《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第二章

作者 巴克禮普世版小組 2013.10.06

Kaná ê Hunlé
1 Tē saⁿ ji̍t tī Kalīlīséng ê Kaná ū hunlé. Iâso͘ ê lāubú ū chhamka. 2 Iâso͘ kah bûntô͘ mā hō͘ in chhiáⁿ khì hù chitê hunlé. 3 Chiú lóng lim liáu ê sî, Iâso͘ ê lāubú chiū tùi I kóng, " In bô chiú à." 4 Iâso͘ ìn kóng, " Lāubú ah, che kah lí góa ū símmi̍h koanhē? Góa ê sî iáubōe kàu." 5 Iâso͘ ê lāubú hoanhù chheēng ê lâng kóng, " Lín tio̍h chiàu I kā lín kóng ê khì chò." 6 Chiàu Iûthàilâng kiatchēng ê légî, tī hia ū pâi la̍k ê chio̍h àng, ta̍kê ē tàng té chhaputto chi̍tpah kongseng. 7 Iâso͘ kā chheēng ê lâng kóng, " Ēng chúi kā chiahê chio̍hàng té hō͘ i tīⁿ." In chiū chiong chúi tò ji̍pkhì chio̍hàng, tò kàu móamóa. 8 Jiânāu Iâso͘ koh kā in kóng, " Taⁿ lín tio̍h kā chúi iúⁿ chhutlâi, phâng khì hō͘ pāntoh ê hūchekjîn." In chiū phâng khì hō͘ i. 9 Pāntoh ê hūchekjîn chi̍tē tam tio̍h piànchò chiú ê chúi, m̄ chai chitê chiú tùi tóūi lâi, m̄ koh iúⁿ chúi ê chheēng chai. Pāntoh ê hūchekjîn chiū kiò sinlông lâi, 10 kā i kóng, " Lâng lóng sī seng chhut hó chiú, kàu lângkheh lim kàu chùi chiah chhut khah bái ê chiú. Lí tiantò kā siōng hó ê chiú lâu kàu chitmá. 11 Iâso͘ tī Kalīlīséng ê Kaná kiâⁿ chitê thâuchi̍t pái ê sînjiah, lâi hiánchhut I ê êngkng. I ê bûntô͘ chiū lóng sìn I. 12 Chitê tāichì íāu, Iâso͘ kah I ê lāubú, hiaⁿtī íki̍p I ê bûntô͘ lo̍hkhì Kapeklông. In tī hia tòa bô kúi ji̍t.

Iâso͘ Kiatchēng sèngtiān (Mt 21:1213;Mk 11:1517;Lk 19:4546)
13 Iûthàilâng ê Pôaⁿkòecheh tehbeh kàu, Iâso͘ chiūⁿ Iâlō͘satléng. 14 I khòaⁿ tio̍h tī sèngtiān ūlâng teh bē gû, iûⁿ, húnchiáu. Mā ūlâng chē tī hia teh ōaⁿ chîⁿ. 15 Iâso͘ ēng soh'á chò piⁿ, kā hiahê lâng kah in ê iûⁿ, gû lóng tùi sèngtiān kóaⁿ chhutkhì. Koh chhiató ōaⁿ chîⁿ ê toh'á, kā in ê chîⁿ iāsòaⁿ. 16 Iâso͘ koh kā bē húnchiáu ê lâng kóng, " Kā chiahê mi̍h lóng poaⁿ chhutkhì! M̄ thang ēng góa ê ThiⁿPē ê chhù piànchò chhītiûⁿ." 17 I ê bûntô͘ chiū siūⁿkhí Sèngkeng ū kìchài: Góa ūi tio̍h Lí ê sèngtiān, simlāi ná chhinchhiūⁿ hóe teh to̍h."( chù: SPh 69:9) 18 Iûthàilâng mn̄g Iâso͘ kóng, " Lí ēng símmi̍h sînjiah lâi chèngbêng Lí ū koân chò chiahê tāichì?" 19 Iâso͘ ìn kóng, " Lín húihoāi chitkeng sèngtiān, Góa saⁿ ji̍t āu beh koh kā i khí khílâi." 20 Iûthàilâng chiū kóng, " Chitkeng sèngtiān sìcha̍pla̍k nî chiah khí hó. Lí saⁿ ji̍t lāi chiū beh koh kā i khí hó sībô?" 21 M̄ koh Iâso͘ ánne kóng sī teh chí I kakī sengkhu ê tiān. 22 Iâso͘ tùi sílâng tiong kohoa̍h ê sî, I ê bûntô͘ chiah siūⁿkhí I bat ánne kóng. In chiū ánne lâi sìn Sèngkeng kah Iâso͘ só͘ kóng ê ōe.

Iâso͘ Liáukái Chènglâng ê Sim
23 Iâso͘ tī Iâlō͘satléng kòe Pôaⁿkòecheh ê sî, chinchē lâng khòaⁿ tio̍h I só͘ kiâⁿ ê sînjiah, chiū sìn I. 24 M̄ koh Iâso͘ bô oânchoân sìnjīm in, inūi I liáukái kûnchiòng ê sim. 25 Koanhē lâng ê tāichì, bô suiàu lâng koh lâi tùi I chèngbêng, inūi I chin liáukái lâng ê lāisim.