《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第三章

作者 巴克禮普世版小組 2013.10.13

Iâso͘ kah Nîkotíbó͘
1 Ū chi̍tê Hoatlīsàiphài ê lâng, miâkiò Nîkotíbó͘, sī Iûthàilâng ê koaⁿ. 2 Ū chi̍t àm, chitê lâng lâi tùi Iâso͘ kóng, " Lāusu, goán chai Lí sī SiōngChú chhe lâi ê kàusu, inūi nā m̄ sī ū SiōngChú tôngchāi, bôlâng ē tàng kiâⁿ Lí só͘ kiâⁿ ê sînjiah." 3 Iâso͘ ìn kóng, " Góa si̍tchāi kā lí kóng, Lâng nā bô têngthâu seⁿ, chiū bē tàng khòaⁿ tio̍h SiōngChú ê Koktō͘." 4 Nîkotíbó͘ mn̄g kóng, " Lâng íkeng lāu ā, náē têngthâu seⁿ? Kám ē tàng koh ji̍pkhì lāubú ê paktó͘ lâi têngthâu seⁿ?" 5 Iâso͘ ìn kóng, " Góa si̍tchāi kā lí kóng, Lâng nā bô tùi chúi kah SèngSîn lâi têngthâu seⁿ, chiū bē tàng ji̍pkhì SiōngChú ê Koktō͘. 6 Tùi jio̍kthé seⁿ ê sī jio̍kthé; tùi SèngSîn seⁿ ê sī SèngSîn. 7 M̄ thang inūi Góa kóng, ' Lín tio̍h têngthâu seⁿ', lâi kámkak kîkoài. 8 Hong beh chhoe khì tóūi chiū chhoe khì tóūi. Lí ū thiaⁿ tio̍h siaⁿ, m̄ chai i tùi tóūi lâi, tóūi khì. Ta̍kê tùi SèngSîn lâi chhutsì ê lâng mā sī ánne." 9 Nîkotíbó͘ mn̄g kóng, " Náē hoatseng chit khoán tāichì?" 10 Iâso͘ ìn kóng, " Lí chò Íseklia̍t ê kàusu, liân che to m̄ chai sībô? 11 Góa si̍tchāi kā lí kóng, Goán kóng goán só͘ chai ê, kiànchèng goán só͘ khòaⁿ tio̍h ê, m̄ koh lín m̄ chiapla̍p goán ê kiànchèng. 12 Góa kā lín kóng chit sèkan ê tāichì, lín to m̄ sìn. Góa nā kā lín kóng thiⁿténg ê tāichì, lín náē beh sìn? 13 Tùi thiⁿ kànglîm ê Jînchú ígōa bôlâng bat chiūⁿthiⁿ. 14 " Chhinchhiūⁿ Mô͘se tī khòngiá kúkhí tângchôa, Jînchú mā ittēng tio̍h ánne siū kúkhí. 15 Hō͘ múi chi̍tê sìn I ê lâng tit tio̍h éngoán ê oa̍hmiā. 16 SiōngChú chiahni̍h thiàⁿ sèkanlâng, sīmchí chiong to̍kseⁿKiáⁿ siúⁿsù sèkan, hō͘ só͘ū sìn I ê lâng bē tîmlûn, hoántńg tit tio̍h éngoán ê oa̍hmiā. 17 Inūi SiōngChú chhe I ê Kiáⁿ lâi sèkan, m̄ sī beh símphòaⁿ sèkan, sī beh thongkòe I lâi chínkiù sèkan. 18 Sìn I ê lâng bē siū símphòaⁿ; m̄ sìn ê lâng íkeng siū tēngchōe, inūi i m̄ sìn SiōngChú ê to̍kseⁿKiáⁿ. 19 SiōngChú ê símphòaⁿ chiūsī: Kng chìnji̍p sèkan, m̄ koh sèkanlâng khah ài o͘àm, khah bô ài kngbêng, inūi in ê hêngûi siâok. 20 Chò pháiⁿ ê lâng oànhūn kng, mā m̄ chiapkīn kng, ánne i ê pháiⁿ hêngûi chiah bē lō͘hiān chhutlâi. 21 M̄ koh chunhêng chinlí ê lâng lâi kìⁿ kng, sī beh hiánbêng i ê hêngûi sī chunhêng SiōngChú ê chíì."

Iokhān Ūi Iâso͘ Chòchèng
22 Chiahê tāichì íāu, Iâso͘ kah bûntô͘ kàu Iûthài tē khu, kah in chòhóe tòa hia, kā lâng sélé. 23 Iokhān mā tī Satléng hūkīn ê Ailoán teh kā lâng sélé, inūi tī hia ū chinchē chúi, chènglâng lâi hia hō͘ i sélé. 24 Hit sî Iokhān iáubōe hō͘ lâng koaiⁿ lo̍hkaⁿ. 25 Ū chi̍tkóa Iokhān ê bûntô͘ kah chi̍tê Iûthàilâng ūi tio̍h kiatchēng ê légî piānlūn. 26 In lâi kā Iokhān kóng, " Lāusu ah, cháchêng tī Ioktànhô tanghōaⁿ kah lí chòhóe, lí ūi I chòchèng Hitūi. Lí khòaⁿ, I teh kā lâng sélé. Kûnchiòng lóng khì I hia." 27 Iokhān ìn kóng, " Nā m̄ sī thiⁿ siúⁿsù, lâng bē tàng chò símmi̍h. 28 Góa bat kóng, ' Góa m̄ sī Kitok, chíputkò sī siūphài lâi chò I ê sianhong.' Chitê tāichì, lín púnsin sī góa ê kiànchèng. 29 Chhōa sinniû ê sī sinlông, sinlông ê pêngiú khiā tī piⁿ'á thiaⁿ tio̍h sinlông ê siaⁿ chiū huisiông hoaⁿhí. só͘í góa móasim tōa hoaⁿhí. 30 I ittēng ná hengōng, góa ittēng ná soebî."

SiōngChú ê Kiáⁿ Tùi Thiⁿ Kànglîm
31 Tùi téngbīn lâi ê sī tī bānbu̍t ê téngbīn. Tùi tē chiūⁿ lâi ê sī sio̍k tē chiūⁿ, mā lóng kóng tē chiūⁿ ê tāichì. Tùi thiⁿténg lâi ê sī tī bānbu̍t ê téngbīn. 32 I ūi tio̍h só͘ thiaⁿ tio̍h kah só͘ khòaⁿ tio̍h ê lâi chò kiànchèng, m̄ koh bôlâng chiapla̍p I ê kiànchèng. 33 Chiapla̍p I ê kiànchèng ê lâng kiànchèng SiōngChú sī chinsi̍t ê. 34 SiōngChú só͘ chhekhián ê Hitūi kóng SiōngChú ê ōe, inūi SiōngChú bô hānliōng siúⁿsù SèngSîn hō͘ I. 35 Pē thiàⁿ Kiáⁿ, íkeng chiong itchhè kau tī I ê chhiúthâu. 36 Sìn Kiáⁿ ê lâng ū éngoán ê oa̍hmiā. M̄ sūnho̍k Kiáⁿ ê lâng m̄ nā bē tit tio̍h oa̍hmiā, hoántńg hō͘ SiōngChú siôngsiông siūkhì."