《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第一章

作者 巴克禮普世版小組 2013.09.29

Oa̍hmiā Chi Tō
1 SiōngChú chhòngchō útiū íchêng chiū ū Tō, Tō kah SiōngChú tôngchāi, Tō chiūsī SiōngChú. 2 Tùi goânkhíthâu, chitê Tō chiū kah SiōngChú tôngchāi. 3 SiōngChú thongkòe Tō lâi chhòngchō bānbu̍t. Itchhè siū chhòngchō ê lóng sī thongkòe Tō lâi chhòngchō. 4 Tō púnsin ū oa̍hmiā, chitê oa̍hmiā sī jînlūi ê kng. 5 Chitê kng chiò tī o͘àm tiong. M̄ koh o͘àm m̄ chiapla̍p kng. 6 SiōngChú chhephài chi̍tê lâng lâi, i ê miâkiòchò Iokhān. 7 Chitê lâng lâi beh ūi kng chò kiànchèng, thang hō͘ choân jînlūi thiaⁿ i ê ōe lâi sìn. 8 I púnsin m̄ sī hitê kng, kantaⁿ beh ūi hitê kng chò kiànchèng. 9 Hitê sī chin ê kng, beh lâi chitê sèkan kā choân jînlūi chiòkng. 10 Tō íkeng tī sèkan, sèkan thongkòe Tō lâi chhòngchō. M̄ koh sèkanlâng m̄ bat chitê Tō. 11 Tō lâikàu kakī ê pún só͘chāi, kakī ê lâng mā bô chiapla̍p I. 12 Hiahê chiapla̍p I, chiūsī sìn I ê lâng, I chiū siúⁿsù in ū koân chiâⁿchò SiōngChú ê kiáⁿjî. 13 In m̄ sī tùi hiatthóng, m̄ sī tùi jio̍kthé, mā m̄ sī tùi lâng ê ìsù lâi chhutsì. In sī SiōngChú ê kiáⁿjî. 14 Tō chiâⁿ jio̍kthé, tiàm tī lán tiongkan, chhiongmóa untián kah chinlí. Lán ū khòaⁿ tio̍h I ê êngiāu, he sī ThiⁿPē ê to̍kseⁿ Kiáⁿ chiah ū ê êngiāu. 15 Iokhān ūi tio̍h I chò kiànchèng, tōasiaⁿ hoah kóng, " Chitê chiūsī góa só͘ kóng, tòe góa āubīn lâi ê, khiok pí góa khah úitāi. Inūi góa iáubōe chhutsì I chiū chûnchāi. 16 I íkeng chiong hongsēng ê untián chiokhok lán tāike. Hō͘ lán unsiōng kaun. 17 Lu̍thoat sī SiōngChú thongkòe Mô͘se lâi panpò͘; untián kah chinlí sī thongkòe Iâso͘ Kitok lâi ê. 18 Bôlâng bat khòaⁿkìⁿ SiōngChú. Kantaⁿ tī ThiⁿPē simhoâi tiong ê to̍kseⁿ Kiáⁿ ū kā I hiánbêng chhutlâi.

Kiâⁿ sélé Iokhān ê Kiànchèng (Mt 3:112;Mk 1:18;Lk 3:118)
19 Ē bīn sī Iokhān ê kiànchèng: Iâlō͘satléng ê Iûthàikàu tongkio̍k chhephài chèsi kah Lībīlâng lâi mn̄g Iokhān kóng, " Lí sī siáⁿlâng?" 20 Hit sî Iokhān thánpe̍k kongkhai sêngjīn kóng, " Góa m̄ sī Kitok." 21 Hiahê lâng koh mn̄g i kóng, " Ánne lí sī Ílīa sībô?" Iokhān ìn kóng, " M̄ sī." In koh mn̄g i kóng, " Lí sī hitê sianti sībô?" Iokhān ìn kóng, " M̄ sī." 22 In chiū kā i kóng, " Lí sī siáⁿlâng? Chhiáⁿ lí kā goán kóng, thang hō͘ goán hôetap chhephài goán lâi ê lâng. Lí kakī kóng lí sī siáⁿlâng?" 23 Iokhān íniōng sianti Ísàia ê ōe kóng, " Góa chiūsī khòngiá teh hoah ê siaⁿ, kóng, Tio̍h ūi Chú siuti̍t tōlō͘."( chù: ISA 40:3) 24 Hiahê lâng chiūsī Hoatlīsàiphài ê lâng chhephài ê. 25 In koh mn̄g Iokhān kóng, " Lí nā m̄ sī Kitok, mā m̄ sī Ílīa, mā m̄ sī hitê sianti, lí náē kā lâng sélé?" 26 Iokhān ìn kóng, " Góa sī ēng chúi kā lâng sélé. M̄ koh ū chi̍t ūi lín m̄ bat ê khiā tī lín tiongkan. 27 I tī góa ê āubīn teh lâi. Góa liân kā I tháu êtòa to bē khamtit." 28 Chiahê tāichì tī Ioktànhô tanghōaⁿ ê Pektāinî hoatseng. Ioktànhô chiūsī Iokhān kā lâng sélé ê só͘chāi.

SiōngChú ê Iûⁿko
29 Kehtńgji̍t, Iokhān khòaⁿ tio̍h Iâso͘ kiâⁿ óalâi, chiū kóng, " Lí khòaⁿ, SiōngChú ê Iûⁿko, I beh lâi siautû sèkanlâng ê chōe. 30 Koanhē I ê tāichì góa bat kā lín kóng, I pí góa khah bān lâi, m̄ koh I pí góa khah úitāi. Inūi góa iáubōe chhutsì I chiū chûnchāi. 31 Góa kakī mā m̄ bat I. M̄ koh góa lâi ēng chúi sélé sī beh hō͘ Íseklia̍tlâng jīnbat I." 32 Iokhān koh kiànchèng kóng, " Góa bat khòaⁿ tio̍h SèngSîn chhinchhiūⁿ húnchiáu tùi thiⁿ kàng lo̍hlâi hioh tī I téngbīn. 33 Góa kakī mā m̄ bat I. M̄ koh chhe góa lâi ēng chúi kā lâng sélé Hitūi SiōngChú ū kā góa kóng, ' Lí khòaⁿ SèngSîn kànglîm hioh tī I téngbīn. I chiūsī beh ēng SèngSîn kā lâng sélé Hitūi.' 34 Góa ū chhinba̍k khòaⁿ tio̍h. Só͘í góa lâi kiànchèng Chitūi chiūsī SiōngChú ê Kiáⁿ."

Iâso͘ Ho͘tiàu Thâuphoe Bûntô͘
35 Kehtńgji̍t, Iokhān kah nn̄gê bûntô͘ khiā tī hia. 36 Iokhān khòaⁿ tio̍h Iâso͘ teh kiâⁿ chiū kóng, " Lí khòaⁿ, SiōngChú ê Iûⁿko!" 37 Hit nn̄gê bûntô͘ thiaⁿ tio̍h i ánne kóng, chiū khì tòe Iâso͘. 38 Iâso͘ oa̍ttńgsin khòaⁿ tio̍h in teh tòe I, chiū kā in kóng, " Lín teh chhōe símmi̍h?" In ìn kóng, " Lia̍ppí, Lí tòa tī tóūi?" (Lia̍ppí chiūsī Lāusu ê ìsù). 39 Iâso͘ kā in kóng, " Lín tòe Góa lâikhì khòaⁿ." In chiū khì khòaⁿ Iâso͘ tòa ê só͘chāi. Hit ji̍t kah I chòhóe tòa. Hit sî chhaputto ē po͘ sì tiám. 40 Thiaⁿ Iokhān ê ōe lâi tòe Iâso͘ hit nn̄g lâng, chi̍tê sī Sebûn Pítek ê siótī Anteklia̍t. 41 I sengkhì chhōe i ê hiaⁿko Sebûn, kā i kóng, " Goán íkeng tú tio̍h Kitok." 42 I chiū chhōa Sebûn lâi kìⁿ Iâso͘. Iâso͘ chùba̍k kā i khòaⁿ, kóng, " Lí sī Iokhān ê kiáⁿ Sebûn. Góa beh kā lí kiòchò Kihoat." ( Kihoat kah Pítek kāngkhoán ìsù, chiūsī chio̍hpôaⁿ).

Iâso͘ Ho͘tiàu Huile̍k kah Nátàngia̍p
43 Kehtńgji̍t, Iâso͘ beh khì Kalīlīséng, tú tio̍h Huile̍k chiū kā i kóng, " Lâi tòe Góa." 44 Huile̍k sī Peksàitāilâng , sī Anteklia̍t kah Pítek ê tônghiong. 45 Huile̍k tú tio̍h Nátàngia̍p chiū kā i kóng, " Mô͘se tī lu̍thoatsu só͘ siá kah sianti só͘ kìchài ê Hitūi, goán íkeng ū tú tio̍h, chiūsī Ioksek ê kiáⁿ, Násatle̍klâng Iâso͘." 46 Nátàngia̍p kā i kóng, " Násatle̍k hit khoán só͘chāi kám ē chhut símmi̍h hó mi̍h ?" Huile̍k kóng, " Lí lâikhì khòaⁿ!" 47 Iâso͘ khòaⁿ tio̍h Nátàngia̍p kiâⁿ óalâi chiū kóng, " Lí khòaⁿ, I sī chinchiàⁿ Íseklia̍tlâng, sim bô hiké ê lâng." 48 Nátàngia̍p mn̄g Iâso͘ kóng, " Lí náē bat góa?" Iâso͘ ìn kóng, " Huile̍k iáubōe kiò lí, Góa chiū khòaⁿ tio̍h lí tī bûhoakóchhiū kha." 49 Nátàngia̍p ìn kóng, " Lāusu, Lí chiūsī SiōngChú ê Kiáⁿ. Lí chiūsī Íseklia̍t ê Ông." 50 Iâso͘ ìn kóng, " Inūi góa kā lí kóng, Góa ū khòaⁿ tio̍h lí tī bûhoakóchhiū kha, lí chiū sìn Góa sībô? Lí ē khòaⁿkìⁿ pí che kohkhah tōa ê tāichì." 51 Iâso͘ koh kā in kóng, " Góa si̍tchāi kā lín kóng, Lín ē khòaⁿkìⁿ thiⁿ khui, SiōngChú ê thiⁿsài tī Jînchú ê téngbīn teh khíkhí lo̍hlo̍h."