《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十八章

作者 巴克禮普世版小組 2013.08.11

Kóaⁿhū Kah Phòaⁿkoaⁿ ê Phìjū
1 Iâso͘ koh kā bûntô͘ kóng chi̍tê phìjū, kàsī in tio̍h siôngsiông kîtó, m̄ thang iàsiān. 2 I kóng, " Tī bó͘ chi̍tê siâⁿchhī ū chi̍tê símphòaⁿkoaⁿ. I bô kèngùi SiōngChú, mā bô chuntiōng lâng. 3 Tī hitê siâⁿlāi ū chi̍tê kóaⁿhū, siôngsiông khì chhōe i kóng, ' Góa ū chi̍tê sò͘siōng ê tùithâu, kiû lí thè góa chúchhî kongtō.' 4 Phòaⁿkoaⁿ chin kú lóng bô kā i tapèng. Āulâi kakī siūⁿkóng, ' Góa suijiân bô kèngùi SiōngChú, mā bô chuntiōng lâng. 5 M̄ koh inūi chitê kóaⁿhū siôngsiông lâi kiáujiáu, góa lêngkhó kín lâi thè i chúchhî kongtō, biántit i koh lâi kā góa kôkôtîⁿ.'" 6 Chú koh kóng, " Lín tio̍h thiaⁿ chitê putgī ê phòaⁿkoaⁿ só͘ kóng ê ōe! 7 Hôhòng SiōngChú kéngsoán ê chúbîn mêji̍t tōasiaⁿ tùi I aikiû. SiōngChú kám ē iânchhiân chin kú chiah lâi thè in chúchhî kongtō? 8 Góa kā lín kóng, SiōngChú ē kóaⁿkín thè in chúchhî kongtō. Chóngsī Jînchú lâilîm ê sî, I tī sèkan kám ē khòaⁿ tio̍h chitkhoán ê sìnsim?"

Hoatlīsàiphài ê Lâng kah Thiusòe ê Lâng
9 Iâso͘ kohchài tùi hiahê khòaⁿ kakī chò gīlâng koh khòaⁿkhin pa̍tlâng ê lâng, kóng chi̍tê phìjū. 10 Iâso͘ kóng, " Ū nn̄gê lâng ji̍pkhì sèngtiān kîtó, chi̍tê sī Hoatlīsàiphài ê lâng, chi̍tê sī thiusòeê. 11 Hoatlīsàiphài ê lâng khiāteh kîtó kóng, ' SiōngChú ah, góa kámsiā Lí, inūi góa bô chhinchhiūⁿ kîtha ê lâng thamchâi, putgī, kanîm, mā bô chhinchhiūⁿ chitê thiusòeê. 12 Góa chi̍t lépài kìmchia̍h nn̄g pái, koh hōnghiàn choânpō͘ siuji̍p ê cha̍p hūn chi it.' 13 M̄ koh hitê thiusòeê khiā tòa hn̄ghn̄g ê só͘chāi, liân gia̍h thâu ǹg thiⁿ to m̄ káⁿ, kantaⁿ pisiong kóng, ' SiōngChú ah, liânbín góa chitê ū chōe ê lâng.' 14 Góa kā lín kóng, hō͘ SiōngChú siàchōe tńgkhì chhùni̍h sī chitê thiusòeê. M̄ sī hitê Hoatlīsàiphài ê lâng, inūi kiaungō͘ ê lâng ittēng ē siū kàngkē; khiampi ê lâng siū thêko."

Iâso͘ Chiokhok Sèhàn Gín'á (Mt 19:1315; Mk 10:1316)
15 Ūlâng liân sèhàngín'á mā chhōa lâi, beh hō͘ Iâso͘ hōaⁿchhiú. Bûntô͘ khòaⁿ tio̍h chiū kā in chekpī. 16 M̄ koh Iâso͘ kiò hiahê sèhàngín'á lâi kóng, " Iôngín sèhàngín'á lâi Góa chia, m̄ thang kā i chó͘tòng, inūi chhinchhiūⁿ gín'á ê lâng, chiah ē tàng chiâⁿchò SiōngChú Koktō͘ ê chúbîn. 17 Góa si̍tchāi kā lín kóng, nā bô chhinchhiūⁿ sèhàngín'á ánne sêngchiap SiōngChú Koktō͘, choa̍ttùi bē tàng ji̍pkhì hitê koktō͘."

Hógia̍h ê Koaⁿoân Lâi Kìⁿ Iâso͘ (Mt 19:1630; Mk 10:1731)
18 Ū chi̍tê Iûthàilâng ê koaⁿoân lâi mn̄g Iâso͘, kóng, " Hó ê lāusu ah, góa tio̍h ánchóaⁿ chò chiah ē tàng tit tio̍h éngoán ê oa̍hmiā?" 19 Iâso͘ kā i kóng, " Lí ánchóaⁿ chhengho͘ Góa sī hó à? SiōngChú ígōa bô chi̍tê sī hó. 20 Lí tongjiân lóng bat chiahê kàibēng, chiūsī: M̄ thang kanîm, M̄ thang thâisí lâng, M̄ thang thauthe̍h, M̄ thang lāmsám chò kiànchèng, Tio̍h hàukèng lí ê pē bú."( chù: SBK 5:1620; CAK 20:1216) 21 Hitê lâng kóng, " Chiahê kàibēng, góa chū sèhàn to̍h lóng ánne teh chunsiú." 22 Iâso͘ thiaⁿ tio̍h chiahê ōe chiū kā i kóng, " Lí iáu khiàm chi̍thāng, tio̍h khì bē lí só͘ū ê châisán, lâi pun hō͘ sànchhiah lâng. Ánne lí chiū ū chekchū châipó tī thiⁿténg, jiânāu chiah lâi tòe Góa." 23 Hitê lâng thiaⁿ tio̍h chiahê ōe chin iubūn, inūi i chin hógia̍h. 24 Iâso͘ khòaⁿ tio̍h hitê lâng teh iubūn chiū kóng, " Hógia̍hlâng beh ji̍pkhì SiōngChú Koktō͘ chin khùnlân! 25 Inūi lo̍ktô chhngkòe chiamphīⁿ, pí hógia̍hlâng ji̍p SiōngChú Koktō͘, iáu khah kántan!" 26 Thiaⁿkìⁿ chiahê ōe ê lâng mn̄g kóng, " Ánne, siáⁿlâng chiah ē tàng tit tio̍h kiù?" 27 Iâso͘ ìn kóng, " Lâng só͘ chò bē kàu ê, SiōngChú lóng ē." 28 Pítek kóng, " Goán íkeng pàngsak kakī só͘ū ê lâi teh tòe Lí." 29 Iâso͘ kā in kóng, " Góa si̍tchāi kā lín kóng, lâng nā ūi tio̍h SiōngChú Koktō͘ lâi pàngsak chhùthe̍h, bó͘, hiaⁿtī, pē bú, á sī kiáⁿjî, 30 tī kimsè ē tit tio̍h kúinā pōe ê pòsiúⁿ, tī lâisè tit tio̍h éngoán ê oa̍hmiā."

Iâso͘ Tē saⁿ Pái Īgiân I ê Síbông kah Kohoa̍h (Mt 20:1719; Mk 10:3234)
31 Iâso͘ chhōa cha̍pjī sùtô͘ khì piⁿ'á kā in kóng, " Lí khòaⁿ, taⁿ lán beh chiūⁿ Iâlō͘satléng, sianti só͘ kìchài koanhē Jînchú ê itchhè, lóng ē ènggiām. 32 I ē hō͘ lâng chhutbē kau hō͘ Gōapanglâng. In ē kā i thíchhiò, bújio̍k, phùinōa. 33 In ē ēng piⁿ kā i phah lâi hāisí I. Tē saⁿ ji̍t SiōngChú ē hō͘ I kohoa̍h." 34 M̄ koh bûntô͘ tùi chiahê tāichì lóng bē liáukái. Chiahê ōe hō͘ in kámkak bo̍kbêng kîbiāu. In m̄ chai Iâso͘ teh kóng siáⁿmi̍h.

Iâso͘ Ihó Sitbêng ê Khitchia̍h (Mt 20:2934; Mk 10:4652)
35 Iâso͘ tehbeh kàu Iâlīkosiâⁿ ê sî, ū chi̍tê chheⁿmêê chē tī lō͘piⁿ teh kiûkhit. 36 Hitê chheⁿmêê thiaⁿ tio̍h chinchē lâng tùi hia kengkòe, chiū mn̄g sī siáⁿmi̍h tāichì. 37 Lâng kā i kóng, " Násatle̍klâng Iâso͘ tehbeh tùi chia kengkòe." 38 I chiū tōasiaⁿ hoah kóng, " Tāipi̍t ê kiáⁿsun, Iâso͘, liânbín góa!" 39 Kiâⁿ tī thâuchêng ê lâng kā i chekpī, kiò i tio̍h tiāmtiām, m̄ koh i kohkhah tōasiaⁿ hoah kóng, " Tāipi̍t ê kiáⁿsun ah, liânbín góa!" 40 Iâso͘ thêngkha, kiò lâng kā i khan lâi. I óalâi ê sî, Iâso͘ mn̄g i kóng, 41 " Lí ài Góa kā lí chò siáⁿmi̍h?" I chiū kóng, " Chú ah, kiû Lí hō͘ góa kohchài ū khòaⁿkìⁿ." 42 Iâso͘ kā i kóng, " Hó, hō͘ lí kohchài ū khòaⁿkìⁿ, lí ê sìnsim kiù tio̍h lí à." 43 I sûisî khòaⁿkìⁿ, chiū tòe Iâso͘ khì, kui êngkng hō͘ SiōngChú. Kûnchiòng khòaⁿ tio̍h chitê tāichì, lóng oló SiōngChú.