《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第二十三章

作者 巴克禮普世版小組 2013.09.15

Iâso͘ Tī Pília̍pto Bīnchêng Siū Símmn̄g (Mt 27:12, 1114; Mk 15:15; Ih 18:2838)
1 Choânthé gīoân lóng khiā khílâi, kā Iâso͘ ah khì Pília̍pto ê bīnchêng. 2 In khòngkò kóng, " Goán khòaⁿ chitê lâng bêhe̍k goán ê bîncho̍k, kìmchí lâng la̍p sòe hō͘ Hôngtè, koh chūchhengchò Kitok, chò ông." 3 Pília̍pto mn̄g Iâso͘ kóng, " Lí sī Iûthàilâng ê ông sībô?" Iâso͘ ìn kóng, " Sī, chiàu lí kóng ánne." 4 Pília̍pto tùi hiahê chèsitiúⁿ kah kuitīn ê lâng kóng, " Góa khòaⁿ chitê lâng bô chōe." 5 M̄ koh in jú kianchhî kóng, " I tùi Kalīlīséng khaisí, taⁿ lâikàu chia, tī Iûthài choântē kàsī lâng, siàntōng jînbîn."

Iâso͘ Tī Hilu̍t ê Bīnchêng
6 Pília̍pto chi̍tē thiaⁿ tio̍h, chiū mn̄g khòaⁿ chitê lâng sī Kalīlīlâng á m̄ sī. 7 I chi̍tē chai Iâso͘ sio̍k tī Hilu̍t só͘ koánhat, chiū kā I sàng khì Hilu̍t hia. Hit sî Hilu̍t lâng mā tī Iâlō͘satléng. 8 Hilu̍t khòaⁿ tio̍h Iâso͘ chin hoaⁿhí. Inūi i bat thiaⁿ tio̍h Iâso͘ ê tāichì, itti̍t ài beh kìⁿ I, koh ǹgbāng ē tàng khòaⁿ tio̍h I kiâⁿ sînjiah. 9 Hilu̍t mn̄g Iâso͘ chinchē tāichì, m̄ koh Iâso͘ lóng bô ìn i pòaⁿ kù. 10 Chèsitiúⁿ kah kengha̍k kàusu khiā khílâi, ke̍kle̍k khòngkò Iâso͘. 11 Hilu̍t kah i ê peng mā kā I bújio̍k, hìlāng. Jiânāu kā I chhēng chi̍t niá chin súi ê tn̂gphàu, chiah kā I sàng tńgkhì hêng Pília̍pto. 12 Hilu̍t kah Pília̍pto púnlâi ū kiatoàn. Tùi hit chi̍t ji̍t khí soah piànchò pêngiú.

Iâso͘ Hông Phòaⁿ Síhêng (Mt 27:1526; Mk 15:615; Ih 18:3919.16)
13 Pília̍pto tiàu hiahê chèsitiúⁿ, koaⁿoân kah jînbîn lâi, 14 kā in kóng, " Lín ah chitê lâng lâi góa chia, khòngkò I siàntōng jînbîn. Taⁿ góa tī lín ê bīnchêng kā I símmn̄g, m̄ koh góa chhâ lóng bô lín kò I ê chōe. 15 Hilu̍t mā jīntēng I bô chōe, chiah chiong I sàng tńglâi hêng lán. Khókiàn I bô chò símmi̍h engkai sí ê tāichì. 16 Só͘í góa beh kā I piⁿphah kàsī chi̍tē chiah pàng I khì." 17 Múinî ê Pôaⁿkòecheh, chóngtok tio̍h chiàu in ê iaukiû kā in pàng chi̍tê hoānlâng.(Ū ê pánpún bô chit chat) 18 Kûnchiòng tângchê tōasiaⁿ hoah kóng, " Tio̍h tûkhì chitê lâng, pàng Palia̍ppa hō͘ goán." 19 Chitê Palia̍ppa, inūi tī siâⁿlāi chokloān koh thâisí lâng, chiah koaiⁿ lo̍hkaⁿ. 20 Pília̍pto beh ài pàng Iâso͘, chiū koh tùi chènglâng kóng chi̍t pái. 21 M̄ koh in tōasiaⁿ hoah kóng, " Kā I tèng si̍pjīkè, Kā I tèng si̍pjīkè." 22 Pília̍pto tē saⁿ pái tùi in kóng, " Sī ánchóaⁿ? I kám ū chò símmi̍h pháiⁿ tāichì? Góa khòaⁿ I bô engkai sí ê chōe, só͘í góa beh kā I piⁿphah kàsī chi̍tē chiah pàng I khì." 23 M̄ koh in kèsio̍k tōasiaⁿ hoah iaukiû kā Iâso͘ tèng si̍pjīkè. Chòeāu in ê siaⁿ soah khahiâⁿ. 24 Pília̍pto chiū chiàu in só͘ kiû ê lâi soanphòaⁿ: 25 pàng in só͘ iaukiû hitê inūi chokloān koh thâisí lâng hō͘ lâng koaiⁿ lo̍hkaⁿ ê Palia̍ppa; chiong Iâso͘ kau hō͘ in, sūn in ê ìsù khì chhùlí.

Iâso͘ Hông Tèng Si̍pjīkè (Mt 27:3244; Mk 15:2132; Ih 19:1727)
26 Peng'á ah Iâso͘ khì ê sî, ū chi̍tê Kó͘līnāi ê lâng miâkiò Sebûn tùi chngkha lâi. In kā i khiú lâi, chiong si̍pjīkè khòa tòa i ê kengthâu hō͘ i giâ, lâi tòe Iâso͘ ê āubīn kiâⁿ. 27 Ū chi̍t tōatīn lâng teh tòe Iâso͘. Kîtiong ū chi̍tkóa hūjînlâng ūi I pisiong thîkhàu. 28 Iâso͘ oa̍t thâu tùi in kóng, " Iâlō͘satléng ê hūjînlâng ah, lín m̄ bián ūi góa thîkhàu, tio̍h ūi lín kakī kah lín ê kiáⁿjî lâi thîkhàu! 29 Inūi sî tehbeh kàu, lâng ē kóng, ' Bē hoâiīn, m̄ bat seⁿ kiáⁿ, m̄ bat hō͘ gín'á chia̍h leng ê hūjînlâng chin ū hokkhì.' 30 Hit sî lâng ē tùi tōasoaⁿ kóng, ' Kā goán teh lo̍hlâi!' mā tùi siósoaⁿ kóng, ' Kā goán khàm lo̍hlâi!'( chù: HSA 10:8) 31 Inūi liân chheⁿ ê chhiūba̍k to ánne, takhì ê chhiūba̍k kám bē kohkhah līhāi?" 32 Koh ū nn̄gê hoānlâng hō͘ lâng ah khì kah Iâso͘ chòhóe chhù síhêng. 33 In khì kàu chi̍tê miâkiò Thâukhakóaⁿ ê só͘chāi, chiū tī hia kā Iâso͘ tèng si̍pjīkè. Mā tèng hit nn̄gê hoānlâng, chi̍tê tī chiàⁿpêng, chi̍tê tī tòpêng. 34 Iâso͘ kóng, " ThiⁿPē ah, siàbián in, inūi in m̄ chai in só͘ chò ê." Jiânāu in chiū liamkhau pun Iâso͘ ê saⁿ. 35 Chènglâng khiā tī hia teh khòaⁿ. Hiahê Iûthàilâng ê thâulâng kā Iâso͘ thíchhiò kóng, " I bat kiù pa̍tlâng. I nā sī SiōngChú só͘ kéngsoán ê Kitok, tio̍h kiù kakī!" 36 Hiahê peng'á mā kā I hìlāng, kiâⁿ óakhì phâng sngchhò͘ hō͘ I, 37 kóng, " Lí nā sī Iûthàilâng ê ông, tio̍h kiù Lí kakī." 38 Tī Iâso͘ ê thâukhak téngbīn ū chōechn̄g ê pâi'á siá kóng, " Chitê sī Iûthàilâng ê ông." 39 Chòhóe tèng si̍pjīkè ê hoānlâng tiong ê chi̍tê bújio̍k Iâso͘, kóng, " Lí kám m̄ sī Kitok? Tio̍h kiù Lí kakī mā tio̍h kiù goán." 40 Lēnggōa chi̍tê hoānlâng kā hitê chekpī, kóng, " Lí kah I kāngkhoán teh siū hêng, lí kám m̄ kiaⁿ SiōngChú? 41 Lán siū hêng sī kongtō, inūi lán ū hoānchōe engkai siū chhùhoa̍t. M̄ koh chitê lâng bô chò m̄ tio̍h ê tāichì." 42 Hitê hoānlâng kóng, " Iâso͘ ah, Lí chò ông lâilîm ê sî, chhiáⁿ ē kìtit góa!" 43 Iâso͘ kā i kóng, " Góa si̍tchāi kā lí kóng, Kin'áji̍t lí ē kah góa chòhóe tī Lo̍khn̂g."

Iâso͘ ê Síbông (Mt 27:4556;Mk 15:3341;Ih 19:2830)
44 Chhaputto tiongtàu ê sî, choân tē o͘àm kàu ē po͘ saⁿtiám ê sî, ji̍tthâu sit kng. 45 sèngtiān lāi ê tiùⁿlî tùi tiong li̍hkhui. 46 Iâso͘ tōasiaⁿ kiò, kóng, " ThiⁿPē ah, Góa ê lênghûn kauthok Lí." Kóng soah chiū tn̄gkhùi. 47 Liântiúⁿ khòaⁿ tio̍h só͘ hoatseng ê tāichì, chiū oló SiōngChú, kóng, " Chitê chinchiàⁿ sī gīlâng!" 48 Chūchi̍p tī hia teh khòaⁿ ê kûnchiòng khòaⁿ tio̍h só͘ hoatseng ê tāichì, lóng ná kiâⁿ ná tûi simkoaⁿ pisiong tńgkhì. 49 Hiahê bat Iâso͘ ê lâng kah tùi Kalīlīséng tòe Iâso͘ lâi ê hūjînlâng, lóng khiā hn̄ghn̄g teh khòaⁿ chiahê tāichì.

Iâso͘ ê Bâichòng (Mt 27:5761; Mk 15:4247; Ih 19:3842)
50 Ū chi̍tê lâng miâkiò Ioksek, i sī chi̍tê gīoân, chò lâng liôngsiān koh ū chènggī. 51 I bô chànsêng kîtha gīoân ê kèbô͘ kah hêngtōng. I sī Iûthàilâng ê siâⁿchhī Alīmáthài ê lâng, pêngsî ū teh kîthāi SiōngChú Koktō͘ ê lâilîm. 52 Chitê lâng khì kìⁿ Pília̍pto, chhéngkiû siubâi Iâso͘ ê sinsi. 53 I chiong Iâso͘ ê sinsi siu lo̍hlâi, ēng iùtē pò͘ pau. Jiânāu kā I bâichòng tī chio̍hpiah phahhó ê bōng lāi. Chitê bōng lóng iáu m̄ bat ēng kòe. 54 Hit ji̍t sī cheh ê Chúnpīji̍t, Anhiohji̍t tehbeh kàu à. 55 Tùi Kalīlīséng kah Iâso͘ chòhóe lâi hiahê hūjînlâng tòe tī Ioksek ê āubīn. In chimchiok khòaⁿ hitê bōng, khòaⁿ Iâso͘ ê ûithé ánchóaⁿ hē. 56 In chiū tńgkhì chúnpī phangliāu kah phangiû. Anhiohji̍t, hiahê hūjînlâng chiàu lu̍thoat ê kuitēng hiohkhùn.