soah, lí chiah thang limchia̍h?' 9 Lô͘po̍k chò chúlâng só͘ hoanhù ê tāichì, chúlâng kám tio̍h kā i soehsiā? 10 Lín mā chhinchhiūⁿ ánne, lín chò oân siū kautài ê tāichì, tio̍h kóng, ' Goán sī bô lō͘ēng ê lô͘po̍k, kantāⁿ chīn púnhūn khì chò niāniā.'"

Ihó Cha̍pê Tháiko Pēⁿlâng
11 Iâso͘ khì Iâlō͘satléng ê sî, tùi Satmálīa kah Kalīlīséng ê kaukài kengkòe. 12 I ji̍pkhì chi̍tê chngsiā ê sî, tú tio̍h cha̍pê tháiko pēⁿlâng. In khiā tòa hn̄ghn̄g ê só͘chāi, 13 tōasiaⁿ hoah kóng, " Iâso͘ lāusu, liânbín goán." 14 Iâso͘ chi̍tē khòaⁿ tio̍h chiū kā in kóng, " Lín púnsin khì hō͘ chèsi giām." In khì tī lō͘tiong, chiū tit tio̍h chhengkhì. 15 Kîtiong chi̍tê lâng khòaⁿ tio̍h kakī ê pēⁿ íkeng hó, chiū tòtńglâi tōasiaⁿ oló SiōngChú, 16 phak tòa Iâso͘ ê khachêng kā I kámsiā. Chitê lâng sī Satmálīalâng. 17 Iâso͘ mn̄g kóng, " Kám m̄ sī cha̍pê lâng lóng tit tio̍h chhengkhì? Kîtha káuê lâng tī tóūi? 18 Chitê gōacho̍k ê lâng ígōa, kám bô pa̍tlâng tòtńglâi kámsiā SiōngChú?" 19 Iâso͘ chiū kā hitê lâng kóng, " Khílâi, chò lí tńgkhì, lí ê sìnsim hō͘ lí tit tio̍h ihó à."

SiōngChú Koktō͘ ê Lâilîm (Mt 24:2328, 3741)

20 Ū chi̍tkóa Hoatlīsàiphài ê lâng mn̄g Iâso͘, SiōngChú Koktō͘ tīsî ē lîmkàu. Iâso͘ ìn kóng, " SiōngChú Koktō͘ lîmkàu, m̄ sī lâng khòaⁿ ē chhutlâi. 21 Mā bôlâng ē tàng kóng, ' Tī chia', á sī ' Tī hia', inūi SiōngChú Koktō͘ sī tī lín ê tiongkan." 22 Iâso͘ chiū tùi bûntô͘ kóng, " Sîji̍t tehbeh kàu. Lín chin ài khòaⁿ tio̍h Jînchú lâilîm ê hit ji̍t, lín mā khòaⁿ bē tio̍h. 23 Ūlâng kā lín kóng, ' Lí khòaⁿ, tī hia! Lí khòaⁿ, tī chia!' Lín m̄ thang chhutkhì, mā m̄ thang tòe in khì. 24 Inūi Jînchú lâilîm ê ji̍tchí ná chhinchhiūⁿ sihnà, tùi thiⁿ chitpêng teh sih, kng chiò kàu thiⁿ ê hitpêng. 25 M̄ koh I ittēng tio̍h tāiseng siū chinchē ê kankhó͘, mā hō͘ chit sètāi ê lâng khìsak. 26 Jînchú lâilîm ê ji̍tchí kah Náa ê sîji̍t kāngkhoán. 27 Hit sî ê lâng, chiàusiông teh limchia̍h, teh kèchhōa. Kàu Náa ji̍pkhì tōachûn ê ji̍t, tōachúi chi̍tē kàu, chènglâng lóng imsí liáuliáu. 28 Mā kah Lôtek ê sîji̍t kāngkhoán, lâng chiàusiông teh limchia̍h, bébē, chèngchoh, khíchhù. 29 M̄ koh Lôtek chhut Só͘tomá hit ji̍t, tùi thiⁿ ū kànglo̍h hóe kah liûhông, kā in siaubia̍t kah bô pòaⁿlâng. 30 Jînchú chhuthiān ê ji̍t, mā ē chhinchhiūⁿ ánne." 31 Hit ji̍t, tú tī chhùténg ê lâng m̄ thang lo̍hlâi the̍h chhùlāi ê mi̍hkiāⁿ. Tú tī hn̂gni̍h ê lâng mā m̄ thang tńgkhì chhùni̍h. 32 Lín tio̍h ē kìtit Lôtek ê bó͘ só͘ tú tio̍h ê tāichì. 33 Siūⁿbeh póchoân kakī sèⁿmiā ê lâng ē sòngsit sèⁿmiā; só͘ū sòngsit sèⁿmiā ê lâng ē póchoân i ê sèⁿmiā. 34 Góa kā lín kóng, hit mê nn̄gê lâng khùn kângténg chhn̂g, chi̍tê ē hō͘ lâng chhōakhì, chi̍tê ē lâu teh. 35 Nn̄gê hūjînlâng tângchê teh e chio̍hbō, chi̍tê ē hō͘ lâng chhōakhì, chi̍tê ē lâu teh. 36 Ū nn̄gê lâng tī chhânni̍h teh chòsit, chi̍tê hō͘ lâng chiapkhì, chi̍tê lâuteh.”(chù: Ūê chhaupún bô chit chat.) 37 Bûntô͘ mn̄g Iâso͘ kóng, " Chú ah, che ē tī siáⁿmi̍h só͘chāi hoatseng?" Iâso͘ ìn kóng, " Ū sithé ê só͘chāi, engchiáu chiū ē chūchi̍p khì tī hia."