《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第六章

作者 巴克禮普世版小組 2013.11.10

Iâso͘ Hō͘ Gō͘chheng Lâng Chia̍h Kah Pá (Mt 14:1321;Mk 6:3044;Lk 9:1017) Chiahê tāichì íāu, Iâso͘ kòekhì Kalī 1 līô͘, chiūsī Thêpìlía ô͘ ê hit pêng. 2 Ū chinchē lâng tòe Iâso͘ khì, inūi in ū khòaⁿ tio̍h I ihó pēⁿlâng ê sînjiah. 3 Iâso͘ pehchiūⁿ soaⁿ, kah I ê bûntô͘ chòhóe chē tī hia. 4 Iûthàilâng ê Pôaⁿkòecheh tehbeh kàu. 5 Iâso͘ gia̍h thâu khòaⁿ tio̍h chinchē lâng tùi I kiâⁿ óalâi, chiū kā Huile̍k kóng, " Lán beh khì tóūi bé piáⁿ lâi hō͘ chiahê lâng chia̍h?" 6 Iâso͘ kóng ánne sī teh chhìthàm Huile̍k, inūi Iâso͘ kakī chai tehbeh chò ê tāichì. 7 Huile̍k ìn kóng, " Ēng nn̄gpah ê gîn'á lâi bé piáⁿ mā bô kàu hō͘ in ta̍klâng chia̍h tāmpo̍h'á." 8 Lēnggōa chi̍tê bûntô͘, chiūsī Sebûn Pítek ê siótī Anteklia̍t, kā Iâso͘ kóng, 9 " Chia ū chi̍tê gín'á, i ū gō͘tè tōabe̍hpiáⁿ kah nn̄g bóe hî, m̄ koh chiong chiahê hō͘ hiahchē lâng chia̍h ná ū kàu?" 10 Iâso͘ kóng, " Lín kiò hiahê lâng chē lo̍hkhì." Hit só͘chāi chinchē chháu. Chènglâng chiū lóng chē lo̍hkhì. Kantaⁿ chapo͘lâng chiū ū gō͘chheng lâng. 11 Iâso͘ the̍h hiahê piáⁿ lâi chioksiā liáuāu, chiū pun hō͘ chē tī hia ê lâng. Hî mā sī ánne pun, chhutchāi in chia̍h. 12 Chènglâng lóng chia̍h pá liáuāu, Iâso͘ kā bûntô͘ kóng, " Kā chia̍h chhun ê sut'á khioh khílâi, m̄ thang phahsńg." 13 In chiū chiong chia̍h chhun ê piáⁿsut'á khioh khílâi, lóngchóng móa cha̍pjī nâ. 14 Chènglâng khòaⁿ tio̍h Iâso͘ só͘ kiâⁿ ê sînjiah chiū kóng, " Chitê chinchiàⁿ sī tehbeh lâi chit sèkan ê sianti." 15 Iâso͘ chaiiáⁿ chènglâng tehbeh lâi kiôngpek I chò ông, chiū kakī chi̍tê thèkhì soaⁿni̍h.

Iâso͘ Kiâⁿ Chúibīn (Mt 14:2233;Lk 6:4552)
16 Hônghun ê sî, Iâso͘ ê bûntô͘ lo̍hkhì kàu ô͘piⁿ. 17 In chē chûn beh kòe ô͘ khì Kapeklông hit pêng. Thiⁿ íkeng àm, Iâso͘ iáubōe kàu in hia. 18 Inūi thàu tōahong, hongéng ná lâi ná tōa. 19 Bûntô͘ kò chûn chhaputto kiâⁿ gō͘ la̍k konglí ê sî, khòaⁿ tio̍h Iâso͘ tī ô͘bīn teh kiâⁿ, ná lâi ná óakīn chûn, in chiū khí kiaⁿ. 20 M̄ koh Iâso͘ tùi in kóng, " Sī Góa là, m̄ bián kiaⁿ!" 21 Bûntô͘ chiū hoaⁿhí chiap I chiūⁿchûn. Chûn liâmpiⁿ to̍h kàu in beh khì ê só͘chāi.

Chènglâng Chhōe Iâso͘
22 Kehtńgji̍t, iáu tī ô͘ hitpêng hōaⁿ ê kûnchiòng khòaⁿ tio̍h hit ūi kantaⁿ chi̍t chiah chûn'á. Iâso͘ mā bô kah bûntô͘ chòhóe chē hit chiah chûn. Chíū bûntô͘ kakī khì. 23 M̄ koh ū kúi chiah chûn'á tùi Thêpìlía lâi, kàu óakīn chêng Chú chioksiā liáuāu pun piáⁿ hō͘ kûnchiòng chia̍h ê só͘chāi. 24 Kûnchiòng khòaⁿ tio̍h Iâso͘ kah bûntô͘ lóng bô tī hia, chiū chē hit kúi chiah chûn'á kòekhì Kapeklông chhōe Iâso͘.

Iâso͘ Sī Sèⁿmiā ê Piáⁿ
25 Kûnchiòng tī ô͘ ê hitpêng hōaⁿ chhōe tio̍h Iâso͘ chiū mn̄g kóng, " Lāusu, lí símmi̍h sî kàu chia?" 26 Iâso͘ ìn kóng, " Góa si̍tchāi kā lín kóng, lín chiahê lâng chhōe góa, sī inūi chia̍h piáⁿ chia̍h kàu pá, m̄ sī inūi khòaⁿ tio̍h sînjiah. 27 M̄ thang ūi tio̍h ē pāihoāi ê chia̍hmi̍h lâi lôkhó͘, tio̍h ūi kútn̂g tīteh éngoán oa̍hmiā ê chia̍hmi̍h lâi phahpiàⁿ, chiūsī Jînchú beh hō͘ lín ê, inūi ThiⁿPē SiōngChú íkeng kā I khapìn jīntēng." 28 Kûnchiòng chiū mn̄g Iâso͘ kóng, " Goán beh oânsêng SiōngChú ê kangchok engkai tio̍h ánchóaⁿ lâi chò?" 29 Iâso͘ ìn kóng, " Sìn SiōngChú chhephài lâi ê Hitūi chiūsī chò SiōngChú ê kang." 30 Kûnchiòng chiū kóng, " Lí kiâⁿ símmi̍h sînjiah hō͘ goán khòaⁿ thang lâi sìn Lí? Lí beh chò símmi̍h? 31 Goán ê chó͘siansian tī khòngiá chia̍h máná. Tútú chiàu Sèngkeng só͘ kìchài: Ēng tùi thiⁿ lâi ê piáⁿ hō͘ in chia̍h."( chù: SPh 78:24) 32 Iâso͘ chiū kā in kóng, " Góa si̍tchāi kā lín kóng, M̄ sī Mô͘se ēng tùi thiⁿ lâi ê piáⁿ hō͘ lín chia̍h, sī Góa ê ThiⁿPē ēng tùi thiⁿ lâi ê chin ê piáⁿ hō͘ lín. 33 Inūi SiōngChú ê piáⁿ, chiūsī hitê tùi thiⁿ lo̍hlâi, mā sī sù oa̍hmiā hō͘ sèkan ê." 34 Kûnchiòng chiū tùi Iâso͘ kóng, " Siansiⁿ, chhiáⁿ Lí sîsiông siúⁿsù chitchióng piáⁿ hō͘ goán." 35 Iâso͘ kā in kóng, " Góa chiūsī oa̍hmiā ê piáⁿ. Lâi Góa chia ê lâng choa̍ttùi bē iau, sìn Góa ê lâng éngoán bē chhùita. 36 M̄ koh góa bat kā lín kóng, lín íkeng ū khòaⁿ tio̍h Góa, iûgoân m̄ sìn. 37 ThiⁿPē só͘ kautài Góa ê lâng lóng ē lâi Góa chia. Lâi Góa chia ê lâng, Góa choa̍ttùi bē kā i khìsak. 38 Inūi Góa tùi thiⁿ kàng lo̍hlâi m̄ sī chiàu kakī ê ìsù chò tāichì, sī beh oânsêng chhephài Góa lâi Hitūi ê chíì. 39 Chhephài Góa lâi Hitūi ê chíì chiūsī: I só͘ kautài Góa ê lâng chi̍tê to bē ēngtit sitlo̍h. Tī boa̍tji̍t Góa ē hō͘ i kohoa̍h." 40 Inūi góa ê ThiⁿPē ê chíì chiūsī kìⁿnā khòaⁿ tio̍h Kiáⁿ lâi sìn I ê lâng, lóng ū éngoán ê oa̍hmiā. Góa tī boa̍tji̍t mā ē hō͘ i kohoa̍h. 41 Iûthàilâng inūi Iâso͘ ū kóng, " Góa sī tùi thiⁿ kànglo̍h ê piáⁿ." chiū chhitchhùi pehchhùi kóng, 42 " Chitê kám m̄ sī Ioksek ê kiáⁿ Iâso͘? I ê pē bú sī lán só͘ bat ê. Chitmá I náē kóng, ' Góa sī tùi thiⁿ kànglo̍h ê.'?" 43 Iâso͘ ìn kóng, " Lín m̄ thang ánne nga̍uhnga̍uhliām. 44 Nā m̄ sī chhephài Góa lâi ê ThiⁿPē ínchhōa, bôlâng ē lâi Góa chia. Lâi Góa chia ê lâng, tī boa̍tji̍t Góa ē hō͘ i kohoa̍h. 45 Sianti ê chheh ū kìchài: Chènglâng lóng ē chiapsiū SiōngChú ê kàsī.( chù: ISA 54:13) Só͘ū tùi ThiⁿPē thiaⁿ tio̍h lâi ha̍ksi̍p ê lâng lóng ē lâi Góa chia. 46 Che m̄ sī kóng ūlâng bat khòaⁿ tio̍h ThiⁿPē, chí ū tùi SiōngChú hia lâi ê Hitūi bat khòaⁿ tio̍h ThiⁿPē. 47 Góa si̍tchāi kā lín kóng, Sìn ê lâng ū éngoán ê oa̍hmiā. 48 Góa chiūsī oa̍hmiā ê piáⁿ. 49 Lín ê chó͘sian tī khòngiá chia̍h máná, in mā sī síkhì. 50 Che chiūsī tùi thiⁿ kànglo̍h ê piáⁿ, hō͘ lâng chia̍h liáu bē sí. 51 Góa chiūsī tùi thiⁿ kànglo̍h hitê oa̍h ê piáⁿ. Lâng nā chia̍h chitê piáⁿ chiū ē éngoán oa̍hteh. Góa só͘ beh hō͘ lâng ê piáⁿ chiūsī góa ê bah, sī ūi tio̍h beh hō͘ sèkanlâng ū oa̍hmiā lâi hiàn ê." 52 Inūi ánne, Iûthàilâng chiū hō͘siōng chenglūn, kóng, " Chitê lâng náē ēng I ê bah hō͘ lán chia̍h?" 53 Iâso͘ tùi in kóng, " Góa si̍tchāi kā lín kóng, lín nā bô chia̍h Jînchú ê bah, bô lim I ê hoeh, lín ê lāibīn chiū bô oa̍hmiā. 54 Chia̍h góa ê bah, lim góa ê hoeh ê lâng ū éngoán ê oa̍hmiā. Tī boa̍tji̍t Góa ē hō͘ i kohoa̍h. 55 Góa ê bah sī chinsi̍t ê chia̍hmi̍h, Góa ê hoeh sī chinsi̍t ê ímliāu. 56 Chia̍h góa ê bah, lim góa ê hoeh ê lâng, i tiàmtī Góa lāibīn, góa mā tiàmtī i lāibīn. 57 Éngoa̍h ê ThiⁿPē chhephài Góa, Góa ūi ThiⁿPē lâi oa̍h; chhinchhiūⁿ ánne, chia̍h Góa ê bah ê lâng ē inūi Góa lâi oa̍h. 58 Che sī tùi thiⁿ kànglo̍h ê piáⁿ, m̄ sī chhinchhiūⁿ lín chó͘sian só͘ chia̍h ê máná, in chia̍h liáu mā síkhì. Chia̍h Góa chitê piáⁿ ê lâng ē éngoán oa̍hteh." 59 Chiahê sī Iâso͘ tī Kapeklông ê hōetn̂g kàsī lâng ê sî kóng ê ōe.

Éngoánoa̍h ê Ōe
60 Iâso͘ ê bûntô͘ ū chinchē lâng thiaⁿliáu chiū kóng, " Chiahê ōe chin khùnlān koh chha̍khīⁿ, siáⁿlâng thiaⁿ ē lo̍hkhì?" 61 Iâso͘ simlāi chaiiáⁿ bûntô͘ inūi chitê tāichì teh nga̍uhnga̍uhliām, chiū kā in kóng, " Chiahê ōe jiá tio̍h lín sībô? 62 Ánne lín nā khòaⁿ tio̍h Jînchú chiūⁿ kàu I goânlâi ê só͘chāi. Lín ē ánchóaⁿ? 63 Sù oa̍hmiā hō͘ lâng ê sī SèngSîn. Jio̍kthé bô siáⁿ lō͘ēng. Góa kā lín kóng ê ōe sī tùi sù oa̍hmiā ê SèngSîn lâi ê. 64 M̄ koh lín tiongkan ūlâng m̄ sìn." Inūi Iâso͘ tùi khíthâu chiū chaiiáⁿ siáⁿlâng m̄ sìn, siáⁿlâng beh kā I chhutbē. 65 Iâso͘ koh kóng, " Inūi ánne, Góa bat kā lín kóng, nā m̄ sī ThiⁿPē ínchún, bôlâng ē tàng lâi Góa chia." 66 Inūi ánne, bûntô͘ tiongkan ū chinchē lâng līkhui, bô koh tòe Iâso͘ kiâⁿ. 67 Iâso͘ chiū tùi cha̍pjī sùtô͘ kóng, " Lín mā beh līkhui sībô?" 68 Sebûn Pítek ìn kóng, " Chú ah, Lí ū éngoán oa̍hmiā ê ōe, goán tio̍h koh khì tòe siáⁿlâng? 69 Goán íkeng sìn, koh khaksi̍t chai Lí sī SiōngChú ê Sèngchiá." 70 Iâso͘ ìn kóng, " Góa kám m̄ sī kéng lín cha̍pjī lâng? M̄ koh lín tiongkan ū chi̍tê sī mô͘kúi?" 71 Iâso͘ kóng ánne sī teh chí Kalio̍klâng Sebûn ê kiáⁿ Iûtāi. I sī cha̍pjī sùtô͘ ê chi̍tê, tehbeh chhutbē Iâso͘.